A Ch'an̈ B'ab'el Libro Samuel 16:13 - Chuj San Sebastian Bible

¹³ Xlajw cha, xyi'n cot Samuel no ch'ac 'aj 'ay 'ejm aceite. Q'ueln 'och eb' 'u'tacab'il cha, xya'n q'ue Samuel aceite 'a sjolm win David cha. A 'a yic jun c'u cha, 'ix 'ochcn Yespíritu Jehová 'a win yet' spoder. Xlajw swa eb', 'ix meltzj pax can Samuel 'a Ramá.

Chuj San Mateo Bible

¹³ Ix lajvi chi', ix yic'ancot noc' sch'aac vin̈aj Samuel chi', aton b'aj ayem aceite. D'a yichan̈ eb' vin̈ yuc'tac vin̈ chi' smasanil ix yac'q'ue aceite vin̈aj Samuel chi' d'a sjolom vin̈. A vin̈ chi' David sb'i vin̈. Atax d'a jun c'u chi' ix och Yespíritu Jehová d'a vin̈. Axo yic ix lajvi sva eb', ix meltzajxi vin̈aj Samuel chi' d'a Ramá.

A Ch'an̈ B'ab'el Libro Samuel 16:13 ပူးပေါင်းရင်းမြစ်များ

A Ch'an̈ Schab'l Libro Samuel 12:7

Yuj cha, 'ix yaln Natán 'ixtc 'a David: —A jun winc tzwal cha, ach ton tic. 'Ixtc wal xyutj Jehová qui Diosal yaln 'ayach: An 'ix wac' q'ue aceite 'a a jolom yic ach in si'n 'och sreyloc chon̈b' Israel, ach in coln 'a yol sc'ab' Saúl.

A Ch'an̈ Schab'l Libro Samuel 2:4

Xlajw cha, 'ix jaw ewin yin̈tl Judá 'a David, 'ix ya'n can 'och eb' David chi sreyloc. Ax yic xyab'n David chajtlto a eb' 'aj Jabes 'a yol yic Galaad, a eb' mucjnac Saúl,

A Ch'an̈ Schab'l Libro Samuel 23:1

Atn jun tzo'n̈ slajb' spaxti rey David tic: A David yunnal Isaí, caw 'ix 'ijx chan̈ yuj Dios jun Cojxn Niwn Yel'chi, atn jun rey sic'b'il 'el yuj sDiosal eb' yin̈tl Jacob, caw wach' sb'itn 'a scal eb' yit israelal. A tzaln 'ixtic:

A Ch'an̈ Schab'l Libro Samuel 5:3

'Ixta 'ajnc smasnil eb' yichmtac wincal chon̈b' Israel xwulc' paxtinc yet' win rey David 'a Hebrón. 'Ix sb'on win rey chi jun strato yet' eb' 'a Hebrón cha, xya'n 'och eb' Jehová stestigooc. 'Ix ya'n can 'och eb' David chi sreyloc.

A Ch'an̈ Schab'il Libro Yic Yab'ixal Eb' Rey 9:6

Yuj cha, 'ix q'ue wan Jehú 'ix 'och 'a yol n̈a. Xlajw cha, ax jun schecb' Dios cha, 'ix secn q'ue jun aceite chi 'a sjolm winac, 'ix yaln 'a win 'ixtic: —'Ixtc 'ix yutj Jehová yalni, atn qui Diosalec: An tzach in si'cn 'eli, yic tzach 'och reyl 'a chon̈b' Israel, atn in chon̈ab'.

1 Cr 11:3

Ax smasnil eb' 'ichmtac winac, 'ix 'at eb' paxtinc yet' rey David 'a Hebrón, 'ix sb'on jun strato yet' eb' 'a yojltac Jehová. 'Ixta 'ix yutj eb' ya'n can 'och David 'a yopiso, yic tz'och sreyloc eb', 'icha yutjnac Samuel yaln yuj Jehová.

Salmos 89:20

'Ix 'ilchj jun in checb' wu'uj, atn David. A perjuma tzc'anlb'axi yic 'ay junc tas tz'och wico'oc, a xwac' 'ajxoc q'ue 'a sjolom yic xin ch'oxn 'eli to xq'uecn c'och reyal.

Salmos 89:21

May wal b'a'n̈ 'oj 'och wan in colwj yet'oc, 'oj wac' ste'nal yet' in poder.

Nm 11:17

Ax 'a yic 'oj weml b'i'an, ax in paxtin et'oc, ax wi'n 'el jac espíritu 'aych 'ayach, ax wa'n 'och 'a eb' yichm wincal chon̈b' tic. A eb' 'oj colwjoc et'oc, yic tzyiln eb' jun tzo'n̈ 'anma tic, sec man̈ a ch'ocjoc tzel eb'.

Nm 27:18

'Ix ta'w Jehová 'a Moisés, 'ix yaln 'ixtic: —A Josué yunnal Nun, 'ayx 'och Wespíritu 'a 'a, yuj cha, 'awtj coti, tza'n can opiso 'a 'a.

Jn 3:34

Yujto a jun cha, a Dios checjnac coti. Yuj cha, a spaxti Dios tzyala. A jun cha, tz'acn ya'jnac Dios Yespíritu 'a 'a.

