A Ch'an̈ B'ab'el Libro Yic Yab'ixal Eb' Rey 8:53 - Chuj San Sebastian Bible

⁵³ Mamin Jehová, ach on̈ a pojcn 'el 'a scal jun tzo'n̈ xo chon̈b' 'ay 'a sat lum lum tic, yic tzon̈ 'ochcn eco'oc, 'icha wal otjnac aln can 'a a checb' Moisés, yic e'n 'elt eb' qui mam quichm 'a Egipto on̈, xchi Salomón 'a slesal.

Chuj San Mateo Bible

⁵³ Yujto a ach on̈ a sic'naquel d'a scal juntzan̈xo chon̈ab' d'a yolyib'an̈q'uinal tic yic tzon̈ ochcan icoc, icha val utej a checannac yal vin̈ a checab' aj Moisés, ayic ic'annaquelta eb' co mam quicham d'a Egipto, xchi vin̈aj Salomón chi' d'a slesal.

A Ch'an̈ B'ab'el Libro Yic Yab'ixal Eb' Rey 8:53 ပူးပေါင်းရင်းမြစ်များ

A Ch'an̈ Schab'l Libro Samuel 20:19

A jun qui chon̈b' tic on̈, caw wach'n̈j tas tzb'o 'ayn̈ an̈ israel on̈ tic, palta ach xo tic, wan a'n ep a ma'n 'ejm lan̈chjoc jun chon̈b' tic, to caw wal niwn pax yel'chi. ¿Tas yuj tza nib'j tzac' lajwc tastc to yic Jehová yaji? xchi 'ix.

Ex 33:16

Q'uinloc matz ach 'at quet' ticnec on̈, ¿tas wal 'oj 'aj scheclj 'eli, to tzach tzalj wet'oc, yet' 'a eb' a chon̈b' tic? Toto tzach 'at quet' on̈, 'ixtnta 'oj 'aj scheclj 'eli, to sic'b'iln 'el yet' eb' a chon̈b' tic oj 'a scal eb' chon̈b' 'a sat lum tic, xchi Moisés.

Jeremías 10:16

Caw wal chuc yel qui Diosalec an̈ yin̈tl on̈c Jacob tic. A qui Diosalec b'ojnac smasnil tas. A si'jnac can 'el chon̈b' Israel tic yico'oc. A Jehová tztac' yuj smasnil, 'ixtnta wal yalx sb'i.

Nm 23:9

Caw wal wach' wiln 'at jun chon̈b' chi 'a sjolm q'uen q'uen 'aj te'n in q'ue tic. Caw wal wach' wiln 'at 'a jolm witz tic: A jun chon̈b' cha, caw wal mun 'ay sch'ocoj, chuc yeli, matz calj sb'a eb' yet' jun tzo'n̈ xo chon̈ab'.

Ef 1:18

Tzin c'an 'a 'a, sec 'oj swach' jacc e nab'en, sec 'oj wach' nachjc 'el eyu'uj, tas 'aych yipc qui c'ojlec, atn jun 'aj 'awtb'iln̈ec yuj Dios. Ax swach' nachj 'el eyu'uj, chajtlto man̈x jantcoc swach'l jun quic 'oj yac' 'ayn̈ec, yujto yic on̈c xo.

Dt 14:2

Yujto an̈ec tic, schon̈b' on̈c Jehová Dios. A 'on̈ si'n 'elt 'a scal jun tzo'n̈ xo chon̈b' 'ay 'a sat lum tic, sec tzon̈ 'ochcn schon̈b'oc.

Dt 32:9

Yujto an̈ec yin̈tl on̈ Jacob, an̈ec on̈ si'cn 'och Jehová yico'oc.

Dt 4:34

¿Tom 'ay junc xo dios, tox x'i'n 'elt junc schon̈b' 'a scal junc xo chon̈ab' 'icha wal on̈ yutj Jehová on̈ yi'nec 'elt 'a Egipto? Til wal tas ujnac ta'. Eyiljnac milagro, xiwc'ojlal, owal. Yet' wal sjelnal on̈ yi'nec 'elt 'a Egipto cha.

Tito 2:14

A xyac' cham sb'a cu'uj, sec tzon̈ scol 'a yol sc'ab' maysch'olnil. A 'ix 'i'n 'el smasnil qui mul, sec wach' an̈j 'ayn̈ yico', sec an̈j jun tzo'n̈ tas wach' tzqui b'o'.

A Sb'ab'el Carta San Pedro 2:9

Palta an̈ec xo tic, junxn̈ej quin̈tl qui masnil 'a sat Dios, yujto sic'b'iln̈ec xo 'el yu'uj. 'Ayx copisoec ca'n 'och qui ti 'a Dios, tzca'nec servil qui Reyal. Caw junxn̈ej chon̈b'al cajc 'a sat Dios. Cojn wal 'a tzca'c servil. Yic on̈c xo qui masnil ticnec. 'Ixta tzon̈ 'ajec, sec wach' calnec 'eli, chajtlto man̈ jantcoc swach'l Dios. Yujto a on̈ 'awtnec 'elt 'a scal q'uic'q'uinal, yic on̈ 'ochc 'a jun sacq'uinl caw wach', atn jun yico'.