A Sb'ab'el Carta San Pedro 3:20 - Chuj San Sebastian Bible

²⁰ A eb' cha, man̈ yiclumoc yutjnac sb'a eb' 'a Dios, yictax yec' eb' 'a pecti', 'a yic 'ayc' Noé. A 'a jun tiempoal cha, niwn yutjnac Dios sc'ojl 'a eb', yic stan̈wni sb'o jun niwquil barco. A 'a te barco cha, 'ay jaywn̈ eb' colchjnac can 'el 'a te'. Wajxcwan̈ wal eb' colchjnac.

Chuj San Mateo Bible

²⁰ aton d'a spixanil eb' man̈ c'anab'ajannacoc Dios d'a peca' d'a stiempoal vin̈aj Noé. A d'a jun tiempoal chi', nivan yutejnac sc'ool Dios d'a eb', yic stan̈vej sb'o jun nivan barco. A yuj te' barco chi' ay jayvan̈ eb' colchajnac el d'a a a'. Vajxacvan̈ eb' colchajnaccaneli.

A Sb'ab'el Carta San Pedro 3:20 ပူးပေါင်းရင်းမြစ်များ

Gn 6:13

Yuj cha, xyaln Dios 'ixtc 'a win Noé: Tox 'ix in na ticnec, to 'oj in satl smasnil eb' 'anma', yuj eb', tzlaj niwtj maysch'olnil 'a yolyib'n̈q'uinl tic.

Gn 6:3

Yuj cha, xyaln Jehová 'ixtic: Man̈x 'oj in tench wann̈ej eb' 'anma tic 'a smaysch'olnilal, yujto chamlb'a 'anman̈ej eb', cojxn̈ej 120 ab'il tz'ec' 'anma 'a yolyib'n̈q'uinl tic, ax satl eb', xchi.

Gn 6:5

Ax xyiln Jehová, to yelc'ojlal tzb'o eb' 'anma maysch'olnil 'a sat lum lum tic, caw cojxn 'a maysch'olnil 'aych snab'en eb'.

Gn 6:8

Cojxn wal Noé wach' snab'en 'a sat Jehová.

Gn 7:13

A 'a jun c'u cha, 'ix 'ochcn Noé 'a yojl te barco yet' eb' yunnal yoxwn̈il, atn win Sem, win Cam, win Jafet, eb' yalb' yoxwn̈il, yet' 'ix yistzil.

Gn 8:1

Ax Noé yet' eb' yico', yet' smasnil no noc' 'aych yet' 'a yol barco cha, nann̈ej eb' yuj Dios, yuj cha, 'ix ya'n cot Dios jun niwquil 'ic' 'a yib'n̈ a a cha, sec wach' tztup 'ejm a'.

Gn 8:18

Xlajw cha, 'ix 'elt Noé yet' yistzil, yet' eb' yunnal, yet' pax eb' 'ix yalb' win 'a yojl te barco cha.

Is 30:18

Palta tic wal tan̈b'ilx yuj Jehová, yic tz'o'ch sc'ojl 'ayex, sec tzex ya' niwnc'ojlal. A Jehová caw tojl snab'en, a smasnil 'anma tz'a'n 'och yipc sc'ojol, caw wach' yic eb'.

Mt 7:14

Palta ax jun puerta lot'n cha, yic q'uinl yaji, yet' jun b'e tzc'och ta', caw lot'n sat. Yuj cha, jaywn̈n̈ej wal eb' 'anma tz'at ta'.

Lc 12:32

Ax tic, 'icha in calnelu, 'ixta 'ex, man̈ ex xiwoc. Jaywn̈n̈ej ex toni, palta a qui Mam Dios tzex 'i'n 'och 'a yol sc'ab', yujto 'ixta x'el 'a sc'ojol.

A Tas Sc'ulejnac Eb' Schecab' Jesús Hechos 2:41

Yuj cha, 'ay eb' xya'ch 'a sc'ojl 'a tas 'ix yal Pedro cha. 'Ix laj ya'n 'ajxc bautisar sb'a eb'. A eb' x'och creyenteal 'a jun c'u cha, 'aym 'oxe'oc mil eb'.