A Tas Sc'ulejnac Eb' Schecab' Jesús Hechos 13:22

Ax Dios, 'ix 'i'n 'el Saúl 'a yopiso. Ax David 'ix ya'x can 'och sjeloc. Yaln 'ixtc yu'uj: Yaj David yunnal Isaí. Atn jun tic, tzin tzalj yet'oc. A 'oj b'onc smasnil tas tzin nib'ej, xchi.

A Ch'an̈ Carta D'a Eb' Hebreo 1:9

Tza chamc'ojlej tas tojol, ax maysch'olnil, caw yajb'il 'el o'oj. Yuj cha, ach si'n 'elt Dios, atn jun a Diosal. 'Ix yac' jun a tzaljc'ojlal to 'ec'b'al 'a yib'n̈ yic eb' et yajlil, xchi 'a Ch'an̈ U'un̈.

A Ch'an̈ Carta D'a Eb' Hebreo 11:32

Til to wal tas tzin nib'j tzwalb't 'ayex. Palta man̈x 'a tiempo tzwal yab'xil Gedeón, Barac, Sansón, Jefté, David, Samuel, yet' jun tzo'n̈ xo eb' schecb' Dios.

Jueces 11:29

Yuj cha, 'ix 'och Yespíritu Jehová 'a Jefté, 'ix syamn 'och s'ati, 'ix 'ec' 'a yol yic Galaad yet' 'a yol yic Manasés. 'Ix 'ec' pax 'a Mizpa 'a yol yic Galaad cha, 'ix smolb'tzan eb' soldado, xc'och yac' owl yet' eb' amonita.

Jueces 13:25

Ax Yespíritu Jehová, 'ix syamn 'och sch'oxn sb'a 'a Sansón yic 'ayc' 'a scamplamento eb' yin̈tl Dan. Ata tzcan jun chi 'a snan̈l chon̈b' Zora yet' Estaol.

Jueces 14:6

Ax Yespíritu Jehová 'ix jaw 'a yib'n̈ Sansón, 'ix caw 'och yip. May xon jac tas yet' 'a sc'ab', cojn yet' yip chi 'ix yac' milnc cham no león cha. 'Ix stoc' jecchjoc win no 'icha wal sto'x jecchjoc junc no yune chiwo, 'ixta 'ix yutej. May xon jac tas xyal 'a smam snun yuj tas sb'o cha.

Jueces 3:10

Ax Yespíritu Jehová x'och 'a Otoniel, sjucb'tzan eb' yit israelal cha, xya'n owal. A Jehová a x'och yet' eb', x'ajx eb' 'ajc'ojl chi 'a yol sc'ab'. 'Ix lajw 'el eb' yu'uj.

A Ch'an̈ B'ab'el Libro Samuel 1:19

Ax 'a junx c'u caw 'ix seb' q'ue wan eb', xleslwi can eb' 'a Jehová, 'ix pax eb' 'a yatut 'a Ramá. Xlajw cha, xway win Elcana chi yet' 'ix Ana cha, 'ix snan cot Jehová tas c'anb'il yuj 'ix 'a 'a.

A Ch'an̈ B'ab'el Libro Samuel 10:1

Xlajw cha, xyi'n cot Samuel jun yet'l aceite, 'ix secn q'ue aceite chi 'a sjolm Saúl, 'ix stz'ub'n 'elt sti', xyaln 'a 'ixtic: A Jehová a tzach 'a'n 'och syajlilc qui chon̈ab'.

A Ch'an̈ B'ab'el Libro Samuel 10:6

'Oj lajwc cha, ax yoch Yespíritu Jehová 'ayach, ax a yamn 'och aln 'el spaxti Dios yet' eb'. Caw 'oj jelmjoc a nab'en.

A Ch'an̈ B'ab'el Libro Samuel 11:6

A yic xyab'n Saúl jun tzo'n̈ paxti cha, caw x'och Yespíritu Dios yet' spoder 'a 'a; yuj cha, caw xcot yowl Saúl chi si'mb'il.

A Ch'an̈ B'ab'el Libro Samuel 16:18

'Ix yaln jun 'a scal eb' schecb' chi 'ixtic: —'Ay wal jun win wojtac. Caw jeln win syucn te arpa cha, yunnal win Isaí winac. Ata cajn 'a Belén. Caw jeln winac, yojc ya'n owal. Caw wach' pax yilx 'ochi, jeln spaxtini, 'aychn̈ej Jehová yet'oc, xchi.

A Ch'an̈ B'ab'el Libro Samuel 18:12

Yuj cha, caw tzxiw Saúl 'a David yujto caw tzcolwj Jehová yet'oc, palta man̈xtzac colwj yet' Saúl cha.

A Ch'an̈ B'ab'el Libro Samuel 2:35

Ax wa'n can 'och junc xo ya'mal 'och sti eb' 'anma 'ayin, atn junc win yiclum tzyutj sb'a 'ayn 'icha tzin nib'ej. 'Oj wac' najtxb'oc yopiso eb' yin̈til, ax wa'n yopiso yet' jun win rey 'oj in si'li.