A Ch'an̈ B'ab'el Libro Samuel 14:13 - Chuj San Sebastian Bible

¹³ Xlajw cha, x'at Jonatán 'a 'aj 'ayc' eb' filisteo cha, caw wal pa'n 'aj xb'ey 'a sat q'uen cha. A sc'ab' xcan toc'an yic xb'eyi, ste'wtzan pax sb'a yet' yoc, tza'n 'och jun schecb' chi yu'uj. Ax yic xc'och eb' 'a eb' 'ajc'ojl cha, a eb' tz'em yuj Jonatán, ax jun schecb' chi tzwach' miln cham eb'.

Chuj San Mateo Bible

¹³ Ix q'ue machaljoc eb' vin̈. Axo yic ix q'uec'och eb' vin̈, ix syamanoch vin̈aj Jonatán chi' smilancham eb' filisteo chi', axo vin̈ ed'jinac syamc'ab' vin̈ chi' ix vach' milancham eb' maj cham sic'lab'il.

A Ch'an̈ B'ab'el Libro Samuel 14:13 ပူးပေါင်းရင်းမြစ်များ

Salmos 18:29

Yet' a colwal ach in Diosal, ax wa'n owl yet' eb' soldado 'ajc'ojl yajch 'ayin, ax wec' 'a yib'n̈ smuroal schon̈b' eb'.

Ro 8:31

Yuj jun tzo'n̈ tzwal tic, caw man̈x 'a tas tzqui nac ticnec. Caw 'aych Dios quet'ec. Yuj cha, ¿tom 'ay junc mach tztac' ya'n ganar ya'n owl quet'ec?

Dt 28:7

A eb' 'ajc'ojl yajch 'ayex, a Jehová 'oj 'a'nc 'och eb' 'a yol e c'ab', yic 'oj ya'nc cob' eb' owl eyet'oc. Caw stzol-l 'oj 'aj eb' scot 'ayex, palta caw sactzicnac 'oj 'aj eb' s'at 'elc eyu'uj.

Dt 32:30

¿Tas yuj cojn yuj junc eb' 'ajc'ojol on̈ 'atc 'elc junc mil on̈ec? ¿Tas pax yuj cojn chawn̈ eb' xon̈ pechn 'at lajn̈e mil on̈ec? May tas tztac' yuj eb', toto man̈oc Jehová qui Colmal on̈ 'a'nec 'a yol sc'ab' eb'.

A Ch'an̈ Carta D'a Eb' Hebreo 11:34

'Ay eb' 'a'jnac tup jun tzo'n̈ c'ac' caw ow. 'Ay pax eb' colchjnac 'eli, yic 'ijn scham eb' yuj q'uen espada. A jun tzo'n̈ eb' may yip, caw 'ajxnac yip eb'. 'Ajxnac pax sjelnal eb' ya'n owal. Yuj cha, a ewin soldado ya'jnac owl yet' eb' cha, caw cannc ewin 'a yaln̈ yuj eb'.

Josué 23:10

A junc on̈ec tic, tztac' s'at 'elc junc mil eb' cu'uj, yujto a Jehová a tz'a'n owl cujec, 'icha wal yaj ya'n can sti'.

Jueces 9:54

Yajn̈j wal cha, 'ix yawtn cot Abimelec jun win quelm soldado tztan̈wni 'a owal, xyaln 'a win 'ixtic: 'Ij q'uet a espada chi 'a yol yatut cha, tzin a tzu'n cham muc'uc. Matz in nib'j to 'oj alxoc, to 'ix tzin milni, xchi winac. 'Ix stecn 'och win quelm chi yespada 'a sn̈i sc'ojl winac, 'ix chami.

A Ch'an̈ B'ab'el Libro Samuel 14:12

Xlajw cha, x'awj eb' 'a Jonatán yet' 'a jun schecb' chi 'ixtic: —¡Cotn̈ec 'aj 'ayn̈ 'ec' tic, 'ay jun tas 'oj cal eyab'i'! xchi cob' eb'. Yuj cha, xyaln Jonatán 'a jun schecb' chi 'ixtic: —'Ochn̈n̈ej tza'n wu'uj, yujto a Jehová a 'oj 'a'n 'och eb' 'a yol qui c'ab' an̈ israel on̈ tic, xchi.

A Ch'an̈ B'ab'el Libro Samuel 14:14

A 'a jun b'ab'l owl x'och yuj Jonatán cha, yet' pax jun 'et'jnac syamc'ab' cha, 'aym junc'loc eb' filisteo smil eb' 'a yol chan̈e ch'an̈il.