A Ch'an̈ B'ab'el Libro Yic Yab'ixal Eb' Rey 5:6 - Chuj San Sebastian Bible

⁶ Yuj cha, ticnec 'ac' polxoc ste'al, atn te c'ute 'a lum Líbano. A eb' in checab', 'oj colwjoc eb' yet' eb' ec cha, 'oj wac' stojl sc'u eb' a checb' cha, a tzyal jantc 'oj a c'ana'. 'In ojtac, may junc mach tztac' spoln te a qui cal tic on̈, 'icha ex 'aj Sidón ex cha, xchi Salomón.

Chuj San Mateo Bible

⁶ Yuj chi', tzin c'an d'ayach to ol a chec ic'joquel ste'al, aton te' c'ute' d'a Líbano. Ol vac'b'at eb' vin̈ in checab' yic scolvaj eb' vin̈ yed' eb' vin̈ a checab' chi'. Ol in tup sc'u eb' vin̈ icha jantac tza c'ana', yujto ojtac to malaj junoc on̈ syal quic'anel te' icha ex aj Sidón ex chi', xchib'at vin̈.

A Ch'an̈ B'ab'el Libro Yic Yab'ixal Eb' Rey 5:6 ပူးပေါင်းရင်းမြစ်များ

Gn 10:15

A win sb'ab'l 'unnal Canaán, atn Sidón. An̈jtona jun tzo'n̈xo eb' tic yin̈tl win Canaán chi eb': eb' hitita, eb' jebuseo, eb' amorreo, eb' gergeseo, eb' heveo, eb' araceo, eb' sineo, eb' arvadeo, eb' zemareo, yet' eb' hamateo. Jab'jnal 'ix pucb't eb'. Xlaj smacnc 'ec' eb' yico'oc jun tzo'n̈ lum lum tic, tzcot lum 'a smon̈jon Sidón, x'emch lum 'a stojlal Gerar, masnto tzc'och 'a Gaza. Tz'atx lum ta', masnto 'a yol yic Sodoma, Gomorra, Adma, yet' Zeboim, tzmeltzj pax lum ta', masnto tzc'och lum 'a chon̈b' Lasa.

A Ch'an̈ B'ab'el Libro Yic Yab'ixal Eb' Rey 10:26

'Ix smolb'tzan cot Salomón jun tzo'n̈ caruaje yic owal, yet' no chej. 'Ay mil 400 caruaje, 'ay pax lajchwe mil no chej tzq'ue eb' soldado 'a yib'an̈. 'Ay no 'ayc' 'a jun tzo'n̈ chon̈b' to yic xon no yaji. 'Ay pax no 'ay 'a Jerusalén yuj eb' tztan̈wni win rey.

A Ch'an̈ B'ab'el Libro Yic Yab'ixal Eb' Rey 5:7

A yic 'ix yab'n Hiram jun tzo'n̈ paxti 'ix yalb't Salomón cha, caw 'ix tzalj wal si'mb'il, 'ix yaln 'ixtic: Alx cab' wach' paxti 'a Jehová ticnec, yujto 'ix yac' jun yunnal David, caw wal jeln snab'en, a 'oj yac' reyl 'a yib'n̈ jun niwquil chon̈b' cha, xchi.

A Ch'an̈ B'ab'el Libro Yic Yab'ixal Eb' Rey 6:16

An̈jtona', xya'n b'o jun cuarto 'a yol jun n̈a cha, 'a'nte c'ute 'ix 'och 'a 'a. Tzchaj 'el yich 'a sat lu'um, masnto 'ix q'ue'ch 'a yaln̈ patzab', b'aln̈e metro x'aj junjn spac'b'il. 'Ixtnta 'ix yutj ya'n b'o jun slugar Dios 'a yojol, atn jun Lugar cojn Dios 'ay yico'.

A Ch'an̈ B'ab'el Libro Yic Yab'ixal Eb' Rey 6:20

A jun Lugar to cojn Dios 'ay yico', b'aln̈e metro x'aj spac'b'il, b'aln̈e metro schiquin, b'aln̈e metro x'aj ste'il. Nab'a oro x'aj yojol, ax 'a yojltac 'elta, ata xyac' Salomón b'o jun yet'l xajmb'al b'ob'il yet' te c'ute', 'aych oro 'a 'a. 'Ix 'och q'uen cadena nab'a oro 'a spuertail.

