A Ch'an̈ B'ab'el Libro Samuel 15:7 - Chuj San Sebastian Bible

⁷ 'Ix c'och Saúl yet' eb' soldado yac' owl yet' eb' amalecita chi 'a Havila masnto 'a Shur, jun 'ay 'a stojlal 'aj tzq'uel c'u 'a Egipto, ata x'em eb' yu'uj.

Chuj San Mateo Bible

⁷ Ix c'och vin̈aj Saúl chi' yac' oval yed' eb' amalecita chi', ix schaanel yich vin̈ d'a Havila, masanto ix c'och vin̈ d'a Shur d'a smojonalxo Egipto d'a stojolal b'aj sjavi c'u. Ix ac'ji ganar eb' amalecita chi' yuj eb'.

A Ch'an̈ B'ab'el Libro Samuel 15:7 ပူးပေါင်းရင်းမြစ်များ

Gn 16:7

Palta ax jun yángel Jehová schaj sb'a yet' 'ix Agar 'a cusltac lu'um, 'a sla'nil sti jun a a', 'a 'aj tz'atcn sb'el Shur.

Gn 2:11

A jun a b'ab'el, Pisón sb'i a', atn a tz'ec' oyyoc 'a stitc lum Havila sb'i, 'a 'aj 'ay q'uen oro.

Gn 25:18

A smasnil eb' yin̈tl cha, 'ix c'ochcn cajn eb' 'a snan̈l lum Havila yet' Shur, 'a yojltac cot Egipto, 'a 'aj tz'at sb'el Asiria. Ata 'ix 'aj cajn eb', toxn̈ej matz yal sc'ojl eb' yican eb' cha, palta 'ix c'och cajn eb' ta'.

1 Cr 4:43

A eb' chi 'ix 'a'n lajwc 'el eb' amalecita cajnto 'ec' ta'. Ax eb' xcann̈j cajn ta'.

Job 21:30

A yic tzcot yowl sc'ojl Dios, yajn̈ej tzya'n cot yailal, ax eb' maysch'olnil sb'eyb'al, toc 'ay tz'i'n eb'.

Ex 15:22

Xlajw cha, xyi'n 'elt Moisés eb' israel chi 'a sti a Chac Mar, 'ix cot eb' 'a lum cusltac lum yic Shur. 'Oxe c'u xb'ey eb', may xon 'aj 'ix 'ilchj jac a a yuj eb'.

Ec 8:13

A eb' maysch'olnil sb'eyb'al, may jac wach'l 'oj yil eb', ax sq'uinl eb', lajn yec' 'icha junc wewen, yujto may yel'ch Dios 'a sat eb'.

A Ch'an̈ B'ab'el Libro Samuel 14:48

'Ix ste'wtzan sb'a Saúl ya'n owl yet' eb' amalecita, 'ix can eb' 'a yaln̈ yu'uj. 'Ixta xyutj scoln 'el eb' israel 'a yol sc'ab' eb' 'elc'um.

A Ch'an̈ B'ab'el Libro Samuel 27:8

A eb' 'aj Gezur, eb' 'aj Guezer, yet' eb' amalecita caw niwn xo tiempo sc'och cajn eb' 'a jun lugar 'a stojlal Shur masnto 'a Egipto. Ax David yet' eb' soldado ajun yet'oc, jab'jw scal 'ix 'at ya'nc win owl 'a jun tzo'n̈ chon̈b' cha.

A Ch'an̈ B'ab'el Libro Samuel 30:1

Ax 'a schab'jial, 'ix c'och David 'a Siclag yet' eb' winc ajun yet'oc. Ax xiln eb' tox 'ix 'ec' eb' amalecita yelc' 'at smasnil tastc 'a yol yic Neguev yet' 'a Siclag cha. 'Ix yi'n 'at eb' smasnil tas, sn̈usn can eb' jun chon̈b' cha.