A Ch'an̈ B'ab'el Libro Yic Yab'ixal Eb' Rey 5:9 - Chuj San Sebastian Bible

⁹ 'Oj yic' 'emt eb' in checb' te 'a lum jolm witz Líbano, ax yem'ch te 'a sti a mar. Ax ya'n 'och eb' te 'a yib'n̈ a', 'ixta 'oj 'aj te sc'och 'a 'aj 'ix al 'ayin. Ata 'oj a cha sc'och te', ach xo 'oj 'e't te ta', ax tas 'oj a b'o', cojn to tzac' cot tas tzin c'ux yet' eb' 'ayc' 'a watut tic, xchi Hiram.

Chuj San Mateo Bible

⁹ Ol yiq'uemta te' eb' vin̈ in checab' d'a Líbano, ol emc'och te' d'a sti' a' mar. Yaman ol aj te' yic ol laj b'at te' d'a yib'an̈ a', icha chi' ol aj sc'och te' b'aj ix ala'. Ata' ol e cha te', ol eyic'anb'at te' b'ian. A achxo jun, ol ac'cot tas ol in va yed' eb' anima d'a in palacio tic stojoloc te', xchicot vin̈.

A Ch'an̈ B'ab'el Libro Yic Yab'ixal Eb' Rey 5:9 ပူးပေါင်းရင်းမြစ်များ

A Ch'an̈ B'ab'el Libro Yic Yab'ixal Eb' Rey 3:12

yuj cha, 'oj wac' tas chi xa c'an cha. 'Oj wac' a jelnal, mant 'a mach lajn snab'en 'ix 'ec' 'icha ach tic, may pax junc xo tot 'oj 'och 'a yic 'oj lajwc stiempoal eco'.

A Ch'an̈ B'ab'el Libro Yic Yab'ixal Eb' Rey 4:20

A eb' 'aj Judá yet' eb' israel, man̈x jantcoc sb'isl eb', lajn eb' 'icha yarenail sti a mar. Til wal tas tzc'uxxi yet' tas tz'u'xi, caw wal 'ay tzaljc'ojlal ta'.

A Ch'an̈ B'ab'el Libro Yic Yab'ixal Eb' Rey 5:10

'Ixta 'ix yutj ya'n Hiram te te cha, te c'ute', yet' te c'u'taj.

A Ch'an̈ B'ab'el Libro Yic Yab'ixal Eb' Rey 5:8

'Ix ya'n Hiram alxc 'a Salomón 'ixtic: Tox 'ix wab' a checnb'il 'ix wul ac' alxc 'ayin. 'Oj in b'o tas tza nib'j cha, 'icha yuj te c'ute', yet' te c'u'taj.

A Ch'an̈ B'ab'el Libro Yic Yab'ixal Eb' Rey 9:27

'Ix schecn cot win Hiram jun tzo'n̈ eb' smunljum 'a yojl eb' te barco cha, atn eb' caw yojc yec' 'a yib'n̈ a mar. 'Ix 'at eb' yet' jun tzo'n̈ eb' smunljum Salomón,

2 Cr 1:15

Man̈ jantcoc q'uen plata, q'uen oro xyac' win syam sb'a 'a Jerusalén, 'icha xoj q'uen comn q'ue'en. A te c'ute', toxn̈ej jun'ec' te 'icha yaj te calte'al higo 'a span̈nil yich lum witz.

2 Cr 2:16

Ya' sb'a cha, 'oj wal 'a eb' in munljum tic to axn tzu'l eb' te te chi 'a Líbano, jantcn̈ej te 'oj 'och yopiso o'oj. 'Oj sjal eb' te', ax ya'n 'och eb' 'a yib'n̈ a mar, masnto 'oj c'och te 'a chon̈b' Jope. Ax eb' a munljum chi 'oj 'i'nc q'ue te 'a Jerusalén, xchi Hiram sreyl Tiro 'a Salomón.

2 Cr 9:22

A rey Salomón, 'ec'b'al sricoal yet' sjelnal 'a yib'n̈ smasnil eb' rey 'a yolyib'n̈q'uinl tic.

Esdras 3:7

Xya'n eb' tumn 'a eb' albanil yet' 'a eb' josmte', xya'n pax eb' tas tzc'uxxi yet' tas tz'u'xi yet' pax aceite 'a eb' 'aj Sidón yet' 'a eb' 'aj Tiro, yuj yi'n cot eb' te c'ute 'a Líbano yic tzc'anx 'a yatut Dios. 'Ix 'och te 'a yib'n̈ a mar masnto 'ix jaw te 'a Jope. Atn jun tzo'n̈ chi sta'wjnac win Ciro ya'ni, atn win sreyl Persia.

Job 32:8

Palta wal yel, 'ayn̈j snab'en smasnil 'anma', yujto a Dios tztac' yuj smasnil, a 'ix 'a'n 'och yespíritu junjn mach.

Ec 1:16

Yuj cha, xin nan 'ixtc yet' in nab'en: An tic, caw wal niwn wel'ch 'a sat eb' 'anma'; yel xo jeln in 'a yib'n̈ smasnil eb' 'e'nc reyl 'a Jerusalén tic; til wal tas wojtac. Yuj cha xin yamn 'och in b'eyc'ojlani tas wal sjelpal jelnal yet' man̈ nab'enal. Ata xnachj 'el wu'uj to a jun tzo'n̈ cha, lajn 'icha 'ic' to matz tac' syamxi, caw matz nachj 'el wu'uj, xin chi.

Ez 27:17

'Ixta pax eb' 'aj Judá yet' eb' israel, tzwulc' pax eb' manwjoc 'ayach. A tas tzya'cn eb' stojloc tas tzman cha, atn 'ixm trigo tz'el 'a Minit, 'ixm pan pastel, no yal chab', aceite yet' jun tzo'n̈ bálsamo.

A Tas Sc'ulejnac Eb' Schecab' Jesús Hechos 12:20

A 'a jun 'el, caw xcot yowl win rey Herodes 'a eb' 'anma 'aj Tiro yet' 'a eb' 'aj Sidón. Yuj cha, slajtin sb'a eb', tas tzyutj eb' 'at yalnc sb'a 'a winac. 'Ix ya'n eb' sc'ojloc jun winc Blasto sb'i, atn win sat ya'mal servil win rey Herodes cha. Yuj cha, a win xit' c'annc niwnc'ojlal 'a win rey cha. 'Ixta xyutj sb'a eb', yujto a 'a schon̈b' win rey chi tz'ajx 'at jantcn̈ej tas tzc'ux eb'.

Dt 3:25

Tzin tew wal 'ayach, comnoc tzin a chaj 'ec' 'a sc'axpil 'ec' a Jordán tic. Tzin nib'j tzin c'och 'a sat jun lum caw wach' cha. Tzin nib'j wal tz'at wil lum lum 'ay 'a jolmctac witz cha, yet' pax lum Líbano, xin chi 'a 'a.