A Sb'ab'el Carta San Pedro 3:2 - Chuj San Sebastian Bible

² Yujto 'oj yil eb', caw tojl tzeyutj e b'eyb'al, caw 'ay yel'ch Dios 'a e sat.

Chuj San Mateo Bible

² yujto ol yil eb' vin̈ to munil ayex, tzex xivpax d'a Dios.

A Sb'ab'el Carta San Pedro 3:2 ပူးပေါင်းရင်းမြစ်များ

Ef 5:33

An̈jtona', tzyaln pax eyuj junjn ex ax 'ichmilab'il ex, chajtlto tze chamc'ojlej eyistzil, 'icha tzeyutj eya'iln e b'a junjn ex. Tzyaln pax eyuj ax 'istlab'il ex, to yowlal niwn cab' yel'ch eyichmil 'ayx junjn ex.

Ef 6:5

Ax xo moso eyaji, tzeyiclj tas tzyal e patron̈ 'a yolyib'n̈q'uinl tic. 'Ay cab' yel'ch eb' 'a e sat, tzex xiw 'a eb'. Yelc'ojlal tzex munlj 'a eb', 'icha cab' to wan e munlj 'a Cristo.

A Scarta San Pablo D'a Eb' Aj Filipos 1:27

Palta wach'xam 'oj in c'ochx 'ayex, wach'xam ma'ay, caw wach'n̈j tzeyutj e b'eyb'al 'icha tzyal jun wach' 'ab'x yic Cristo. Toto 'ixta', 'oj wab' eyab'xil, chajtlto an̈ja te'n ex, to an̈ja junn̈j yaj e nab'en ta'. 'Oj wab' paxi, to junn̈j tzeyutj eya'n 'och e c'ojl 'a jun wach' 'ab'x yic colnb'il, caw te'n tzeyutj e b'a 'a 'a.

A Scarta San Pablo D'a Eb' Aj Filipos 3:20

Palta an̈ec xo tic, a 'a satcha'an̈, ata 'ayb't qui nab'enec, yujto a jun cha, atn qui chon̈b'ec. Wan qui tan̈wniec sjapx qui Colmal 'a satchan̈ cha, atn Cajlil Jesucristo.

A Scarta San Pablo D'a Eb' Aj Colosas 3:22

An̈jtona ex moso to man̈ eyico'oc e b'a, yicljec jantcn̈ej tas tzyal e patron̈ 'a yolyib'n̈q'uinl tic. Man̈ cojnoc 'a yic tzex yiln eb', tzeyiclni, sec tzalj eb' eyet' e nani. Palta yelc'ojlal tzex munlji, yuj e xiwc'ojlal 'a Dios.

1 Ti 4:12

Caw wach' tzotj a b'a, sec may eb' 'oj alnc o'oj, to 'unnach to. Yel xo wach' tza ch'ox jun wach' b'eyb'al 'a eb' creyente smasnil. Wach' tzotj a paxtin 'a eb'. Wach' tzotj a b'a yil eb'. Caw wach' tzotj a chamc'ojlan eb' ta'. Wach' tzotj a nab'en yil eb'. An̈j 'a Cajlil tza'ch a c'ojol. Tojln̈ej tzotj a nab'en yil eb'. 'Ixtc tzotj a ch'oxn jun wach' b'eyb'al 'a eb' ta'.

A Sb'ab'el Carta San Pedro 1:15

A jun 'awtjnacn̈ec, caw wach'n̈ej, may jac spaltail. 'Icha jun cha, 'ixta 'ex cab'i', caw wach'n̈j tzeyutj e b'a.

A Sb'ab'el Carta San Pedro 2:12

Caw wach'n̈j tzcutjec qui b'eyb'al yil eb' mant 'ojtnacoc Dios. A ticnec, tzyal eb' to maysch'olnil tzcutjec qui b'a. Palta toto tzyil eb' qui wach' b'eyb'alec, 'oj yal eb' wach' paxti 'a Dios yic 'oj jawoc.

A Sb'ab'el Carta San Pedro 3:1

Ax 'istlab'il ex, caw yiclum tzeyutj e b'a 'a eyichmil. Yujto 'ayx matz ya'ch eyichmil sc'ojl 'a spaxti Dios. Wach'xam may tas 'oj eyal 'a eb', palta tecn 'oj montchjoc 'och eb' eyu'uj.

A Sb'ab'el Carta San Pedro 3:3

'Ay cab' e wach'il, palta man̈oc chajtl eyilx tzwala. Man̈ eya'ch e nab'en 'a chajtl tzeyutj e ch'umn e jolom. Man̈ eya'ch e nab'en 'a jun tzo'n̈ q'uen oro tzeya'chi, yet' 'a jun tzo'n̈ pichl chan̈ stojol, man̈oc yet' jun tzo'n̈ chi tze say wach'il.

A Schab'il Carta San Pedro 3:11

'Ixta 'oj 'aj slajw 'el smasnil tas. Yuj cha, yowlal caw tojln̈ej tzcutjec qui b'eyb'al. Cojxn wal 'a Dios tzca'c 'och qui nab'en.