A Ch'an̈ B'ab'el Libro Samuel 18:17 - Chuj San Sebastian Bible

¹⁷ Xlajw cha, xyaln cob' Saúl 'a David 'ixtic: —Tzwac' 'ix in b'ab'l 'isl tzcuch Merab estziloc, 'in caw wal jeln ach a'n owal, caw tzach sc'anlb'ej Jehová yic tzya'n owl cu'uj, xchi. Yujto sna Saúl, to wach' man̈oc tz'och smul smiln cham David, yel xo wach' to a eb' filisteo tzmiln chamoc.

Chuj San Mateo Bible

¹⁷ Ix lajvi chi', ix yalan vin̈aj Saúl d'a vin̈aj David chi': —Svac' ix b'ab'el visil scuchan Merab etb'eyumoc, an̈ej to jelann̈ej tzutej a b'a d'a oval, tzac'an oval cuj a on̈ schon̈ab' on̈ Jehová tic, xchi vin̈. Ix sna vin̈aj Saúl icha chi' yujto malaj sgana vin̈ yoch smul smilan vin̈aj David chi', vach' ama tato a eb' filisteo smilan vin̈ snaan vin̈.

A Ch'an̈ B'ab'el Libro Samuel 18:17 ပူးပေါင်းရင်းမြစ်များ

A Ch'an̈ Schab'l Libro Samuel 11:15

Tzyaln David 'a scarta 'ixtic: 'A'c 'och win Urías 'a 'aj caw ow ya'n owl cha. Tzeyi'n 'el e b'a 'a stz'ey, sec tzchami, xchi ch'an̈ carta cha.

A Ch'an̈ Schab'l Libro Samuel 12:9

¿Tas yuj ma'ix a yiclj in checnb'il an Jehová in? 'Ix a b'on wal tas maysch'olnil 'a in sat. 'Ix ac' milxoc win Urías hitita, ax eb' amonita 'ix miln win o'oj, 'ix e'nec' yistzil winac.

A Ch'an̈ Schab'l Libro Samuel 6:16

A yic xjaw te scaxail strato Jehová chi 'a yol schon̈b' David, c'uxn wal q'ueln 'elt 'ix Mical 'ix yisl win Saúl 'a swentnual yatut, ax xyilni to a win rey David, caw wal tzb'atj chan̈ yuj tzaljc'ojlal 'a yojltac Jehová; yuj cha, schab'c'ojlan 'el 'ix win 'a spixan.

Salmos 12:2

Cojxn̈ej 'es tzlaj yal-lac eb' 'a junjn 'anma', tzlaj yixtn paxti sb'a eb' 'a chab'satil.

Salmos 55:21

Caw tzc'unni spaxtini, palta ax 'a snab'en, cojxn owl tznib'ej. 'Icha wal aceite tz'och 'a junc lajwel, 'ixta slab'b'il spaxtini. Ticni man̈ yeloc, lajn wal spaxti chi 'icha q'uen espada caw jay ye.

Pr 26:24

A mach tu snab'en, caw wach' tzyutj paxtinc sb'a, palta ax 'a snab'en, caw wal tu tas nab'il yu'uj.

Pr 26:25

Wach'xam cob' wach' tzyutj paxtinc sb'a 'ayex, palta man̈ e cha eyab'i', yujto caw tu tas nab'il yuj 'a e patquil.

Pr 26:26

Wach'xam tzcob' sc'ub'c 'el stu nab'enal chi 'ayex, palta yowlal 'oj checljoc 'el snab'en chi 'a sat smasnil 'anma'.

Nm 21:14

Atn jun tzo'n̈ lugar chi tzb'inax cot yuj ch'an̈ libro, yic yab'xil owl yic Jehová, 'a 'aj tzyal 'ixtic: On̈ 'e'tec 'a chon̈b' Vaheb 'a yol yic Sufá, on̈ laj 'e't 'a ch'olctac 'aj 'ay a a', yet' 'a yojl a Arnón.

Nm 32:20

Xlajw cha, xyaln Moisés 'a eb' 'ixtic: —Tztac' cab' e can 'a lu'um, toto yel tzeyala to tzex b'ab'l 'at 'a owl cha, cojn yic tzyaln Jehová tzex 'ati.

Nm 32:27

An̈ xo tic, 'oj qui 'at 'a owl chi yet' qui yamc'ab', yaln̈ej 'aj 'oj on̈ schecb't Jehová, 'icha tzotj aln tic, xchi eb'.

Nm 32:29

—Toto smasnil ewin yin̈tl Rubén yet' eb' yin̈tl Gad, lista yaj eb' 'a owal yic tz'ec' eb' eyet' 'a yojl a Jordán 'a yojltac Jehová, tzcan eb' eyet'oc masnto tzeyac' ganar eyi'n can 'ec' lum lum chi yet' eb', to 'ixta', tzeya'cn lum Galaad yico'oc eb'.

