A Ch'an̈ B'ab'el Libro Samuel 10:26 - Chuj San Sebastian Bible

²⁶ 'Ixta pax Saúl, 'ix paxx can 'a yatut 'a Gabaa. Ax Dios 'ix 'a'n jawc 'a snab'en jun tzo'n̈ winc caw jeln ya'n owal, yuj cha, 'ix 'at eb' yet' Saúl 'a yatut.

Chuj San Mateo Bible

²⁶ Ichapax chi' vin̈aj Saúl, ix pax vin̈ d'a spat d'a Gabaa. Ay pax juntzan̈ eb' vin̈ vinac te jelan d'a oval ix b'at yed' vin̈, yujto ix lolon Dios d'a spensar eb' yic sb'at eb' yed' vin̈.

A Ch'an̈ B'ab'el Libro Samuel 10:26 ပူးပေါင်းရင်းမြစ်များ

A Ch'an̈ Schab'l Libro Samuel 21:6

A eb' ucwn̈ cha, 'oj qui mil eb' on̈, ax qui t'un̈n q'ue eb' 'a yojltac Jehová 'a Gabaa, 'a schon̈b' Saúl, atn jun sic'b'il 'el yuj Jehová, xchi eb'. 'Ix sta'wj win rey ya'n eb' winc cha.

Esdras 1:5

Xlajw cha, 'ix ya'n lista sb'a eb' yajl yaj 'a scal eb' yin̈tl Judá muc'uc, yet' 'a scal eb' yin̈tl Benjamín, smasnil eb' ya'mal 'och sti eb' 'anma 'a Dios yet' jun tzo'n̈ xo eb' levita, atn smasnil eb' 'aj 'ix yal Dios 'a snab'en, to tz'at eb' 'a Jerusalén yic tz'at sb'onc pax chan̈ eb' yatut Jehová.

Salmos 110:3

A yic 'oj a'nc owal, mun xoj 'oj wul ya'ch sb'a eb' a chon̈b' et'oc. 'Icha wal tz'aj 'ejm chicb'chan̈ 'a yic sq'uin̈b'ial, 'ixta wal 'oj 'aj sjaw ewin quelmtac 'a a tz'ey 'a lum tzaln yic emmquilal.

Is 10:29

Sc'axptan 'e't eb' jun niwn ch'olan, ax yic xjaw eb' 'a Gabaa, ata sb'o chan̈ eb' scamplamento. Ax eb' 'aj Ramá, 'ix xiw chan̈ eb' yuj eb'. Yet' eb' 'aj Gabaa 'a schon̈b' can win Saúl, 'ix laj 'at eb' 'eloc.

A Tas Sc'ulejnac Eb' Schecab' Jesús Hechos 13:48

Ax eb' man̈ israeloc, caw stzalj eb' yab'n jun tzo'n̈ tic. 'Ix syamn 'och eb' yalni, to caw wach' spaxti Cajlil. Ax eb' sic'b'il xon 'el yuj Dios, yic 'oj scha eb' sq'uinl 'a jun 'ejmn̈ej, 'ix ya'ch eb' sc'ojl 'a 'a.

A Tas Sc'ulejnac Eb' Schecab' Jesús Hechos 7:10

A coljnac can 'elt José chi 'a scal syail. Ya'jnac sjelnal 'a 'a. 'Ochnc yet'oc, sec caw wach' 'ajnc 'a sat win faraón, win sreyl Egipto. Yuj cha, ya'jnac 'och win yopiso yajlil 'a Egipto cha. An̈jtona', ya'n pax 'och win yajloc yatut.

Jueces 20:14

A yic eb', to 'ix syam sb'a eb' 'aj chon̈b' Gabaa yic tz'at eb' 'at yac' owl yet' jun tzo'n̈ xo eb' yit israelal cha.

A Ch'an̈ B'ab'el Libro Samuel 11:4

A yic xc'och eb' checb' chi 'a Gabaa, atn jun chon̈b' chi 'aj cajn 'ec' Saúl, 'ix yaln eb' schecnb'il chi 'a eb' 'anma cajn 'ec' ta'. Yuj cha, 'ix 'oc' chan̈ eb' 'anma chi smasnil.

A Ch'an̈ B'ab'el Libro Samuel 13:2

'ix si'n 'elt 'oxe mil eb' winac yic tz'och eb' soldadoil 'a scal eb' yit chon̈ab'. Chab' mil eb' xcancn yet' 'a Micmas 'a lum jolmctac witz yic Betel, ax jun mil eb' xcan 'a Gabaa 'a yol yic Benjamín. Ax win Jonatán win yunnal Saúl, a win tz'a'n mandar eb'. Ax jun tzo'n̈ xo eb' xcani, 'ix checx meltzjoc junjn eb' yuj Saúl 'a yatut.

A Ch'an̈ B'ab'el Libro Samuel 15:34

Xlajw cha, 'ix meltzj can Samuel 'a Ramá, ax Saúl 'ix pax q'ue 'a Gabaa.