A Ch'an̈ B'ab'el Libro Yic Yab'ixal Eb' Rey 5:1 - Chuj San Sebastian Bible

¹ A yic 'ix yab'n win Hiram sreyl Tiro, chajtlto a Salomón 'ix 'och reyl sjelc smam, 'ix schecn cot schecb' 'a 'a, yujto swach'c'ojl sb'a win yet' David.

Chuj San Mateo Bible

¹ Ayic ix yab'an vin̈aj Hiram sreyal Tiro to a vin̈aj Salomón ix och reyal sq'uexuloc vin̈ smam, ix yac'ancot eb' schecab' vin̈ yic tzul lolon eb' yed' vin̈, yujto te vach'taxon yac'an vin̈ yed' vin̈aj David.

A Ch'an̈ B'ab'el Libro Yic Yab'ixal Eb' Rey 5:1 ပူးပေါင်းရင်းမြစ်များ

Gn 15:18

Atn 'a yic jun c'u cha, 'ix yac' Jehová strato 'a jun 'ejmn̈ej yet' Abram, 'ix yaln 'a 'ixtic: —A jun lum tic, 'oj wac' 'a eb' en̈til, atta tzcot lum 'a sti a b'eymal a yic Egipto, masnto 'a sti a niwquil a Éufrates.

A Ch'an̈ Schab'l Libro Samuel 5:11

A Hiram win sreyl Tiro, 'ix ya't eb' smunljum 'a David: atn jun tzo'n̈ eb' josm te', yet' pax jun tzo'n̈ eb' tzeym q'ue'en. Xyi'n eb' jun tzo'n̈ te c'ute', xlajw cha, sb'on chan̈ eb' yatut David.

A Ch'an̈ Schab'l Libro Samuel 8:10

'ix schecn 'at jun yunnal tzcuch Jorám 'a rey David; xya'n 'at pax q'uen plata, q'uen oro, yet' q'uen bronce, yuj ya'n stzatzl sc'ojl David cha, yet' pax yuj yaln wach' paxti 'a 'a, yujto a Toi ya'jnac pax owl yet' Hadad-ezer cha.

A Ch'an̈ B'ab'el Libro Yic Yab'ixal Eb' Rey 10:25

Tzyij cot eb' siylab' 'a win 'a junjn ab'il: 'icha q'uen oro, q'uen plata, jun tzo'n̈ pichul, yamc'ab' yic owal, jun tzo'n̈ su'q'ui sjab', e no cawyu chej, yet' pax e no mula.

A Ch'an̈ B'ab'el Libro Yic Yab'ixal Eb' Rey 5:10

'Ixta 'ix yutj ya'n Hiram te te cha, te c'ute', yet' te c'u'taj.

A Ch'an̈ B'ab'el Libro Yic Yab'ixal Eb' Rey 5:13

A rey Salomón 'ix yac' alxoc 'a smasnil chon̈b' Israel, chajtlto 30 mil winc yowlal tz'at 'a munljel,

1 Cr 14:1

A win Hiram sreyl chon̈b' Tiro, 'ix ya't schecb' 'a David. An̈jtona', xya't eb' albanil, yet' eb' josmte', 'ix yi'n 'at eb' te c'ute yet'oc, yic tzb'on chan̈ eb' sdespacho David.

2 Cr 17:11

Locn pax eb' filisteo 'ix yij cot siylab' 'a Josafat, atn q'uen plata, 'icha to xyac' eb' q'uen stojlb'alc 'a Josafat. An̈jtona pax eb' árabe, 'ix yij cot eb' 7,700 no mam calnelu, 'ixta pax sb'isl no chiwo 'ix yij cot eb' 'a 'a.

2 Cr 2:3

Xlajw cha, 'ix yaln 'at win 'a Hiram sreyl Tiro 'ixtic: ¿Tzac' am te c'ute 'ayin, 'icha otjnac a'n te 'a in mam, atn David, yic sb'on chan̈ yatut 'aj 'ix 'aj cajan?

2 Cr 9:26

A rey Salomón cha, yajl yaj 'a yib'n̈ smasnil eb' rey, tzchajto cot 'a a Éufrates, masnto tzc'och 'a slum eb' filisteo, tzc'och to pax 'a smon̈jon Egipto.

