A Ch'an̈ B'ab'el Libro Samuel 17:43 - Chuj San Sebastian Bible

⁴³ 'Ix yaln win 'ixtc 'a David: —¿Tom tz'in tzela, yuj cha, tzach cot yet' a te 'ayin? xchi win 'a 'a. Xlajw cha, scatb'tzan win Goliat David chi 'a sb'i jun tzo'n̈ scomn dios.

Chuj San Mateo Bible

⁴³ Ix yalan vin̈ icha tic d'a vin̈aj David chi': —¿Tom tz'i' in tzila' yuj chi' tzach cot d'ayin yed' te' a te' chi'? xchi vin̈. Ix syamanoch vin̈ scatab'an vin̈aj David chi' d'a sb'i sdiosal.

A Ch'an̈ B'ab'el Libro Samuel 17:43 ပူးပေါင်းရင်းမြစ်များ

Gn 27:29

Til wal 'anma 'oj a'n servil. Smasnil eb' nacion̈ 'oj 'em cumn eb' 'ayach. 'Oj och yajlil 'a yib'n̈ eb' o'tac. ¡'Oj laj 'em cumn eb' 'a ojltac! A eb' tzaln maysch'olnil 'a a patic, maysch'olnil yic eb', ax eb' tzach aln wach'il, wach' yic eb', xchi Isaac.

A Ch'an̈ Schab'l Libro Samuel 16:5

A yic xc'och David 'a chon̈b' Bahurim, axta x'elt jucnjoc win Simei sb'ajwj 'a 'a, yunnal jun win tzcuch Guerá, yican sb'a yet' win Saúl.

A Ch'an̈ Schab'l Libro Samuel 16:9

Yuj cha, 'ix yaln win Abisai yune 'ix Sarvia 'ixtc 'a win rey cha: —Mamin rey, ¿tas yuj a jun 'icha chamnc tz'i tic tzach b'ajni? 'Ac' in permiso yic tz'at in tzu'nc 'el sjolom, xchi winac.

A Ch'an̈ Schab'l Libro Samuel 3:8

Caw wal xcot yowl Abner chi si'mb'il, yuj jun paxti xyal Is-boset chi 'a 'a, yuj cha, xyaln 'a 'ixtic: —¿Tom may jac wel'ch 'aych 'icha junc tz'i'? ¿tom tzin colwj 'a eb' 'aj Judá tza na'a, yuj cha tzaln 'ixta 'ayin? An tic, caw wach'n̈j xwutj 'a eb' yican Saúl, atn a mam, yet' 'a eb' ecan, yet' pax 'a eb' a wach'c'ojol, matz ach wa'ch pax 'a yol sc'ab' David. Ach xo tza'ch 'a wib'n̈ ticnec, chajtlto 'ix 'och in mul yet' jun 'ix 'ix cha.

A Ch'an̈ Schab'l Libro Samuel 9:8

'Ix 'emx n̈ojn win Mefi-boset cha, 'ix yaln win 'ixtic: —¿Tas wal yuj tz'o'ch a c'ojl 'ayn mamin rey? An a checb' in tic, lajn xoj wal wilx 'icha junc no chamnc tz'i', xchi.

A Ch'an̈ B'ab'el Libro Yic Yab'ixal Eb' Rey 20:10

Ax win Ben-adad cha, 'ix ya'n 'at pax eb' schecb' chi 'a win Acab, xya'n yal eb' 'ixtic: A cab' eb' dios tz'a'n 'och in yailal, toto matz techj yi'n cot eb' in soldado junjn jopoc spococal Samaria cha, xchi winac, xchi eb'.

A Ch'an̈ Schab'il Libro Yic Yab'ixal Eb' Rey 8:13

—Palta an a checb' in tic, caw may jac wel'chi, lajn in 'icha junc no tz'i'. ¿Tas wal 'oj wutc in b'on junc tas 'icha tzal cha? xchi Hazael cha. —Tox 'ix yal Jehová 'ayin, to ach 'oj ochx can sreyloc Siria, xchi Eliseo 'a 'a.

Pr 26:2

A junc catb' paxti tzalx 'a to may yu'uj, matz 'och yopiso. Lajn 'icha wal junc no tz'unun ton̈j tzjen̈n 'eq'ui, mto 'icha junc no pechul matz 'och wa'an.

Nm 22:6

Yuj cha, cotn̈ muc'uc, wul catb'tzej can jun tzo'n̈ 'anma tic in c'ana', yujto caw jeln pax eb' 'a quib'n̈ on̈. Comnoc 'oj stac' wa'n ganar wi'n 'el eb' 'a yol in chon̈b' tic. Yujto wojtac, a tas tza catb'tzej, yet' tas 'aj tzal a wach' paxti', to tz'el'chn̈ej, xchi Balac.

Jueces 9:27

'Ix 'elt eb' 'a spatquil chon̈b' chi sayj sat uva, spitz'n 'el eb' yalil te', sb'on eb' te yal uva chi yuc'. Xya'n 'och eb' jun q'uin̈ yet' wa'el. 'Ix 'och pax eb' wac 'a yol yatutal sdiosal eb' cha. Xlaj yu'nc eb' yal uva jawnc sti', axta xyalcn eb' tu paxti 'a yib'n̈ Abimelec.

A Ch'an̈ B'ab'el Libro Samuel 14:12

Xlajw cha, x'awj eb' 'a Jonatán yet' 'a jun schecb' chi 'ixtic: —¡Cotn̈ec 'aj 'ayn̈ 'ec' tic, 'ay jun tas 'oj cal eyab'i'! xchi cob' eb'. Yuj cha, xyaln Jonatán 'a jun schecb' chi 'ixtic: —'Ochn̈n̈ej tza'n wu'uj, yujto a Jehová a 'oj 'a'n 'och eb' 'a yol qui c'ab' an̈ israel on̈ tic, xchi.

A Ch'an̈ B'ab'el Libro Samuel 24:14

An̈jtona', mamin rey, ¿tom niwn wel'chi yuj cha, tzin a pechn b'eyc'oc? An tic may jac wel'chi, lajn in 'icha no chamnc tz'i', mto no c'ac.

A Ch'an̈ B'ab'el Libro Samuel 24:15

Yuj cha, a cab' Jehová 'oj qui b'eyc'ojlan qui chawn̈il; a cab' tzin b'eyc'ojlani, tzin scoln 'el 'a yol a c'ab', xchi David.