A Ch'an̈ B'ab'el Libro Yic Yab'ixal Eb' Rey 7:47 - Chuj San Sebastian Bible

⁴⁷ Til wal jun tzo'n̈ xo yamc'ab' to nab'a bronce xb'o'i, yuj cha, man̈xtoc xyac' rey Salomón 'echtaxc yalil.

Chuj San Mateo Bible

⁴⁷ Te tzijtum yamc'ab' nab'a bronce, yuj chi' majxo yechtej vin̈aj rey Salomón chi' jantac yalil q'uen bronce chi' ix c'anchaji.

A Ch'an̈ B'ab'el Libro Yic Yab'ixal Eb' Rey 7:47 ပူးပေါင်းရင်းမြစ်များ

A Ch'an̈ Schab'il Libro Yic Yab'ixal Eb' Rey 25:14

An̈jtona', 'ix yi'n 'at eb' jun tzo'n̈ 'aj tz'em stan̈il c'ac', sluchlab'il, jun tzo'n̈ 'icha texlex, jun tzo'n̈ niwc cuchara, yet' pax smasnil jun tzo'n̈ xo yamc'ab' to nab'a bronce, to tzc'anx 'a yic tz'och 'emmquilal 'a Dios.

A Ch'an̈ Schab'il Libro Yic Yab'ixal Eb' Rey 25:16

Man̈x yalnb'ilc jantc yal-l q'uen bronce 'aych 'a chab' 'oy cha, yet' 'a jun pila, yet' pax 'a jun tzo'n̈ sb'achnub'l yaln̈ cha, atn jun tzo'n̈ ya'jnac Salomón b'o 'a yatut Dios. Ma'ix nachj 'el yuj eb' jantc yal-l jun tzo'n̈ cha.

1 Cr 22:14

'Ilto, an tic 'ix wac' wip in yamb'tzan jun tzo'n̈ syamc'ab'il yatut Jehová 'oj b'o cha, atn jun tzo'n̈ tic: 66 mil quintal q'uen oro, yet' 660 mil quintal q'uen plata, yet' jun niwquil b'uln̈ q'uen bronce, yet' q'uen hierro, caw niwn q'ue'en, man̈xtzac stac' yechtaxi. An̈jtona', caw niwn te te', yet' q'uen q'uen 'ix in yamb'tzej cani, ach xo tic 'oj a wach' yamb'tzoc stz'acub'.

1 Cr 22:3

An̈jtona', til wal q'uen hierro 'ix syam sb'a yuj David, yic tz'och q'uen slawxilc 'a 'aj tzlaj schaj sb'a te spuertail yamq'uil. Til wal pax q'uen bronce syamtzej, man̈xtzac stac' yechtax yalil.

2 Cr 4:18

Caw niwn jun tzo'n̈ yamc'ab' to nab'a bronce xb'o cha, yuj cha, man̈x 'ic stac' yojcan 'eli jantc yal-l q'uen bronce 'ix 'och 'a 'a.

Jeremías 52:20

Ax jun tzo'n̈ nab'a bronce ya'jnac can rey Salomón b'o 'a yatut Dios, atn chab' 'oy yet' jun niwquil pila 'aj tz'ejm a a', yet' lajchwan̈ yechl mam wacx nab'a bronce b'achjnac chan̈ yich jun pila cha, man̈xtzac stac' yechtaxi jantc yalil.