A Ch'an̈ B'ab'el Libro Samuel 17:20 - Chuj San Sebastian Bible

²⁰ Ax 'a yic caw sq'uin̈b'ilto 'a junx c'u, 'ix ya'n can David 'ab'enal no calnelu chi 'a junx mach. Xlajw cha, 'ix 'ati, xyi'n 'at jun tzo'n̈ tas xya't Isaí chi 'a 'a. Ax yic xc'och 'a scamplamento eb' soldado cha, wan s'at eb' 'a owal, tzya'n 'el eb' yaw s'at 'a owl cha.

Chuj San Mateo Bible

²⁰ Ayic ix sacb'inaj d'a junxo c'u, ix yac'ancan noc' scalnel vin̈aj David chi' d'a junxo stan̈vumal, ix b'at vin̈, ix yic'anb'at tastac ix schec vin̈ smam vin̈ chi' yic'b'ati. Ayic ix c'och vin̈ d'a scampamento eb' soldado israel chi', vanxo sb'at eb' yac' oval chi', van yel yav eb' sb'at eb'.

A Ch'an̈ B'ab'el Libro Samuel 17:20 ပူးပေါင်းရင်းမြစ်များ

Lc 19:43

Yuj cha, 'ay wal jun tiempoal 'oj jawoc, ax eb' 'ajc'ojl yajch 'a jun chon̈b' tic, 'oj yoych eb' scol-lal. Ax yoch oyn eb' yac' owl yet'oc.

Josué 3:1

Ax 'a junx c'u cha, 'ix seb' q'ue wan Josué, x'ochx 'a b'eyl yet' eb' yit chon̈ab'. 'Ix 'el paxt eb' 'a lum Sitim, 'ix jaw eb' 'a sti a Jordán. 'Ix 'och wan eb' ta 'oxe c'u.

A Ch'an̈ B'ab'el Libro Samuel 15:12

Ax wal 'a yic caw sq'uin̈b'il to, 'ix 'at say yil win Saúl, palta 'ix alx 'a 'a chajtlto x'at win 'a Carmel. Ata sb'o jun munamento yuj sb'inaxi, axta xmeltzji, 'ix c'ochx can 'a Gilgal.

A Ch'an̈ B'ab'el Libro Samuel 17:19

Ata 'ayc' Saúl yet' eb' yu'tac David, yet' pax smasnil eb' yit israelal 'a span̈nil Ela yac' owl yet' eb' filisteo.

A Ch'an̈ B'ab'el Libro Samuel 17:21

Sjit'n sb'a eb' israel chi s'at 'a owal, an̈jtona pax eb' filisteo cha, sjit'n sb'a eb' scot 'a owl 'a sat eb', q'uelc'mb'a x'aj eb'.

A Ch'an̈ B'ab'el Libro Samuel 17:28

A yic wan spaxtin David yet' jun tzon̈ winc cha, 'ix yab'n win sb'ab'l 'u'tac, atn win Eliab. Caw xcot yowl win si'mbil 'a 'a, xyaln 'a 'ixtic: —¿Tas tzwul a b'o 'a tic? ¿Mach 'ix ac' 'ilnc can jayc'otn̈ e no calnelu 'a cusltac lu'um? Wojc wal cob' a b'an̈quinal. ¡Caw tu tas 'ayc' 'a a nab'en! ¿Tas yuj ton̈j tzwul ela' tas tz'aj yoch owal? xchi.

A Ch'an̈ B'ab'el Libro Samuel 26:5

Xlajw cha, 'ix 'at David 'a 'aj 'ayc' Saúl cha, 'ix smaclni yil 'aj tzwaycn yet' Abner win yunnal Ner, syajlil eb' soldado cha. Ax x'aji a 'a spacl snan̈l camplamento cha, ata waync Saúl, oyn 'och eb' soldado 'a stz'ey stan̈wni.

A Ch'an̈ B'ab'el Libro Samuel 26:7

'A jun 'ac'wl cha, 'ix 'at David yet' Abisai 'a jun camplamento cha. Ax Saúl caw chamnc swayi, ax 'a sjolmtac ata pajb'il can 'ejm slanza 'a sat lu'um. Ax win Abner yet' smasnil eb' soldado wayn̈c eb' 'a stzey.