A Ch'an̈ B'ab'el Libro Yic Yab'ixal Eb' Rey 8:16 - Chuj San Sebastian Bible

¹⁶ Yictax wi'n 'elt eb' e mam eyichm ax israel tic 'a Egipto, mant 'a 'aj in si'jnac 'el junc chon̈b' 'a e cal, yic ata tzb'o junc watut 'aj tzin 'aj cajan. Cojn ach in si'jnac 'elta yic tza'n reyl 'a in chon̈b' Israel tic, xchi.

Chuj San Mateo Bible

¹⁶ Ayic yalannac icha tic: Atax vic'annaquelta eb' in chon̈ab' d'a Egipto, mantalaj b'aj tzin siq'uel junoc chon̈ab' d'a e cal b'aj sb'ojiq'ue junoc in pat b'aj tzin cajnaji. An̈ej vin̈aj David ix in siq'ueli yic tz'och vin̈ reyal d'a scal eb' in chon̈ab' Israel tic, xchi Jehová chi'.

A Ch'an̈ B'ab'el Libro Yic Yab'ixal Eb' Rey 8:16 ပူးပေါင်းရင်းမြစ်များ

A Ch'an̈ B'ab'el Libro Yic Yab'ixal Eb' Rey 11:36

A 'a jun yunnal cha, cojxn junc 'in̈tal 'oj wa'cn 'a 'a, sec wach' 'ayt mach 'oj nanc cot in checb' David 'a wojltac 'a Jerusalén, atn jun chon̈b' sic'b'il 'el wu'uj, yic tzb'inax in b'i ta'.

A Ch'an̈ B'ab'el Libro Yic Yab'ixal Eb' Rey 8:29

Q'ueln achn̈ej cab' 'och 'a jun atut tic 'a junjn c'u yet' 'a junjn 'ac'wal, jun aljnac chajtlto a 'a yojl tic 'oj a b'inaxn̈ej. Yuj cha, maclj wal ab' in lesl an a checb' in tic.

A Ch'an̈ Schab'il Libro Yic Yab'ixal Eb' Rey 23:27

Yuj ton wal cha, 'ix yaln Jehová ixtic: 'Oj wi'l Judá 'a wojltac, 'icha wutjnac eb' israel. 'Oj in patquilc can 'el jun chon̈b' sic'b'il 'el wu'uj, atn Jerusalén yet' watut, jun waljnac yu'uj, to ata tz'och 'emmquilal 'ayin, xchi.

1 Cr 17:3

A 'a yic jun 'ac'wl cha, 'ix yaln Dios 'ixtc 'a Natán:

1 Cr 28:4

A Jehová qui Diosalec an̈ israel on̈c tic, a in si'n 'eli yic tzin 'och reyl 'a chon̈b' tic 'a jun 'ejmn̈ej. Yujto a 'ix si'n 'el yin̈tl Judá, yic tzya'n yajlil 'a yib'n̈ smasnil quin̈tlec. A 'a scal yin̈tl Judá, a yin̈tl in mam 'ix si'cn 'eli, an xo in si'cn 'el 'a scal eb' wu'tac yic tzin 'och reyal.

Nehemías 1:9

palta toto 'oj e meltzj pax 'ayin, tzeyiclni in checnb'il, tze b'eylb'ani, wach'xam sactzicnac eyajcn 'at 'a 'aj tzlajw c'och yolyib'n̈q'uinal, palta 'oj ex in molb'tzoc cot 'a jun lugar sic'b'il 'el wu'uj, 'a 'aj tz'och 'emmquilal 'a in b'i, xa chi can 'a Moisés cha.

Salmos 132:13

An Jehová in, an xin si'l lum tzaln Sión wico'oc, yujto ata tzin nib'j tzin 'aj cajan.

Salmos 78:70

Si'n 'elt jun schecab' atn win David, win 'ilm calnelu.

Salmos 89:3

'Ay jun a trato b'ob'il oj yet' David, atn jun a checb' sic'b'il 'el o'oj, ata aljnac can 'ixtic:

Jeremías 7:12

'Ixquec 'a chon̈b' Silo, 'a 'aj 'e'nc in cajnub', atn jun in si'jnac 'el 'a yic b'ab'el 'a 'aj 'e'nc in cajan. Ax eyilni tas wutjnac can yuj smul eb' e mam eyichm cha.

Dt 12:11

A 'a jun lugar 'oj si'l Jehová yico'oc cha, ata 'oj 'at eyac' smasnil jun tzo'n̈ xwal 'ayx tic: no noc' tzeyac' xajmb'alil, yet' no xajmb'al tze n̈ustz'a'oc, e diesmo, eyofrenda to tz'el 'a e c'ojl eya'ni, yet' e colwal to ta'wb'il eyu'uj.

Dt 12:5

A 'a scal eb' eyin̈tl ax tic, ata 'oj si'l Jehová jun lugar 'aj 'oj b'inaxc sb'i, atn 'a jun lugar chi 'aj smoj 'at eya'nc 'ejm e b'a.

A Ch'an̈ B'ab'el Libro Samuel 16:1

'Ix yaln Jehová 'a Samuel 'ixtic: —¿B'a'n̈to 'oj och wan oc' yuj Saúl? Man̈xtzac in nib'j to an̈ja 'aych win reyl 'a chon̈b' Israel. A ticnec 'ac' b'ut'joc no sch'ac calnelu yet' aceite. Tzlajw cha, tzach 'at 'a yatut win Isaí win 'aj Belén, yujto a 'a scal eb' yunnal, ata 'ay jun xin sic' 'elt 'oj 'ochx can reyl sjelc winac, xchi.