A Ch'an̈ B'ab'el Libro Yic Yab'ixal Eb' Rey 5:3 - Chuj San Sebastian Bible

³ Ach tic caw ojtac to a 'in mam, ma'ix stac' sb'on chan̈ junc yatut Jehová qui sDiosal on̈, yujto niwn tiempo cojn owl 'ix yila, masnto 'ix ya'ch Jehová eb' 'ajc'ojl a yol sc'ab'.

Chuj San Mateo Bible

³ A ach tic ojtac to maj yal-laj sb'oancanq'ue junoc stemplo Jehová co Diosal vin̈ in mam yujto nivan tiempoal ix yac' oval vin̈, masanto a Jehová ix ac'anoch eb' ayoch ajc'olal chi' d'a yol sc'ab' vin̈.

A Ch'an̈ B'ab'el Libro Yic Yab'ixal Eb' Rey 5:3 ပူးပေါင်းရင်းမြစ်များ

A Ch'an̈ B'ab'el Libro Yic Yab'ixal Eb' Rey 8:19

palta man̈oc ach 'oj a b'o jun watut cha, at jun onnal 'oj 'aljoc, a 'oj b'onc jun watut cha, xchi.

1 Cr 22:8

Palta yaljnac 'ayn 'ixtic: Ach tic caw niwn chic' 'ix 'el o'oj, niwn pax owl xa b'o'o; yuj cha, man̈oc ach 'oj a b'o chan̈ jun watut cha.

1 Cr 28:2

Xlajw cha, 'ix q'ue lin̈n rey David, 'ix yaln 'ixtic: 'Ab'c e masnil ex wit chon̈ab': 'Aych wal 'a in c'ojl in b'on chan̈ yatutal 'aj 'oj 'aj te scaxail strato Jehová, sec ata tzcan te 'a jun 'ejmn̈ej, sec wach' ata 'oj 'aj qui Diosal. Tox 'ix syam sb'a smasnil syamc'ab'il 'oj c'anxoc 'a 'a.

1 Cr 28:3

Palta 'ix yal Dios 'ayn 'ixtic: Man̈oc ach 'oj a b'o chan̈ jun watut cha, yujto 'a'm ach owal, til wal 'anma 'ix cham o'oj, xchi 'ayin.

2 Cr 9:4

yet' tas tzc'uxx 'a sat smexa, yet' yet'l eb' 'aych yopiso yet'oc, yet' jun tzo'n̈ xo eb' schecab' yet' spichl eb', caw chuc yilx spichl eb' tz'i'n cot svaso winac, yet' pax jun tzo'n̈ xajmb'al tz'ajx tz'a 'a yatut Jehová, caw sat sc'ojl 'ix yiln jun tzo'n̈ cha.

Nehemías 5:17

An̈jtona', 'ay 150 winc tzwa wet'oc, atn eb' wit chon̈ab' yet' eb' 'aych yajlil, palta ax eb' tzon̈ wul 'ilnoc 'ay 'a jun tzo'n̈ nacion̈ 'a qui la'nil tic, man̈ 'ayc 'och eb' stz'acb'oc.

Nehemías 5:18

A wal tas to wic yaji, a tzwac' b'o 'a junjn c'u yic tzc'uxxi, jun no mam wacax, wacwn̈ no calnelu, chuc pax no caxtilan̈; 'a junjn slajn̈il c'u til wal yal uva tz'ijx coti. Palta mant 'a xon jun 'ejmoc tzin c'an tas tzin c'ux to in moj in chani yujto gobernador in. Ma'ix wa'ch in b'a in yac' servil eb' chon̈b' tic, yujto niwn xo tas 'aych 'a yib'n̈ eb'.

Salmos 110:1

A Jehová a 'ix aln 'a Wajlil 'ixtic: 'Emn̈ wocn 'a in wach' c'ab', masnto 'oj can eb' 'ajc'ojl yajch 'aych 'a yaln̈ wu'uj, xchi.

Salmos 8:6

'Ix a'n can 'och copiso 'a yib'n̈ tas a b'ojnac, 'ix a'n can smasnil 'a yol qui c'ab' on̈:

Malaquías 4:3

A 'a yic jun c'ul cha, 'oj e te'cn 'ejm eb' tzb'on maysch'olnil, 'icha wal tz'aj ste'x q'uen stan̈il c'ac', 'ixta 'oj eyutc eb'.

1 Co 15:25

Yujto a Cristo, yowlal 'oj can Reyal, masnto 'oj can smasnil jun tzo'n̈ 'eb' 'ajc'ojl yajch 'a Cristo chi 'a yaln̈ yu'uj.

Ef 1:22

C'uxn 'ix ya'ch Dios smasnil tas 'a yol scab' Cristo. 'Ix ya'n pax yopiso yoch Syajlilc yiglesia, 'icha to sjolm yaji.

Josué 10:24

A yic xjaw eb' 'a yojltac Josué, 'ix yawtn cot smasnil eb' soldado cha, 'ix yaln 'a eb' syajlil eb' chi 'ixtic: —Nitzc cot e b'a, tze yetz'tan e te'n sjaj jun tzo'n̈ rey tic, xchi 'a eb'. 'Ix cot eb' muc'uc, 'ix yetz'tan eb' stec' sjaj ewin rey cha.