Ro 9:22

An̈jtona', 'ixta pax Dios yet' eb' 'anma'. 'Ay eb' smoj schan yowl sc'ojol, smoj 'oj 'atcn eb' 'a yailal 'a jun 'ejmn̈ej. A Dios, wach'xam tznib'j tzch'ox yowl sc'ojl 'a eb', sec 'oj checljoc 'el spoder, palta caw niwn tzyutj sc'ojol, tzyac' techjoc smul eb' cha.

Ef 5:26

yic on̈ yi'nec 'och yico'oc. A yic on̈ 'emc 'a yol a', 'ix 'ijx 'el qui mulc yuj spaxti'.

A Ch'an̈ Carta D'a Eb' Hebreo 11:7

A Noé, caw ya'jnac 'och Dios 'a sc'ojol. Yuj cha, yic yaln Dios 'a 'a, to tzjaw jun mant checloc, atn jun caw 'ay smay, syicljnac. Yuj cha, sb'ojnac jun barco, sec ata tzcol sb'a yet' eb' yico'. Ax jun tzo'n̈ xo eb' 'anma', c'uxn lajwnac 'el eb' smasnil. An̈jtona', yaljnac Dios to wach' Noé chi 'a sat, yujn̈ej to ya'jnac 'och sc'ojl 'a 'a.

A Sb'ab'el Carta San Pedro 1:22

A ticnec, [yuj Yespíritu Dios] xqui yiclniec jun cuynb'il caw yel. 'Ixta xcutjec qui tojlb'tzan qui b'eyb'al, sec caw yel 'ay qui chamc'ojlalec 'a eb' quit creyenteal. Yuj cha, yowlal tzlaj qui chamc'ojloquec qui b'a 'a smasnil qui c'ojol, yet' 'a smasnil quip.

A Sb'ab'el Carta San Pedro 1:9

Yujto wan qui chanec spac, atn scolnbil qui pixnec, yujto tzca'c 'och qui c'ojl 'a 'a.

A Sb'ab'el Carta San Pedro 2:25

A 'a yic yalan̈, lajn on̈c 'icha jun tzo'n̈ calnelu pucnc can 'ati. Palta ax ticnec, on̈ meltzjec cot 'a Quilmalec, atn jun tzon̈ tan̈wniec.

A Sb'ab'el Carta San Pedro 3:19

A yespíritu cha, a xit' alnc spaxti Dios 'a spixn eb' preso xo yaji.

A Sb'ab'el Carta San Pedro 4:19

Yuj cha, a yic tzjaw junc yailal 'a quib'n̈ec 'icha tznib'j Dios, yowlal an̈ja wach' tzcutjec qui b'eyb'al. Tzca'nec qui b'a 'a yol sc'ab' jun b'ojnacn̈ec, yujto a jun cha, tz'el'chn̈ej tas tzyala.

A Schab'il Carta San Pedro 2:5

An̈jtona', ma'ix yac' Dios niwnc'ojlal 'a eb' 'anma 'a yic pecti'. Ya'jnac cot jun owl yaxn̈ab' 'a yib'n̈ eb' maysch'olnil cha. Cojxn wal Noé colchjnac 'el yet' ucwn̈ eb' yico'. A Noé cha, yaljnac can 'el 'a scal eb' 'anma cha, chajtlto yowlal tojl tzyutj eb' snab'en.

A Schab'il Carta San Pedro 3:15

Nachj cab' 'el eyu'uj, to a Cajlilec 'ayt sniwnc'ojlal. Mantzac jawi, sec 'ay eb' tzat laj colchji. Ax cu'tac Pablo, chamc'ojlb'il cujec, 'ixta xyutj stz'ib'n pax 'at 'ayx jun xo, yujto 'ixta yaj ya'n can Dios sjelnal.