Dt 17:7

A eb' testigo cha, a eb' tzb'ab'l jul q'uenan jun 'ay smul cha. 'Ixta b'i'an, tzjul q'uenan eb' chon̈b' chi smasnil, sec 'ixta 'oj 'aj yel jun maysch'olnil chi 'a e cal.

A Ch'an̈ B'ab'el Libro Samuel 14:49

A eb' yunnal Saúl, atn eb' tic: Jonatán, Isúi yet' Malquisúa. 'Ay pax chawn̈ yisil, atn 'ix Merab, yet' 'ix Mical.

A Ch'an̈ B'ab'el Libro Samuel 17:25

'Ix laj yal-lanc eb' israel junjn 'a 'ixtic: 'In tzquilc win x'elt 'a scal eb' filisteo cha, tzcot win b'uchwjoc 'a 'ayn̈ israel on̈ec tic. 'Ix yal win rey to a mach tz'a'n ganar smiln cham win Goliat cha, 'oj yac' win rey chi nan̈loc sricoal 'a winac. Tzya'n pax win jun 'ix yisl yistloc winac. Ax eb' yican man̈x 'oj yac' eb' stojlb'al, xchi eb'.

A Ch'an̈ B'ab'el Libro Samuel 17:36

Yuj cha, an a checb' in tic, wach'xam león, mto oso, cojnto tojln̈ej scham wu'uj. Ax jun filisteo chuc chon̈b'al tic, lajn 'oj wutc 'icha wutjnac e no cha, yujto tzb'uchwj 'a eb' soldado yic jun Dios pitzan.

A Ch'an̈ B'ab'el Libro Samuel 17:47

Smasnil eb' 'anma yamn tic, 'oj yojcoc 'el eb', chajtlto man̈ espadaoc, man̈ lanzaoc tzc'anlb'ej Jehová, yic tzcoln 'el schon̈ab'. A jun owl tic yic Jehová. A 'oj eya'n 'och 'a yol qui c'ab' on̈, xchi David.

A Ch'an̈ B'ab'el Libro Samuel 18:21

'Ix snan Saúl 'ixtic: 'Oj wac' 'ix wisl tic yistloc win David, sec yuj 'ix ax ya'x ganar David yuj eb' filisteo, xchi. Yuj cha, xyaln Saúl chi 'ixtc 'a David 'a scha'ejmal: —A ticnec b'i'an, 'oj och in n̈i'oc, xchi cob' winac.

A Ch'an̈ B'ab'el Libro Samuel 18:25

Yuj cha, xyaln Saúl 'ixtic: —'At alc 'a David, chajtlto matz tac' stojn win 'ix wisl tic 'a 'icha sb'eyb'al eb' 'anma'. Cojn jun tas tzin nib'j an reyn tic, to tzyij cot win junc ciente sjolm swincal eb' filisteo 'ayin, sec 'ixta tzwutj in pacn in b'a 'a eb' 'ajc'ojl yajch 'ayin, xchi cob'i'. 'Ixta xyutj yalni, sec tzcham David chi yuj eb' filisteo chi snani.

A Ch'an̈ B'ab'el Libro Samuel 18:27

'ix 'at David yet' eb' soldado yac' owl yet' eb' filisteo. Ax x'aji, 'ix smiln cham eb' chab' ciente eb' filisteo cha. Xlajw cha, xyi'n cot sjolm swincal eb', 'ix ya'n smasnil 'a win rey cha, sec tz'och sn̈ic winac. Yuj cha, xya'n win Saúl chi 'ix yisl tzcuch Mical yistloc winac.

A Ch'an̈ B'ab'el Libro Samuel 25:28

Tza'n niwnc'ojlal 'a wib'n̈ yuj in paltail. Wal yel a Jehová 'oj 'ochn̈j et' 'a opiso, yet' eb' en̈til, 'ilt nab'an, to yuj Jehová tza'n owl tic 'a smasnil tiempo, may cab' b'a'n̈ tu tas tza b'o'o.

A Ch'an̈ B'ab'el Libro Samuel 30:26

A yic 'ix c'ochx David 'a chon̈b' Siclag, 'ix schecn 'at schecb' 'a eb' yichm wincal Judá, atn eb' swach'c'ojol, yuj ya'n 'at jac tastc xit' yi'cn 'ec' cha. 'Ix yaln 'at 'ixtc 'a eb': Yaj jab' in siylab' tzwa't 'ayex, atn tastc xit' wi'cn 'ec' 'a eb' 'ajc'ojl yajch 'a Jehová, xchi.