A Ch'an̈ B'ab'el Libro Yic Yab'ixal Eb' Rey 7:14 - Chuj San Sebastian Bible

¹⁴ win yune jun 'ix chamnc yichmil, yin̈tl Neftalí, ax smam 'aj Tiro, caw jeln smunlj 'a b'oj bronce. 'Ixta pax Hiram cha, caw wal jelan, caw jeln pax snab'en, caw wal yojc sb'on smasnil munljel 'a q'uen bronce, yuj cha, 'ix jaw 'a win rey Salomón. Xlajw cha, syamn 'och win sb'on smasnil munljel cha.

Chuj San Mateo Bible

¹⁴ A jun vin̈ chi', yune' vin̈ jun ix chamnac yetb'eyum d'a yin̈tilal Neftalí, aj Tiro vin̈ smam vin̈, te jelan vin̈ sb'oan q'uen bronce. An̈ejtona' te jelan pax spensar vin̈, yojtac vin̈ sb'oan yaln̈ej tas munlajelal d'a q'uen bronce chi'. Yuj chi' ix avtajcot vin̈ yic smunlaj vin̈ d'a vin̈aj rey Salomón sb'oan juntzan̈ tas nab'a bronce.

A Ch'an̈ B'ab'el Libro Yic Yab'ixal Eb' Rey 7:14 ပူးပေါင်းရင်းမြစ်များ

2 Cr 2:14

A jun winc tic, yune jun 'ix israel cotnc 'a yin̈tl Dan, ax smam 'aj chon̈b' Tiro tic. A jun tic jeln smunlj 'a q'uen oro, plata, bronce, mto hierro, yet' 'a tzann̈j q'uenal, mto 'a te te'. Jeln sjaln te ch'al púrpura, te q'uic'mucnac, te chac, mto lino. An̈jtona', caw jeln sb'on smasnil jun tzo'n̈ yechel, tztac' pax snan 'el tas tz'aj sb'o tzann̈j munljel-l tzc'anx 'a 'a. 'Oj colwjc yet' eb' a munljum to jelan, yet' eb' toxn munljnac 'a a mam, atn David to niwn yel'ch 'a in sat.

2 Cr 2:6

Palta b'i'an, ¿tom 'ay junc mach 'oj stac' sb'on chan̈ jun n̈a cha? 'Intax satcha'an̈ caw niwquil, palta matz yab' 'aj tz'aj Dios 'a 'a. ¿Tas wel'ch an tic, yuj cha, an tzin b'o chan̈ jun n̈a cha, wach'xam cojn wal junc lugar 'aj tz'ajx tz'a incienso 'a yojltac?

2 Cr 4:11

Ax Hiram win cuywjum 'a tzann̈j munljelal, 'ix sb'o pax jun tzo'n̈ xalu, niwc cuchara yet' pax jun tzo'n̈ niwc vaso, 'ixta 'ix 'aj slajw sb'o jun tzo'n̈ munljel xyac' Salomón b'o 'a yatut Dios.

2 Cr 4:16

an̈jtona', yet' jun tzo'n̈ chen, jun tzo'n̈ q'uen cuchara, yet' pax jun tzo'n̈ syamlab'il. Smasnil jun tzo'n̈ yamc'ab' yic yatut Jehová xc'anlb'ax cha, nab'a bronce caw tzwetzwni.

Ex 28:3

Al 'a smasnil eb' 'ay sjelnal, eb' xwac' sjelnal snab'en sjalw nip, sec a eb' 'oj b'onc spichl Aarón yic tz'och ya'malc 'och sti eb' 'anma 'ayin.

Ex 35:30

'Ix yaln pax Moisés 'a smasnil eb' yit israelal chi 'ixtic: 'Iltec, a 'a scal eb' yin̈tl Judá, ata 'ix sic' 'elt Jehová win Bezaleel yunnal Uri, yixchicn Hur.

Ex 35:31

A Dios 'ix 'a'n 'och Yespíritu 'a 'a, yic 'ay sjelnal, 'ay snab'en, sec 'ay tas tztac' sb'oni,

Ex 35:35

'Ix 'ajx sjelnal eb', yic tzb'on eb' smasnil tas wach' yilxi, sec wach' tzlaj yutc 'och eb' yechel, mto yelwnub'l jun chi yet' te q'uic'mucnac ch'al, te púrpura, te chac yet' te lino caw wach', jeln eb' sjalw nip, mto jeln eb' sch'oxn yechl junc xo munljel.

Ex 36:1

Yuj cha, a win Bezaleel, yet' win Aholiab, yet' pax smasnil jun tzo'n̈ xo eb' xyac' Jehová sjelnal, atn eb' 'oj b'onc jun tzo'n̈ tas wach' yilxi. A eb' 'oj b'onc smasnil tas 'oj c'anlb'axc 'a yol scajnub' Dios. 'Oj sb'o eb' 'icha wal 'ix yutj Jehová yalni, xchi Moisés.

Ex 36:8

A 'a scal eb' munljum cha, ata 'ay pax eb' caw 'ay sjelnal sb'on scajnub' Dios. Sb'o eb' lajn̈e te nip cortina 'a te lino ch'umb'il, sc'ann eb' te q'uic'mucnac ch'al, te púrpura yet' te chac. A yet' jun tzo'n̈ ch'al chi 'ix stz'isch eb' yechl eb' querubín 'a te cortina cha.

Is 28:26

A Dios tzch'oxni, tas tz'aj sb'o junjn c'aj munljel.