A Ch'an̈ B'ab'el Libro Yic Yab'ixal Eb' Rey 8:7 - Chuj San Sebastian Bible

⁷ A eb' querubín cha, jen̈n 'at sc'axl eb' 'a yib'n̈ jun lugar 'aj 'ix 'ajx 'och te caxa cha, yuj cha, a eb' tz'a'n yen̈l 'a yib'n̈ te caxa chi yet' scan̈nub'al.

Chuj San Mateo Bible

⁷ Jen̈anb'at sc'axil chab' yechel querubín chi' d'a yib'an̈ b'aj ix ac'jioch te' caxa chi'. A sc'axil eb' ayoch yen̈uloc te' caxa chi' yed' te' sb'achnub'al.

A Ch'an̈ B'ab'el Libro Yic Yab'ixal Eb' Rey 8:7 ပူးပေါင်းရင်းမြစ်များ

A Ch'an̈ B'ab'el Libro Yic Yab'ixal Eb' Rey 6:27

'Ix ya'n 'ajxoc 'och jun tzo'n̈ querubín chi 'a yojl jun Lugar to cojn Dios 'ay yico'. A eb' cha, jen̈n 'el sc'axl eb'. A sc'axl jun, tzc'och tenn 'a sat yich n̈a, ax sc'axl junx cha, tzc'och tenn 'a junx sat yich n̈a. Ax chab'x sc'axl eb' tzchaj sb'a 'a snan̈l yojl jun n̈a cha.

A Ch'an̈ B'ab'el Libro Yic Yab'ixal Eb' Rey 8:6

Xlajw cha, xyi'n 'och eb' ya'mal 'och sti eb' 'anma 'a Dios te scaxail strato Jehová chi 'a yol yatut Dios, masnto x'o'chch 'a jun Lugar to cojn Dios 'ay yico', 'a snan̈l yechl jun tzo'n̈ eb' querubín.

A Ch'an̈ B'ab'el Libro Yic Yab'ixal Eb' Rey 8:8

Palta a te scan̈nub'al te caxa cha, caw wal najt yoc te', yuj cha, checl te 'a jun lugar 'ayc' 'a yojltac 'elt jun Lugar to cojn Dios 'ay yico', wach'xam man̈ checloc 'elt te 'a spatquil 'elt cha, palta ata xcann̈j te ta'.

Ex 25:20

Q'uelc'mb'a tz'aj sat eb' querubín cha, tz'at t'an̈n sat eb' chi 'a yib'n̈ smac te' caxa cha, ax sc'axl eb', tz'ec' jen̈n 'a yib'n̈ smac te cha.

Is 6:2

A 'a yib'an̈, ata 'ayc' jun tzo'n̈ ángel serafín sb'i, 'icha c'ac' yilx eb'. Waque sc'axl junjn eb'; chab' tzmacn sat eb', chab' pax tzmacn sniwnal eb' 'a yojltac, ax yet' chab'x chi tzjen̈w eb'.

Nm 4:6

Ax 'a yib'an̈, ata tzeyac' q'ue junc tz'um caw lab'mtac, sec a tzq'ue smacloc, ax 'a yib'n̈ jun tz'um cha, tzeyac' q'ue junc q'uic'mucnac nip. Tzlajw cha, tzeya'n 'och sb'achnub'al, sec wach' yijx b'eyoc.

A Ch'an̈ Carta D'a Eb' Hebreo 9:5

Ax 'a yib'n̈ jun caxa cha, ata b'ob'il q'ue jun tzo'n̈ yechl querubín, sec chequel, to 'ayc' Dios ta'. Jen̈n 'at sc'axl eb' 'a yib'n̈ jun yet'l 'aj tz'ajx lajwc smul eb' quit chon̈b'ec. Colb'il wal jun tzo'n̈ tic tzwalb't 'ayx yuj chajtl yilx jun cha.