A Ch'an̈ B'ab'el Libro Yic Yab'ixal Eb' Rey 8:1 - Chuj San Sebastian Bible

¹ Xlajw cha, xya'n Salomón syam sb'a smasnil eb' yichm wincal chon̈b' Jerusalén, smasnil eb' yajl yaj 'a junjn 'in̈tal, yet' eb' yajl yaj 'a junjn macn̈ eb' israel, yic tz'at yi'nc cot eb' te scaxail strato Jehová 'a Schon̈b' David, atn pax jun tzcuch Sión.

Chuj San Mateo Bible

^1-2 A te' scaxail strato Jehová, ayec' te' d'a schon̈ab' vin̈aj David scuchan Sion. Axo vin̈aj Salomón ix naani to syic'b'at te' vin̈ d'a yol templo yacb'an molanec' masanil eb' anima d'a Jerusalén yuj snaancot q'uin̈ chinama eb' d'a yuquil uj scuchan Etanim. Yuj chi' ix smolb'an masanil eb' yichamtac vinaquil chon̈ab' Israel vin̈, eb' yajal yaj d'a junjun yin̈tilal eb' yed' eb' sat yaj d'a junjun macan̈ eb'.

A Ch'an̈ B'ab'el Libro Yic Yab'ixal Eb' Rey 8:1 ပူးပေါင်းရင်းမြစ်များ

A Ch'an̈ Schab'l Libro Samuel 6:6

Ax yic xjaw eb' 'a jun 'amc' 'aj tzte'x strigo win Nacón, 'ix ya'n 'at Uza sc'ab' 'a te scaxail strato Dios, yic tzyamn 'och wan te snani, yujto xtelw e no mam wacx to'jnac te careta cha.

A Ch'an̈ B'ab'el Libro Yic Yab'ixal Eb' Rey 2:10

Ax 'a yic xcham rey David, ata 'ix mucx 'a jun lugar tzcuch Schon̈b' David.

A Ch'an̈ B'ab'el Libro Yic Yab'ixal Eb' Rey 3:15

Ax yic 'ix 'el swayn̈ Salomón, 'ix yiln cot sb'a to swaych x'ochi. Ax yic 'ix japx 'a Jerusalén, 'ix c'och 'a yojltac scaxail strato Jehová, 'ix ya'n xajmb'al to tz'a smasnil, yet' xajmb'al yic junc'ojlal. Xlajw cha, 'ix ya'n 'och jun niwquil wa'el, xyawtn cot smasnil eb' 'aych yopiso wac yet'oc.

1 Cr 11:7

Xlajw cha, 'ix can David 'a scuartel 'a Sión, yuj pax cha, xya'n eb' sb'ic can Schon̈b' David.

1 Cr 15:25

A David yet' smasnil eb' yichm wincal chon̈b' Israel, yet' eb' syajlil eb' soldado, caw wal tzaljc'ojlal yaj eb' yic x'at yi'nc eb' te scaxail strato Jehová 'a yatut win Obed-edom.

1 Cr 15:29

Palta ax yic 'ix jaw te caxa chi 'a Schon̈b' David, ax 'ix Mical yistzil David cha, atn 'ix yisl Saúl, 'ix 'elt t'an̈n 'ix 'a sventnual yatut. 'Ix yiln 'ix to a rey David, caw wal tzb'atj chan̈ yuj tzaljc'ojlal. Caw tu xyutj sb'a xyil 'ix, yuj cha, schab'c'ojlan 'ix.

1 Cr 15:3

'Ix ya'n David syam sb'a smasnil eb' yit israelal 'a Jerusalén, yic tz'ijx cot te scaxail trato chi 'a jun lugar tox 'ix yac' b'o cha.

1 Cr 28:1

'Ix yac' David syam sb'a smasnil eb' yajl yaj 'a chon̈b' Israel 'a Jerusalén: eb' yajl yaj 'a junjn 'in̈tal, eb' yajl yaj 'a junjn macn̈ eb' soldado 'aych yopiso 'a win rey, eb' yajl yaj 'a yib'n̈ mil soldado, yet' 'a jun ciente soldado, eb' tz'iln smasnil scajb'en noc' win rey, eb' tz'iln slu'um, eb' tz'iln eb' yunnal winac, eb' tz'iln smasnil tas 'ay 'a 'a, smasnil eb' winc to niwn yel'chi, eb' 'aych yopiso yet'oc, yet' eb' soldado caw jelan.

2 Cr 30:1

Xlajw cha, xya'n Ezequías alxc 'a smasnil yol yic Israel yet' 'a Judá, an̈jtona', xya'n 'at scarta 'a eb' yic Efraín yet' 'a eb' yic Manasés, sec to tzjaw eb' 'a yatut Jehová 'a Jerusalén, yic tznax q'uin̈ yic Jehová sDiosal Israel yuj snax cot yel eb' israel 'a libre.

Esdras 3:1

'Ix sb'on pax 'ejm sb'a eb' israel 'a yol schon̈b' jun 'ejm xo, ax 'a yic xtz'acw yucl 'uj, 'ix syamn sb'a smasnil eb' chon̈b' 'a Jerusalén.

Salmos 102:21

sec wach' tzalx 'el ab'xil 'a Sión, atn 'a Jerusalén. Ata 'oj alxoc wach' paxti 'ayach,

Salmos 9:11

B'itn coyc 'a Jehová, atn jun syajlil Sión. Calc 'el yab'xil 'a scal eb' chon̈b' to til wal tas sb'ojnac.

Is 28:16

Yuj cha, tzyaln Jehová 'ixtic: An 'oj wa'cn 'och jun mach yipnub'alc 'a Sión, lajn jun chi 'icha junc q'ue'en. A jun cha to niwn yel'chi, sic'b'il 'el wu'uj yic tz'och 'a schicn n̈a. May b'an̈ 'oj satl jun yich 'aycn 'ejm cha. A eb' tzya'ch jun mach chi yipc sc'ojol, may b'a'n̈ 'oj somchjoc eb'.

Is 46:13

A colnb'il tzwac'a, la'n xo yaj wu'uj, man̈x najtoc yaj 'a e tz'ey, jab'xoj wal 'oj in colcn 'el Sión; wu'uj ax sb'inax pax chon̈b' Israel, xchi Dios.

Nm 1:4

yet' pax junjn eb' syajlil junjn 'in̈tal.

Josué 23:2

xya'n 'awtxoc cot smasnil eb' yit israelal, eb' yichmtac wincal chon̈ab', eb' juez, yet' pax eb' yajl smasnil, xyaln 'a eb' 'ixtic: An tic caw 'ichm inx winac, 'ayx pax in q'uinal.

Josué 24:1

Xlajw cha, xya'n Josué syam sb'a smasnil eb' yit israelal 'a lum Siquem, xyawtn cot eb' yichmtac wincal chon̈ab', eb' yajl yaj 'a scal eb' chon̈ab' yet' pax eb' juez, 'ix c'och eb' 'a yojltac Dios.

A Sb'ab'el Carta San Pedro 2:6

Yuj cha, 'ixtc yaj yaln can Dios 'a Ch'an̈ U'un̈: An 'oj wa'cn 'och jun q'uen q'uen yipnub'alc yich n̈a 'a Sión. A jun cha, sic'b'il 'el wu'uj, caw niwn yel'chi. A mach 'oj ya'ch jun chi yipc sc'ojol, ma'oj somchjc 'el yu'uj, xchi 'a Ch'an̈.