A Ch'an̈ B'ab'el Libro Yic Yab'ixal Eb' Rey 9:27

'Ix schecn cot win Hiram jun tzo'n̈ eb' smunljum 'a yojl eb' te barco cha, atn eb' caw yojc yec' 'a yib'n̈ a mar. 'Ix 'at eb' yet' jun tzo'n̈ eb' smunljum Salomón,

1 Cr 22:4

Syamtzej pax te c'ute', man̈xtzac b'ischji jantc te 'ix syam sb'a, yujto a eb' 'aj Sidón yet' eb' 'aj Tiro, caw niwn te c'ute 'ix yij cot eb' 'a David.

2 Cr 1:14

'Ix ya'n Salomón syam sb'a 1,400 caruaje yic owal, yet' lajchwe mil no chej. 'Ayc' jun tzo'n̈ chi 'a jun tzo'n̈ chon̈b' to yic xon yaji, 'ay pax jun tzo'n̈ chi 'ayc' yet' win 'a Jerusalén.

2 Cr 2:10

'Oj wa't tas 'oj sc'ux eb' a munljum cha. 'Oj wa't 60 mil quintal 'ixm trigo, an̈jtona', 'ixta pax 'ixm cebada, 110 mil galón yal uva, an̈jtona', 'ixta pax aceite, xchi Salomón.

2 Cr 2:8

An̈jtona', tza'n cot pax te te 'ay 'a Líbano 'ayin, atn te c'ute', te q'uisis, yet' te sándalo, yujto wojtac to caw jeln eb' a checb' 'a ch'acjte 'a lum Líbano. A eb' in checb' tic 'oj colwjc eb' yet' eb' ec cha.

Esdras 3:7

Xya'n eb' tumn 'a eb' albanil yet' 'a eb' josmte', xya'n pax eb' tas tzc'uxxi yet' tas tz'u'xi yet' pax aceite 'a eb' 'aj Sidón yet' 'a eb' 'aj Tiro, yuj yi'n cot eb' te c'ute 'a Líbano yic tzc'anx 'a yatut Dios. 'Ix 'och te 'a yib'n̈ a mar masnto 'ix jaw te 'a Jope. Atn jun tzo'n̈ chi sta'wjnac win Ciro ya'ni, atn win sreyl Persia.

Salmos 29:5

Tzlo'chj te c'ute' yuj yol sjaj Jehová, c'uxn tzlo'chj te c'ute 'a lum Líbano yu'uj.

Zacarías 11:12

Xwaln 'a eb' 'ixtic: Toto wach' tzeyab'i', 'a'c in tojol, toto may jun, can cab' 'ixta', xin chi 'a eb'. Yuj cha, xya'n eb' 30 q'uen tumn plata in tojloc.

Ro 12:17

Toto 'ay mach maysch'olnil tzyutj sb'a 'ayn̈ec, caw wal matz tac' qui pacnec qui b'a 'a 'a. Caw wach' tzcutjec qui b'eyb'al 'a sat eb' 'anma smasnil.

Ef 4:7

Palta chucchc copiso tz'ajxi, a tzyala tas tzyac' Cristo 'ayn̈ junjn on̈ec.

Dt 17:16

Palta a junc e reyl cha, man̈ niwnoc cab' no chej tzyamb'tzej, may cab' eb' winc tzchecb't 'a Egipto yic tz'at yi'nc cot eb' nan̈locx no chej cha. A Jehová yaljnac can 'ixtic: May cab' b'a'n̈ 'oj e meltzj 'a jun b'e tic, xchi.

A Scarta San Pablo D'a Eb' Aj Filipos 4:8

Ax ticnec ex wu'tac, ex wanab', caw ca'c 'och qui nab'en 'a jantcn̈ej tas yel, 'a jun tzo'n̈ smoj 'ay yel'ch 'a qui satec, 'a jantcn̈ej tas tojol, 'a jun tzo'n̈ may spaltail, 'a jantcn̈ej tas wach', 'a jun tzo'n̈ niwn yel'chi. An̈jtona', yet' 'a jantcn̈ej tas wach' 'a sat Dios, yet' 'a jun tzo'n̈ 'aj smoj yalx wach' paxti', ata tzca'c pax 'och qui nab'en.