A Ch'an̈ B'ab'el Libro Samuel 16:18 - Chuj San Sebastian Bible

¹⁸ 'Ix yaln jun 'a scal eb' schecb' chi 'ixtic: —'Ay wal jun win wojtac. Caw jeln win syucn te arpa cha, yunnal win Isaí winac. Ata cajn 'a Belén. Caw jeln winac, yojc ya'n owal. Caw wach' pax yilx 'ochi, jeln spaxtini, 'aychn̈ej Jehová yet'oc, xchi.

Chuj San Mateo Bible

¹⁸ Ix yalan jun vin̈ yetb'eyum eb' vin̈ ayec' chi' icha tic: —Ay val jun vin̈ vojtac a in tic, yuninal vin̈ vin̈aj Isaí aj Belén, te vach' schalan te' arpa chi' vin̈, an̈ejtona' te vach' vin̈ d'a oval. Te ay spensar vin̈ sloloni, vach' yiljipax snivanil vin̈. Ayoch Jehová yed' vin̈ squila', xchi vin̈.

A Ch'an̈ B'ab'el Libro Samuel 16:18 ပူးပေါင်းရင်းမြစ်များ

Gn 39:2

Palta a Jehová a 'aych yet' José, yuj cha, caw jeln x'aj 'el'chi yic 'ayc' 'a yatut spatron̈ cha.

Gn 39:23

Man̈x 'a jac tas tzna win tan̈m preso cha, yic tzya'n cuenta win eb' 'aych 'a preso, yujto 'aycn 'och eb' smasnil 'a yol sc'ab' José. 'Aych Jehová yet' José, yuj cha, caw wach' x'aj 'el'ch smasnil tas tzb'o'o.

A Ch'an̈ Schab'l Libro Samuel 14:20

'Ix sna chan̈ win a checb' Joab sb'on jun tic, sec toq'ue tza jel a nab'en 'a yib'n̈ tas alb'ilx o'oj. Palta ach xo mamin rey, caw wal jeln a nab'en 'icha junc yángel Dios, yuj cha, ojc smasnil tas tzb'o 'a sat lum lum tic, xchi 'ix.

A Ch'an̈ Schab'l Libro Samuel 17:10

Yuj cha, wach'xam 'ay eb' winc chi caw jelan, matz xiw 'icha no león, 'Oj schab'c'ojloc sb'a eb'; yujto smasnil eb' quit chon̈b'ec, yojc eb' to caw jeln a mam chi 'a owal, 'ixta pax eb' ajun yet' cha.

A Ch'an̈ Schab'l Libro Samuel 17:8

Ach tic, ojc wal si'mb'il to caw jeln win a mam chi yet' eb' 'anma ajun yet' cha. Ax ticnec, caw wal 'ayx cot yowl win 'icha junc no snun oso tz'ijx 'ec' yune 'a 'a. An̈jtona', a pax win a mam cha, caw wal c'aync win ya'n owal, may junc 'ac'wl ton̈j 'ayc' win 'a scal eb' 'anma'.

Pr 12:8

Tzalx wach' paxti 'a eb' 'anma yuj sjelnal; ax eb' may snab'en, caw patcab'il 'el eb'.

Mt 1:23

'Ay jun cob's 'ix, mant 'a xon junc winc tzyi'aj, palta 'oj pitzwc chan̈ jun 'unn 'a 'ix. 'Oj 'aljoc jun swinc 'unin, ax ya'n sb'ic Emanuel, xchi. (Emanuel tzyal 'el'chi, 'ayc' Dios quet'oc).

Mt 28:20

Tz'ec' laj e cuy eb', sec wach' jantcn̈ej tas waljnac can 'ayex, 'oj laj syiclc eb'. An tic 'ayn 'ec' eyet' 'a smasnil tiempo, masnto 'oj lajwc 'ec' yolyib'n̈q'uinl tic, xchi Jesús 'a eb'. [B'o cab' 'ixta']

A Ch'an̈ B'ab'el Libro Samuel 10:7

A yic 'oj elnc jun tzo'n̈ tic, tza b'on tas 'oj yac' Dios a b'o', yujto a 'oj colwjoc et'oc.

A Ch'an̈ B'ab'el Libro Samuel 16:12

Yuj cha, x'at ya'nc Isaí 'at 'awtxoc cot junx win cha. A win cha chacchin yilxi, caw wach' yilx yol sat, caw wach'n̈j yilx 'och sniwnal. Ax yic xjaw winac, xyaln Jehová 'a Samuel 'ixtic: —Atn win tic; 'ac' q'ue aceite 'a sjolm winac, xchi.

A Ch'an̈ B'ab'el Libro Samuel 16:17

'Ix ta'w Saúl 'ixtc 'a eb' schecb' cha: —Sayc 'ec' junc 'an, a wal junc mach caw jeln syucn te', a tzeyij cot 'ayin, xchi 'a eb'.

A Ch'an̈ B'ab'el Libro Samuel 16:19

Yuj cha, xya'n 'at Saúl schecb' 'a Isaí, xyaln 'at 'ixtic: 'A' cot win onnal David 'ayin, win 'ilm calnelu, xchi.

A Ch'an̈ B'ab'el Libro Samuel 17:12

A 'a Belén 'a yol yic Judá, ata 'ay jun win 'ichm winc tzcuch Isaí. A 'a yol stiempoal Saúl cha, caw wal 'ichm winc xo win si'mb'il 'a scal eb' yit chon̈ab'. A win tic, 'ay wajxcwan̈ yunnal, ax 'a scal eb' cha, ata 'ay jun win tzcuch David.

A Ch'an̈ B'ab'el Libro Samuel 3:19

'Ix q'uib' Samuel, ax Jehová caw xcolwjn̈ej yet'oc, yuj cha, may wal junc spaxti chi ma'ix yac' 'el'choc.