Esdras 4:20

A yic cha, 'ay eb' sreyl Jerusalén caw 'ay yip. A eb' tz'a'n ganar 'a yib'n̈ smasnil tas 'ay 'a sc'axpil 'ec' a Éufrates cha. Xya'n eb' yac' eb' 'anma chi stojlb'al, yet' q'uen tumn x'ajx yac' eb'.

Salmos 45:12

A eb' 'aj Tiro, 'oj yac' eb' siylab' 'ayach. Ax eb' niwc rico 'a yol chon̈ab', 'oj snib'c eb' 'oj 'och 'a junc'ojlal et'oc.

Salmos 72:8

Ya' cab' win yajlil 'a yib'n̈ smasnil lum lum tzc'och 'a sti a mar Mediterráneo masnto 'a sti a Chac Mar; yet' 'a sti a Éufrates, masnto 'aj tzlajw c'och lum lu'um.

Salmos 80:12

¿Tas pax yuj 'ix ej can 'el scol-lal te'? Ax tz'aji a eb' b'eymal 'anma tzlaj ch'inn sat te'.

Ex 34:24

An 'oj wi'l jun tzo'n̈ 'anma 'aych 'a sat lum lum cha, ax sniwnb'i can e lum cha, may mach tzaln 'ica'anc lu'um, ya' sb'a tzex jaw 'a wojltac an e Diosal in tic.

Is 23:1

Alb'il can 'el jun tzo'n̈ paxti tic 'ixtc 'a yib'n̈ Tiro: Ex 'i'mb'ey barco yic Tarsis, 'el cab' eyaw yuj somc'ojlal, yujto 'ix lan̈chj 'ejm chon̈b' Tiro, man̈x 'a xon junc n̈a xcani, man̈x 'a 'aj wach' spixx can te barco. A yic ex jaw 'a Chipre, 'ix eyab'n speclal jun cha.

Ez 19:11

Caw wal ch'ijmtac x'aj eb' te sc'ab', ax te x'och sc'occhoc eb' rey, yel xo wal xq'uib' te si'mb'il. 'Ix 'ec' stel 'a yib'n̈ jun tzo'n̈ te niwc te', caw wal 'ay xo smay yilx yuj ste'il yet' pax yuj te sc'ab' 'ix q'uib'l cha.

Am 1:9

Xyaln pax Jehová 'ixtic: A wal eb' 'aj chon̈b' Tiro, man̈x jantcoc maysch'olnil sb'o eb', yuj cha, yowlal 'oj wa'ch yailal 'a yib'n̈ eb'. 'Ix schon̈ch eb' jun chon̈b'al eb' 'anma mosoal 'a chon̈b' Edom, man̈x 'ic sna cot eb' jun strato yet' eb', chajtlto swach'c'ojl sb'a eb'.

Nm 24:7

A 'aj 'ayc' chon̈b' Israel cha, caw wal 'ay a a wach' yu'n eb' 'anma', wach' pax ya'n 'och eb' yalil tas tzyawej. A sreyl eb', 'ec'b'al 'a yib'n̈ rey Agag. Caw wal niwn tas tztac' yuj jun sreyl eb' cha.

Lc 7:5

yujto caw 'ay schamc'ojlal win 'ayn̈ an̈ israel on̈ tic. 'Ix yac' win b'o jun qui capiya on̈, xchi eb' 'a 'a.

Dt 20:11

Toto tzyal sc'ojl eb' 'anma 'a junc chon̈b' chi tz'och 'a junc'ojlal eyet'oc, tzex schan 'och eb' 'a yol schon̈b' cha, to 'ixta', yowlal tz'och eb' eya'malc servil.

A Ch'an̈ B'ab'el Libro Samuel 10:27

Palta 'ay jun tzo'n̈ 'anma tu snab'en 'ix yal eb' 'ixtic: ¿Tas wal 'oj yutc jun winc tic on̈ scolni? xchi eb'. Caw wal 'ix 'ijx 'ejm Saúl chi yuj eb', may tas siyj eb' 'a 'a, ax Saúl cha, may tas 'ix yala.