A Ch'an̈ B'ab'el Libro Yic Yab'ixal Eb' Rey 6:1 - Chuj San Sebastian Bible

¹ A yic 480 ab'il yelt eb' israel 'a Egipto, a yic schan̈l ab'il xo yoch Salomón reyl 'a chon̈b' Israel, yic schab'l xo 'ujl schan 'el yich jun ab'il cha, 'a jun 'uj tzcuch Zif, ata schax 'el yich sb'o chan̈ yatut Jehová.

Chuj San Mateo Bible

¹ Ayic 480 ab'ilxo yelta eb' israel d'a Egipto, chan̈exo ab'il yoch vin̈aj Salomón reyal, yic schab'ilxo ujal yoch jun ab'il chi', aton d'a uj scuch Zif, ix el yich sb'ochaj stemplo Jehová.

A Ch'an̈ B'ab'el Libro Yic Yab'ixal Eb' Rey 6:1 ပူးပေါင်းရင်းမြစ်များ

A Ch'an̈ B'ab'el Libro Yic Yab'ixal Eb' Rey 6:2

A jun yatut Dios 'ix yac' b'o rey Salomón cha, 27 metro x'aj spac'b'il, b'aln̈e metro x'aj schiquin, nan̈l schan̈lajn̈il metro x'aj ste'il.

A Ch'an̈ B'ab'el Libro Yic Yab'ixal Eb' Rey 6:37

Schan̈l ab'il xo yoch Salomón reyal, 'a jun 'uj tzcuch Ziv, 'ix 'el yich yejm yipnub'al yich yatut Jehová.

1 Cr 29:19

An̈jtona', tzac' wach' nab'enal 'a ni wunnal Salomón tic, sec wach' 'oj syiclc ni smasnil a checnb'il, a cuynb'il yet' pax a ley, ax sb'eylb'an ni smasnil, sec wach' 'oj stac' sb'on chan̈ ni jun n̈a man̈x jantcoc swach'l yilx 'ix in yamb'tzej can syamc'ab'il tic, xchi rey David 'a Dios.

2 Cr 3:3

A yechl yich yatut Dios 'ix yac' Salomón 'ajxoc b'o cha: 'ay 27 metro spac'b'il, b'aln̈e metro x'aj slewnal sat.

Esdras 5:11

'Ix ta'w eb' 'ayn̈ 'ixtic: An̈ tic on̈, tzcal qui b'a 'a Dios 'ay yic satcha'an̈ yet' lum lum tic, wan qui b'on chan̈ sjel yatut qui Diosal on̈, atn jun sb'ojnac rey Salomón, win qui reyl an̈ israel on̈ tic 'a pecti 'on̈, xchi eb'.

Salmos 78:69

ata sb'o chan̈ jun scajnub' caw niwquil x'aji, x'at 'a cha'an̈. 'Ix ya'n can 'ejm yipnub' yich 'a jun 'ejmn̈ej, 'icha stzatzl yaj lum lum tic.

Ex 12:41

A 'a jun c'u 'aj 'ix tz'acw 430 ab'il sc'och eb' 'a jun lugar cha, ata 'ix 'elt eb' schon̈b' Jehová 'a yol yic Egipto.

Ex 12:51

A 'a jun c'u cha, stzol-l 'ix yutj Jehová yi'n 'elt eb' israel 'a sat slum eb' 'aj Egipto.

Ez 41:1

Xlajw cha, in yi'n pax 'och jun winc chi 'a yojl 'och sti yatut Dios cha, 'ix yechtan jun tzo'n̈ niwc marco, 'oxx metro spiml jun jun.

Hageo 1:8

'Ixquec 'a lum calcte', tzeyi'n cot te te ta', yic tze b'on pax chan̈ watut jun 'ejm xo. 'Ixta to b'i'an, ax in can cajn ta 'a tzaljc'ojlal, ax eyi'n chan̈ in b'i ta'.

