A Ch'an̈ B'ab'el Libro Yic Yab'ixal Eb' Rey 8:27 - Chuj San Sebastian Bible

²⁷ Palta ach in Diosal, ¿yel am wali 'oj stac' aj cajn 'a sat lum lum tic? 'Intax a satcha'an̈, may yalnb'il 'aj tzlajw c'ochi, palta caw matz techj ach smolni, ¡Ocxom wal jun yune n̈a 'ix in b'o eco'oc tic!

Chuj San Mateo Bible

²⁷ Palta, ¿yel am val Mamin ol ach cajnaj d'a sat luum tic? Ina to max yab'laj satchaan̈ b'aj syal a cajnaji, ocxom val jab' pat ix in b'oq'ue tic d'ayach.

A Ch'an̈ B'ab'el Libro Yic Yab'ixal Eb' Rey 8:27 ပူးပေါင်းရင်းမြစ်များ

2 Cr 2:5

A jun n̈a 'oj in b'o cha, caw niwquil 'oj 'ajoc, yujto a qui Diosal on̈, yel xo niwquil yel'ch 'a yib'n̈ smasnil jun tzo'n̈ comn dios.

2 Cr 2:6

Palta b'i'an, ¿tom 'ay junc mach 'oj stac' sb'on chan̈ jun n̈a cha? 'Intax satcha'an̈ caw niwquil, palta matz yab' 'aj tz'aj Dios 'a 'a. ¿Tas wel'ch an tic, yuj cha, an tzin b'o chan̈ jun n̈a cha, wach'xam cojn wal junc lugar 'aj tz'ajx tz'a incienso 'a yojltac?

2 Cr 6:18

Palta ach in Diosal, ¿yel am wali 'oj stac' aj cajn 'a sat lum lum tic? 'Intax a satcha'an̈, may yalnb'il 'aj tzlajw c'ochi, palta caw matz techj ach smolni, ¡Ocxom wal jun yune n̈a 'ix in b'o eco'oc tic!

Salmos 113:4

A yajl yaj 'a yib'n̈ smasnil nacion̈; ax stzictznial 'ec'b'al 'a satcha'an̈.

Salmos 148:4

A satcha'an̈ yet' a a 'ay 'a yib'n̈ satcha'an̈, yal cab' eb' wach' paxti 'a 'a.

Salmos 68:33

atn jun tzb'eyc' 'a satcha'an̈, jun to 'ayc' xon 'a pecti'. 'Ab'c wal schan̈il yol sjaj. A yol sjaj cha, man̈x jantcoc spoder.

Is 66:1

'Ix yaln pax Jehová 'ixtic: A satcha'an̈, a chi in despacho yaji, ax lum lu'um, a chi sb'achnub' woc yaji. Ax xo tic, ¿'aj wach' tze b'o junc watut yic tzin 'ilj 'a 'a?

Jeremías 23:24

May xon junc lugar 'aj wach' e c'ub'n 'el e b'a 'a in sat. An tic, 'aynn̈ej 'ec' 'a satcha'an̈ yet' 'a sat lum tic.

Jn 1:14

A jun Spaxti Dios sb'i cha, 'ochnc 'anma'il. Wulnc 'ec' 'a qui calc jun tiempoal. A jun cha, caw yel. Niwn swach'c'ojlal Dios xwul sch'ox 'ayn̈ec. 'Ix quil on̈ caw niwn yel'chi, yujto cojxn jun chi Yunnal Dios, checb'il cot yuj Smam.

A Tas Sc'ulejnac Eb' Schecab' Jesús Hechos 17:24

A jun Dios cha, a b'ojnac yolyib'n̈q'uinl tic, yet' smasnil tas 'ay 'a 'a. Atn yajl yaj 'a satcha'an̈, yajl pax yaj 'a sat lum tic. A Dios cha, matz 'aj 'a junc n̈a tzb'o eb' 'anma'.

2 Co 12:2

'Ay jun winc wojtac, 'aych sc'ojl 'a Cristo. Schan̈lajn̈il ab'il xo yijx q'ue 'a satchan̈ 'aj 'ayc' Dios. Man̈ wojcoc, toto xit'nc yet' sniwnal, mto ma'ay, cojn Dios 'ojtnac.

2 Co 6:16

A jun tzo'n̈ tzalx 'och diosal, caw may yaln eb' yic 'a yatut Dios. Yujto an̈ec tic, yatut on̈ec Dios pitzan, 'icha yaj yaln can 'ixtic: 'Oj in can cajn 'a scal eb', ax in b'eyc' yet' eb'. 'Oj woch sDiosalc eb', ax yoch eb' in chon̈b'oc, xchi.

Dt 10:14

Tzcham wal e nani, chajtlto a Jehová a 'ay yic satcha'an̈ yet' pax jun tzo'n̈ xo tas 'ay 'a 'a, a pax 'ay yic lum lum tic, yet' pax tas 'ay 'a sat lu'um.

1 Jn 3:1

'In caw tzon̈ schamc'ojlejec qui Mam Dios, yujto tzon̈ yalc yunnaloc. Yel toni, yunnaln̈ec xo. Ax eb' yic yolyib'n̈q'uinl tic, matz nachj 'el yuj eb', toto yunnaln̈ec xo Dios, yujto man̈ yojcoc eb' Dios tic.