A Ch'an̈ B'ab'el Libro Samuel 11:15 - Chuj San Sebastian Bible

¹⁵ Yuj cha, 'ix 'at smasnil eb' 'anma chi 'a Gilgal cha, 'ix syamn sb'a smasnil eb' 'anma 'a yojltac Jehová ta'. 'Ix swach' 'a'n can 'och eb' yopiso Saúl yochcn reyal. Xlajw cha, xya'n tz'a eb' no xajmb'al yic junc'ojlal 'a yojltac Jehová, ax Saúl yet' smasnil eb' chon̈ab', caw 'ix tzalj eb'.

Chuj San Mateo Bible

¹⁵ Yuj chi', ix b'at eb' anima chi' smasanil, ix smolb'anoch sb'a eb' d'a yichan̈ Jehová ta'. Ix svach' ac'ancanoch vin̈aj Saúl chi' eb' d'a reyal. Ix lajvi chi', ix yac'an silab' eb' yic junc'olal d'a yichan̈ Jehová. Axo eb' chon̈ab' yed' vin̈aj Saúl ix te tzalaj eb'.

A Ch'an̈ B'ab'el Libro Samuel 11:15 ပူးပေါင်းရင်းမြစ်များ

A Ch'an̈ Schab'l Libro Samuel 19:15

'Ix cot win rey, 'ix jaw win 'a sti a Jordán. An̈jtona pax eb' 'aj Judá, 'ix jaw eb' 'a Gilgal, yic tzwul chaxc 'ec' 'a yojl a Jordán chi yuj eb'.

Ex 24:5

Yajn̈j wal cha, 'ix yaln 'a jun tzo'n̈ eb' quelmtac winac to tzmil cham eb' no quelm wacax, yic tz'och no xajmb'alil, yet' xajmb'al yic junc'ojlal tz'ajx 'a Jehová.

Santiago 4:16

Palta 'ayx ton̈j tzeyij chan̈ e b'a, tze b'an̈n e b'a. Jantcn̈ej eb' 'ixta tzyutj sb'an̈n sb'a, maysch'olnil tzyutj sb'a eb' 'a sat Dios.

A Ch'an̈ B'ab'el Libro Samuel 10:17

Xlajw cha, 'ix yawtn cot Samuel smasnil eb' yit israelal 'a yojltac Jehová 'a Mizpa.

A Ch'an̈ B'ab'el Libro Samuel 10:24

'Ix yaln Samuel 'a smasnil eb' chon̈b' chi 'ixtic: —¡'Iltec wal jun si'ch Jehová tic qui reyloc! ¡May wal junc 'a qui cal tztac' slajb'tzan sb'a yet' winac! xchi. Yuj cha, 'ix yaln eb' chon̈b' yet' stzaljc'ojlal 'ixtic: ¡Viva win rey! xchi eb'.

A Ch'an̈ B'ab'el Libro Samuel 10:8

Tzlajw cha, tzach b'ab'l c'och 'ayn 'a Gilgal, tza'n xoj 'oj in c'och o'oj, ax wa'n tz'a no xajmb'al ta', yet' pax no xajmb'al yic junc'ojlal. Tzin a tan̈wj ta uque'oc c'u masnto 'oj in c'och 'ayach, ax waln 'ayach tas 'oj a b'o', xchi Samuel.

A Ch'an̈ B'ab'el Libro Samuel 12:1

'Ix yaln Samuel 'ixtc 'a smasnil eb' chon̈b' cha: —An tic, 'ix in b'o smasnil tas xe c'an 'ayin, yuj cha, xwa'n can 'och jun e reyl tic.

A Ch'an̈ B'ab'el Libro Samuel 12:17

A ticnec stiempoal spolx 'ixm trigo, man̈ stiempoalc ya'n n̈ab'. Palta 'oj in c'an 'a Jehová, ax 'oj 'a'nc c'an̈ c'u, ax ya'n cot jun niwquil n̈ab' sec 'oj nachjoc 'el eyu'uj, chajtlto caw tu tas xe b'o 'a sat Jehová yic xe c'ann jun e reyl tic, xchi.

A Ch'an̈ B'ab'el Libro Samuel 8:19

Palta ma'ix schaj eb' chon̈b' chi yab' tas xyal win Samuel cha, 'ix ta'w eb' 'a 'ixtic: —A jun tzo'n̈ tzal tic, may yel'ch 'ayn̈ on̈. Cojnto tz'och qui reyl chi 'on̈,