A Ch'an̈ B'ab'el Libro Samuel 18:25 - Chuj San Sebastian Bible

²⁵ Yuj cha, xyaln Saúl 'ixtic: —'At alc 'a David, chajtlto matz tac' stojn win 'ix wisl tic 'a 'icha sb'eyb'al eb' 'anma'. Cojn jun tas tzin nib'j an reyn tic, to tzyij cot win junc ciente sjolm swincal eb' filisteo 'ayin, sec 'ixta tzwutj in pacn in b'a 'a eb' 'ajc'ojl yajch 'ayin, xchi cob'i'. 'Ixta xyutj yalni, sec tzcham David chi yuj eb' filisteo chi snani.

Chuj San Mateo Bible

²⁵ Ix yalanxi vin̈aj Saúl chi' d'a eb' ay yopisio chi': —Alec d'a vin̈, max stuplaj ix visil tic vin̈ icha sb'eyb'al eb' anima, an̈ej syic'cot 100-oc sjolom svinaquil eb' vin̈ filisteo vin̈ d'ayin. Icha chi' tz'aj in pacan in b'a d'a eb' vajc'ol chi', xe chi d'a vin̈, xchi vin̈ rey chi'. Icha chi' ix yutej vin̈ rey chi' yalani yic smiljicham vin̈aj David chi' yuj eb' filisteo chi'.

A Ch'an̈ B'ab'el Libro Samuel 18:25 ပူးပေါင်းရင်းမြစ်များ

Gn 29:18

Ax Jacob xcan snab'en win 'a 'ix Raquel, yuj cha, xyaln 'ixtic: —Tzin can ach wac' servil uque'oc ab'il yuj 'unx esl Raquel tic, xchi.

Gn 34:12

May yel'chi toxn̈ej chan̈ stojl 'unx 'icha sb'eyb'al eb' 'anma 'a tic, niwn pax siylab' tztac' wa'n 'ayex, cojn toto tzchaj e c'ojl tzwij in b'a yet' 'unix, xchi winac.

A Ch'an̈ Schab'l Libro Samuel 3:14

Xlajw cha, schecn 'at pax David chi schecb' 'a Is-boset, 'ix yaln 'at 'ixtic: —'A' cot 'ix Mical 'ix wistzil, 'ix wijnac in b'a yet'oc, yujto wa'jnac jun ciente sjolm swincal eb' filisteo stojloc 'ix 'a a mam, xchi.

Josué 5:3

'Ix sb'on Josué eb' q'uen cuchlub' cha. Xlajw cha, 'ix ya'n 'ajxoc circuncidar eb' yit chon̈b' chi 'a lum tzaln Aralot.

A Ch'an̈ B'ab'el Libro Samuel 14:24

Palta a eb' israel, caw 'ix tzactzj chan̈ eb' 'a jun c'u cha, yujto 'ay jun sti Saúl xyal 'ixtic: Cot cab' catb' 'a yib'n̈ mach tzwa 'a yic mantzac q'uic'b' cha'an̈ yic mantzac wa'x in pac 'a eb' 'ajc'ojol, xchi. Ax eb' chon̈ab', mantzac wa xon eb' jab'oc.

A Ch'an̈ B'ab'el Libro Samuel 17:26

Yuj cha, sc'anb'n David 'a eb' 'ayc 'a stz'ey chi 'ixtic: —¿Tas tz'ajx 'a junc win tzmiln cham jun filisteo tic, sec tz'och wan sb'uchwj 'ayn̈ an̈ israel on̈c tic? ¿'Aj xcot jun filisteo cha, jun chuc chon̈b'al cha, yuj cha, tzb'uchwj 'a eb' soldado yic jun Dios pitzan? xchi.

A Ch'an̈ B'ab'el Libro Samuel 17:36

Yuj cha, an a checb' in tic, wach'xam león, mto oso, cojnto tojln̈ej scham wu'uj. Ax jun filisteo chuc chon̈b'al tic, lajn 'oj wutc 'icha wutjnac e no cha, yujto tzb'uchwj 'a eb' soldado yic jun Dios pitzan.

A Ch'an̈ B'ab'el Libro Samuel 18:17

Xlajw cha, xyaln cob' Saúl 'a David 'ixtic: —Tzwac' 'ix in b'ab'l 'isl tzcuch Merab estziloc, 'in caw wal jeln ach a'n owal, caw tzach sc'anlb'ej Jehová yic tzya'n owl cu'uj, xchi. Yujto sna Saúl, to wach' man̈oc tz'och smul smiln cham David, yel xo wach' to a eb' filisteo tzmiln chamoc.

A Ch'an̈ B'ab'el Libro Samuel 18:24

Xlajw cha, 'ix 'at yalnc pax eb' checb' chi spac 'a Saúl yuj tas xyutj David yaln 'a eb'.

A Ch'an̈ B'ab'el Libro Samuel 19:1

'Ix yaln Saúl 'a jun yunnal atn Jonatán, yet' 'a smasnil eb' schecab', to tzmil cham eb' David. Palta a win Jonatán cha, caw chamc'ojlb'il David yuj win si'mb'il,