A Ch'an̈ B'ab'el Libro Samuel 14:36 - Chuj San Sebastian Bible

³⁶ Xlajw cha, xyaln Saúl 'ixtic: —Coyc ca'c owl yet' eb' filisteo 'a jun 'ac'wl tic, ax qui'nec 'ec' smasnil tas 'a eb', masnto 'oj sacb'oc 'eli, ax qui miln cham eb' smasnil, man̈x 'a junc 'oj cactquec cani, xchi. —B'o tas tza nib'ej, xchi eb'. Palta 'ix yaln win ya'mal 'och sti eb' 'anma 'a Dios 'ixtic: —Ya' sb'a mantzac on̈ 'atec, qui c'anb'quec 'a Dios, xchi.

Chuj San Mateo Bible

³⁶ Ix lajvi chi', ix yalan vin̈ d'a eb' soldado icha tic: —Coyec caq'uecxi oval yed' eb' filisteo d'a jun ac'val tic, ol quic'anec' masanil tastac ay d'a eb', masanto yic ol sacb'oc, ol co milcham eb' smasanil, man̈xa junoc pitzan ol canoc, xchi vin̈. Ix yalan eb' smasanil icha tic: —Yic'ocab' icha tas tzal chi', xchi eb'. Palta ix yalan vin̈ sacerdote icha tic: —Ayic manto on̈ b'atec, vach' ta sco c'anb'ej d'a Dios, xchi vin̈.

A Ch'an̈ B'ab'el Libro Samuel 14:36 ပူးပေါင်းရင်းမြစ်များ

Salmos 73:28

Palta an xo tic ach in Diosal, tzin nitz 'ochch in b'a 'a a tz'ey, yujto a jun chi yel xo wach' 'ayin. Mamin Jehová 'aychn̈ej 'och yipc in c'ojol, 'oj wal-l yab'xil smasnil tas wach' a b'ojnac.

Is 58:2

Junjn c'u tzcob' 'och eb' 'a 'emmquilal 'ayn yalni. Caw tzalj cob' eb', tznib'n eb' cob' yojcoc 'el in b'eyb'al. Lajn xo wal tzyutj sb'a eb' 'icha junc chon̈b'al eb' 'anma tzb'on swach'il. May 'aj tzyij 'el eb' snab'en 'a in checnb'il. Caw tznib'j eb' cob' yojcoc 'el jun tzo'n̈ checnb'il yic tojlal, tzch'oxn eb' 'ilxoc to 'ay stzaljc'ojlal eb' sjaw 'ayin.

Jeremías 6:5

Ax ticnec jun, at 'a 'ac'wl tzon̈ 'ochc ca'c owl yet'oc, tzqui ma'c lan̈chjoc jun tzo'n̈ sniwc torre eb', 'oj xchic eb'.

Malaquías 2:7

A wal yopiso eb' ya'mal 'och sti eb' 'anma 'ayin, to tzcuyx eb' 'anma yuj eb', sec tzin yojquej 'el eb'. Smoj ton wal sc'och smasnil eb' 'anma 'a eb', sec tzchaj eb' cuynb'il 'a eb', yujto a eb' cha, in checb' yaj eb' an Jehová in, tztac' wuj smasnil.

Nm 27:21

A 'a Eleazar ata 'oj yala'. Ax Eleazar a 'oj c'anb'noc 'ayn yu'uj, an xo Jehová in, an 'oj wac' yal q'uen Urim tas 'oj yutc sb'a. Ax Josué a 'oj alnoc, tas yowlal 'oj sb'o eb' 'anma cha, xchi Dios.

Santiago 4:8

Qui nitzc 'och qui b'a 'a stz'ey Dios. To 'ixta', 'oj snitzch sb'a 'a qui tz'eyc jun xo. Palta ax xo maysch'olnil e nab'en, b'oc e b'eyb'al. Ax chab'c'ojlal eyaji, tojlb'tzejc e nab'en.

Josué 10:19

Ya sb'a ax xo tic, tzex 'atx 'a spatquil eb' 'ajc'ojl wan laj s'at 'elc cha, milc cham junc'aj xo eb' soldado tzlaj can cha. Man̈ e chach eb' 'a yol schon̈b' cha, yujto a Jehová qui Diosalec, a 'ix 'a'n eb' 'a yol qui c'ab'ec, xchi.

Josué 11:14

Smasnil eb' 'anma cajn 'a jun tzo'n̈ chon̈b' cha, c'uxn xmilx eb' yet' q'uen espada yuj eb' israel, may wal junc xyactj can eb' 'a pitznal. Ax smasnil no scajb'en noc' eb', yet' smasnil tas 'ay 'a 'a, c'uxn xyique'ej can eb' israel cha.

A Ch'an̈ B'ab'el Libro Samuel 1:23

'Ix ta'w win yichmil 'ix chi 'a 'ixtic: —B'o cab' 'icha tzal cha. Wach' ajcn yet' winac, masnto tz'el win 'a yim, cojn to tzcolwj Jehová et'oc yic tza'n 'el'choc tas 'ix ac' a ti a'n 'a 'a, xchi win Elcana cha. 'Ixta x'aj scan 'ix yet' win 'unn cha, 'ix sq'uib'tzani, masnto x'el win 'a yim.

A Ch'an̈ B'ab'el Libro Samuel 11:11

Ax 'a junx c'u 'a yic 'ayt sacb'i, yic q'ui'to, 'ix syamn 'och Saúl spojn 'el eb' soldado, 'ox c'aj xyutj 'el eb'. 'Ayt wal sacb'i, xc'och eb' 'at smil cham eb' amonita cha, masnto 'a yic x'och chimc'ual. Ax eb' ma'ix chami, sactzicnac s'at eb' 'eloc, may 'ajtil yamn 'ix 'ajcn chawn̈oc eb'.

A Ch'an̈ B'ab'el Libro Samuel 14:3

A pax ta ajun win Ahías ya'mal 'och sti eb' 'anma 'a Dios, yet' win te spichl yic yopiso cha. A win Ahías cha yunnal win Ahitob yu'tac Icabod, win yunnal Finees yixchicn can Elí, win ya'mal 'och sti eb' 'anma 'a Dios 'a Silo 'a pecti'. Ax eb' 'anma ajun yet' Saúl cha, man̈ yojcoc eb' toto a Jonatán tox 'ix 'ati.