Zacarías 6:15

'Oj cot eb' 'anma 'a najat, yic tzcolwj eb' wul sb'onc sjel yatut Jehová eyet'oc. 'Ixtnta 'oj 'aj snachj 'el eyu'uj, chajtlto a Jehová tztac' yuj smasnil, a 'in checn cot wul wal 'ayex. A jun tic, 'oj 'el'choc, toto 'oj e cha eyab'i', ax eyiclni tas tzyal Jehová qui Diosalec.

Nm 1:1

A 'a b'ab'l c'u yic schab'l 'ujl yoch schab'l ab'il yelt eb' israel 'a Egipto, 'ix paxtin Jehová 'a Moisés 'a yol Mantiado 'aj tzchaj sb'a Dios yet' eb' 'anma', yic 'ayx 'ec' eb' 'a lum cusltac lum yic Sinaí. 'Ix yaln 'a 'ixtic:

A Tas Sc'ulejnac Eb' Schecab' Jesús Hechos 13:19

An̈jtona', a satjnac 'el uque chon̈b'al eb' 'anma 'ay 'a yol yic Canaán. Ax slum eb' satnc 'el cha, ya'jnac can yico'oc eb' qui mam quichmec.

A Tas Sc'ulejnac Eb' Schecab' Jesús Hechos 7:47

Palta at wal Salomón 'ix b'on yatut Dios cha.

1 Co 6:19

Eyojc xoni, to a qui niwnalec tic, to yatut Yespíritu Dios yaji. A 'aych 'a 'a, yujto a Dios 'a'jnac 'och 'ayn̈ junjn on̈ec. Man̈x quico'oquec qui b'a ticnec,

2 Co 6:16

A jun tzo'n̈ tzalx 'och diosal, caw may yaln eb' yic 'a yatut Dios. Yujto an̈ec tic, yatut on̈ec Dios pitzan, 'icha yaj yaln can 'ixtic: 'Oj in can cajn 'a scal eb', ax in b'eyc' yet' eb'. 'Oj woch sDiosalc eb', ax yoch eb' in chon̈b'oc, xchi.

A Scarta San Pablo D'a Eb' Aj Colosas 2:7

'Icha junc te caw 'ay sch'an̈l yib', caw wach' sq'uib'i, 'ixta cab' tzeyutj e nab'en 'a yol sc'ab' Cristo. Caw te'n tzeyutj eya'n 'och e c'ojl 'a 'a, 'icha x'aj yajx e cuyu'. Smasnil tiempo tzlaj eyac' yuj diosal 'a Dios.

A Ch'an̈ Carta D'a Eb' Hebreo 11:10

A Abraham cha, stan̈wjnac junx chon̈b' 'ay 'ejm yipnub'al yich, atn jun 'ayc' 'a jun 'ejmn̈ej. A Dios, a najnac cani, chajtl 'ajnc sb'o jun chon̈b' cha, yujto a b'ojnac paxi.

A Ch'an̈ Carta D'a Eb' Hebreo 9:11

Palta wulnc xo 'ec' Cristo ticnec. Yuj cha, atn sat ya'mal 'och qui tic 'a Dios ticnec. Caw wach' jun tzo'n̈ tas 'ac'b'il yuj 'ayn̈ec. Yujto a junx yet'l Dios 'aj tzyac' servil, caw yel xo wach', may jac spaltail. A jun cha, man̈ 'anmac b'ojnac, yujto man̈oc 'a sat lum tic 'ayq'ui.

Jueces 11:26

An̈ israel on̈ tic, 'ayx 'oxe ciente ab'il qui cajn chon̈b' Hesbón yet' yaldeail, xqui cajn pax chon̈b' Aroer yet' jun tzo'n̈ xo aldea 'a stz'ey, xqui cajn eb' lum chon̈b' 'ay 'a sti a Arnón. ¿Tas yuj man̈oc ta e c'anb'jnac lum 'a yic jun tiempoal cha?