A Ch'an̈ B'ab'el Libro Yic Yab'ixal Eb' Rey 5:7 - Chuj San Sebastian Bible

⁷ A yic 'ix yab'n Hiram jun tzo'n̈ paxti 'ix yalb't Salomón cha, caw 'ix tzalj wal si'mb'il, 'ix yaln 'ixtic: Alx cab' wach' paxti 'a Jehová ticnec, yujto 'ix yac' jun yunnal David, caw wal jeln snab'en, a 'oj yac' reyl 'a yib'n̈ jun niwquil chon̈b' cha, xchi.

Chuj San Mateo Bible

⁷ Ix te tzalaj vin̈aj Hiram chi' ayic ix yab'an vin̈ tas ix yalb'at vin̈aj Salomón chi'. Ix yalan vin̈: Aljocab' vach' lolonel d'a Jehová, yujto ix yac' jun yuninal vin̈aj David te n̈ican ix ochcan sq'uexuloc scuchb'an jun nivan chon̈ab' chi', xchi vin̈.

A Ch'an̈ B'ab'el Libro Yic Yab'ixal Eb' Rey 5:7 ပူးပေါင်းရင်းမြစ်များ

Gn 33:5

Xlajw cha, xyiln 'och Esaú eb' 'ix 'ix yet' eb' 'unin, sc'anb'n 'ixtic: —Ax pax jun tzo'n̈ eb' tic, ¿mach 'ay yic eb'? xchi. —Wunnal eb' xyac' qui Mam Dios, xchi win Jacob.

A Ch'an̈ B'ab'el Libro Yic Yab'ixal Eb' Rey 1:48

'ix yaln 'ixtic: Alx cab' wach' paxti 'a Jehová qui Diosal an̈ chon̈b' israel on̈ tic, to a x'a'n 'ejm wocn jun win̈tl tic 'a in despacho, tic wal tzat wilcni, xchi David, xchi Jonatán.

A Ch'an̈ B'ab'el Libro Yic Yab'ixal Eb' Rey 10:9

¡Alx cab' wach' paxti 'a Jehová a Diosal, yujto schaj sc'ojl ach ya'n 'och reyl 'a chon̈b' Israel tic! ¡Yujto caw 'ay schamc'ojlal Jehová 'a Israel, yuj cha, ach ya'ch reyal, yic tza'n yajlil wal 'a caw stojlal yet' 'a swach'il! xchi 'ix.

A Ch'an̈ B'ab'el Libro Yic Yab'ixal Eb' Rey 3:9

Yuj cha, tzin c'an 'ayach, to tzac' in jelnal, sec wach' 'oj stac' in b'onyaj jun chon̈b' tic, sec 'oj nachjoc 'el wu'uj, 'aj 'ay wach'il yet' tu'al. ¿Tas wal 'oj wutc wa'n cuenta jun a niwquil chon̈b' tic, toto ma'oj ac' in jelnal? xchi Salomón.

A Ch'an̈ B'ab'el Libro Yic Yab'ixal Eb' Rey 4:7

A Salomón cha, 'ay lajchwan̈ eb' sgobernador tz'a'n servil 'a yol smacb'en chon̈b' Israel. A yopiso jun tzo'n̈ eb' cha, junjn eb' tzyij cot eb' tas tzc'ux win rey yet' yunnal 'a yatut, junjn 'uj 'a yol ab'il.

A Ch'an̈ B'ab'el Libro Yic Yab'ixal Eb' Rey 5:6

Yuj cha, ticnec 'ac' polxoc ste'al, atn te c'ute 'a lum Líbano. A eb' in checab', 'oj colwjoc eb' yet' eb' ec cha, 'oj wac' stojl sc'u eb' a checb' cha, a tzyal jantc 'oj a c'ana'. 'In ojtac, may junc mach tztac' spoln te a qui cal tic on̈, 'icha ex 'aj Sidón ex cha, xchi Salomón.

A Ch'an̈ B'ab'el Libro Yic Yab'ixal Eb' Rey 5:8

'Ix ya'n Hiram alxc 'a Salomón 'ixtic: Tox 'ix wab' a checnb'il 'ix wul ac' alxc 'ayin. 'Oj in b'o tas tza nib'j cha, 'icha yuj te c'ute', yet' te c'u'taj.

Salmos 137:6

Can cab' tzayn wac' 'a yol in jom, toto man̈x nanoc Jerusalén wu'uj, man̈x cab' tztac' in b'itni, toto 'ay junc xo yel xo nib'bi'l wuj 'a yib'n̈ Jerusalén.

Pr 10:1

A jun tzo'n̈ tic spaxti Salomón: A junc 'unnab'il 'ay snab'en, tzyac' tzaljb'oc sc'ojl smam snun, palta ax eb' may snab'en, caw tzyac' eb' cus sc'ojl sman snun cha.

Pr 13:1

A eb' 'unnab'il wach' snab'en, tzchaj eb' yab' tennb'il tzyal smam 'a 'a; ax eb' tzyij chan̈ sb'a, matz chaj eb' yab'i'.

Pr 15:20

A eb' 'unnab'il wach' snab'en, caw tzyac' eb' tzaljb'oc sc'ojl smam snun; ax eb' may snab'en, tzpatquilj can 'el eb' smam snun cha.

Pr 23:24

A eb' 'unnab'il wach', eb' 'ay snab'en, smoj ton wal stzalj smam eb' chi yet'oc.

Is 8:18

An tic yet' eb' wunnal xyac' Jehová, ch'oxnb'il waj yet' eb' 'a scal eb' wit israelal. 'Ixta waj yuj Jehová tztac' yuj smasnil, cajn 'ec' 'a tzaln Sión.

Is 9:6

Yujto x'alj jun winc 'unn 'a qui calec, a Dios 'ix 'a'n jun 'unn tic 'ayn̈ec. A jun 'unn tic, 'oj 'ajxoc yopiso ya'n Yajlil, ax yajx jun tzo'n̈ b'i tic 'a 'a: Satjub'tac snab'en, Dios tztac' yuj smasnil, Mamb'il 'a smasnil tiempo, Syajlil junc'ojlal.