A Ch'an̈ B'ab'el Libro Yic Yab'ixal Eb' Rey 7:40 - Chuj San Sebastian Bible

⁴⁰ An̈jtona', 'ix sb'on pax Hiram jun tzo'n̈ chen, niwc luchlab', yet' 'uc'ab'. 'Ixtnta 'ix 'aj slajw sb'o smasnil jun tzo'n̈ 'ix yac' rey Salomón b'o 'a yatut Jehová.

Chuj San Mateo Bible

⁴⁰ Ix lajvi chi' ix sb'oanpax juntzan̈ chen, q'uen pala yed' nivac uc'ab' vin̈aj Hiram chi'. Icha val chi' ix aj slajvi sb'o smasanil juntzan̈ ix schec vin̈aj rey Salomón b'ojoc yicoc stemplo Jehová.

A Ch'an̈ B'ab'el Libro Yic Yab'ixal Eb' Rey 7:40 ပူးပေါင်းရင်းမြစ်များ

A Ch'an̈ B'ab'el Libro Yic Yab'ixal Eb' Rey 7:28

A jun tzo'n̈ careta cha, 'ixtc x'aj sb'o'i: 'aych smarcoal, macchjnac 'el yojl smarcoal cha.

A Ch'an̈ B'ab'el Libro Yic Yab'ixal Eb' Rey 7:39

O'e jun tzo'n̈ careta chi tzcan 'a stojlal sur 'a jun yatut Dios cha, ax o'e xo tzcan 'a stojlal norte. Ax jun niwquil pila cha, ata tzcan 'a stojlal sur, yet' 'a stojlal 'aj tzq'uel c'u.

A Ch'an̈ B'ab'el Libro Yic Yab'ixal Eb' Rey 7:41

Atn jun tzo'n̈ tic 'ix sb'o'o: chab' niwc 'oy, chab' q'uen 'ix q'ue 'a sjolm 'oy cha, chab' maya to lajn 'icha chim, 'aych 'a spatquil chab' q'uen yic sjolm 'oy cha,

1 Cr 18:8

'Ix yi'n pax 'ec' jun tzo'n̈ q'uen bronce 'a chon̈b' Tibhat yet' 'a Cun, atn jun tzo'n̈ schon̈b' Hadad-ezer. Ax Salomón yunnal David, a c'anjnac jun tzo'n̈ q'uen bronce cha, yuj jun niwquil pila, chab' 'oy, yet' pax yuj smasnil yamc'ab' to nab'a bronce.

2 Cr 4:6

An̈jtona', sb'on pax lajn̈e cotc pila to nab'a bronce 'aj tzb'icx smasnil tas tzc'anx 'a yic tz'ajx tz'a xajmb'al to tz'a smasnil; o'e tzcan 'a stojlal sur, ax o'e xo tzcan 'a stojlal norte. A 'a jun niwquil pila cha, ata tz'achn eb' ya'mal 'och sti eb' 'anma 'a Dios.

2 Cr 4:8

'Ix sb'on pax lajn̈e mexa, xlajw cha, 'ix 'at ya'nc 'och 'a yojl yatut Dios, o'e tzcan 'a stojlal sur, ax o'e xo tzcan 'a stojlal norte. 'Ix sb'on pax jun ciente niwc vaso to nab'a oro.

Ex 24:6

Ax Moisés xchan schic'l no', 'ix ya'n 'ejm nan̈l 'a yol jun tzo'n̈ yet'ul, ax nan̈l xo, 'ix secq'ue 'a yib'n̈ jun yet'l xajmb'al cha.

Ex 27:3

Smasnil syamc'ab'il jun yet'l xajmb'al cha, broncen̈ej tz'aji: atn 'aj tz'em stan̈il c'ac', sluchlab'il, yuc'b'al, syamlab'il yet' 'aj tz'em stzac'ac'.