A Ch'an̈ B'ab'el Libro Samuel 14:1 - Chuj San Sebastian Bible

¹ 'Ay jun c'ual, 'ix yal Jonatán win yunnal Saúl 'a jun schecb' 'et'jnac syamc'ab' yic owal, xyaln 'a 'ixtic: —Con̈ wet'oc, 'e'con̈ 'a junx c'axp 'ec' cha, ax qui c'och 'a 'aj 'ay yet'l eb' filisteo, xchi. Palta may tas 'ix yal yab' smam.

Chuj San Mateo Bible

¹ Ay jun c'ual ix yal vin̈aj Jonatán vin̈ yuninal vin̈aj Saúl chi' d'a vin̈ ed'jinac syamc'ab' yic oval: —Con̈ ec' d'a junxo c'axep chi', ol on̈ c'och b'aj ayec' eb' filisteo chi', xchi vin̈. Maj yal-laj vin̈aj Jonatán chi' d'a vin̈ smam chi'.

A Ch'an̈ B'ab'el Libro Samuel 14:1 ပူးပေါင်းရင်းမြစ်များ

Miqueas 7:5

Man̈ eya'ch 'a e c'ojl tas tzyal eb' cajn 'a e tz'ey, man̈ eya'ch junc e wach'c'ojl yipc e c'ojol. Tzcham wal e nan tas tzeyal yet' eyistzil.

Jueces 14:6

Ax Yespíritu Jehová 'ix jaw 'a yib'n̈ Sansón, 'ix caw 'och yip. May xon jac tas yet' 'a sc'ab', cojn yet' yip chi 'ix yac' milnc cham no león cha. 'Ix stoc' jecchjoc win no 'icha wal sto'x jecchjoc junc no yune chiwo, 'ixta 'ix yutej. May xon jac tas xyal 'a smam snun yuj tas sb'o cha.

Jueces 14:9

Xyi'n 'elt win no yalil chi yet' sc'ab'. 'Ix yi'ni, wan stz'ub'n win no yal chab' cha yic xc'ochx 'a spatquil eb' smam snun cha. 'Ix ya'n win no yal chab' chi 'a eb', xlaj stz'ub'nc eb'. May tas xyal win 'a eb', toto a 'a yol sjoymtel no león chi xyij 'elt jun yal chab' cha.

Jueces 6:27

Xlajw cha, xyawtn cot Gedeón chi lajn̈wan̈ ewin schecab', 'ix sb'on 'icha tas xyal Jehová 'a 'a. Ma'ix sb'o 'a c'ual, yujto tzxiw 'a eb' yican smam, yet' 'a eb' 'anma cajn 'ec' 'a jun chon̈b' cha, yuj cha, a 'a 'ac'wl 'ix sb'o'o.

A Ch'an̈ B'ab'el Libro Samuel 13:2

'ix si'n 'elt 'oxe mil eb' winac yic tz'och eb' soldadoil 'a scal eb' yit chon̈ab'. Chab' mil eb' xcancn yet' 'a Micmas 'a lum jolmctac witz yic Betel, ax jun mil eb' xcan 'a Gabaa 'a yol yic Benjamín. Ax win Jonatán win yunnal Saúl, a win tz'a'n mandar eb'. Ax jun tzo'n̈ xo eb' xcani, 'ix checx meltzjoc junjn eb' yuj Saúl 'a yatut.

A Ch'an̈ B'ab'el Libro Samuel 13:22

Yuj cha, cojn Saúl yet' Jonatán, cojn eb' yet' slanza yet' yespada, ax eb' soldado ajun yet' eb', may yic eb'.

A Ch'an̈ B'ab'el Libro Samuel 13:23

Ax eb' filisteo cha, xya'ch eb' smacmal jun b'e lot'n sat tz'ec' 'a sch'olnal Micmas.

A Ch'an̈ B'ab'el Libro Samuel 14:2

Ax win Saúl ata 'ayc' 'a sti 'el chon̈b' Gabaa 'a yich jun te te tzcuch granado 'ayc' 'a stz'ey 'amc' 'aj tzte'x 'ixm trigo. Ax eb' soldado ajun yet'oc, 'ay waque ciente sb'isl eb'.

A Ch'an̈ B'ab'el Libro Samuel 25:19

'ix yaln 'ix 'ixtc 'a eb' schecb' pechjnac no b'uru cha: —B'ab'ljan̈c ax tic, tza'nto 'oj in 'at eyu'uj, xchi 'ix. Ma'ix yal xon 'ix jun tzo'n̈ tic 'a yichmil atn win Nabal.