A Ch'an̈ B'ab'el Libro Yic Yab'ixal Eb' Rey 4:30 - Chuj San Sebastian Bible

³⁰ A sjelnal cha, caw 'ec'b'al 'a yib'n̈ sjelnal eb' 'aj Egipto, yet' 'a yib'n̈ eb' 'ay 'a stojlal 'aj tzq'uel c'u.

Chuj San Mateo Bible

³⁰ A sjelanil vin̈ chi', te ec'to d'a yichan̈ yic eb' aj Egipto yed' d'a yichan̈ yic eb' ay b'aj sjavi c'u.

A Ch'an̈ B'ab'el Libro Yic Yab'ixal Eb' Rey 4:30 ပူးပေါင်းရင်းမြစ်များ

Gn 25:6

Ax pax eb' yune jun tzo'n̈ xo eb' 'ix yistzil win Abraham cha, cojn siylab' xya'cn win 'a eb'. A yic pitznto winac, 'ix syamn 'och schecn can 'el ewin 'a stz'ey Isaac, 'ix checx can 'at eb' 'a lum lum 'ay 'a stojlal 'aj tzq'uel c'u.

Gn 29:1

'Ix 'atx Jacob masnto xc'och 'a slum ewin cajn 'a stojlal 'aj tzq'uel c'u.

A Ch'an̈ B'ab'el Libro Yic Yab'ixal Eb' Rey 10:23

'Ixta x'aj sq'ue'ch win rey Salomón yet' sricoal yet' sjelnal 'a yib'n̈ jun tzo'n̈ xo eb' rey.

Ec 1:16

Yuj cha, xin nan 'ixtc yet' in nab'en: An tic, caw wal niwn wel'ch 'a sat eb' 'anma'; yel xo jeln in 'a yib'n̈ smasnil eb' 'e'nc reyl 'a Jerusalén tic; til wal tas wojtac. Yuj cha xin yamn 'och in b'eyc'ojlani tas wal sjelpal jelnal yet' man̈ nab'enal. Ata xnachj 'el wu'uj to a jun tzo'n̈ cha, lajn 'icha 'ic' to matz tac' syamxi, caw matz nachj 'el wu'uj, xin chi.

Ez 25:4

Yuj cha, 'oj ex wac' 'a yol sc'ab' eb' 'anma 'oj cot 'a stojlal 'aj tzq'uel c'u. 'Oj yico'oc eb' e lu'um, ax sb'on eb' scamplamento yet' yatut 'a e lum cha. 'Oj smol chan̈ eb' sat smasnil eyawb'ente', a 'oj sc'ux eb', ax yu'n eb' e lech tzyac' e chiwo.

Dn 4:7

Ax yic xjaw eb' 'ay tas tztac' yuj cha, eb' tzchumn yet' c'anal, eb' tztac' snan 'el junc paxti', yet' eb' tzyal jelnal sb'a. 'Ix waln jun in waych chi 'a eb', palta ma'ix stac' yaln eb' 'ayin tas tzyal 'el'chi.

Mt 2:1

A 'a chon̈b' Belén 'a yol yic Judea, ata 'aljnac Jesús. A 'a jun tiempoal cha, a win Herodes 'aych sreyloc Judea cha. A yic 'ix 'alj Jesús, 'ix cot jun tzo'n̈ eb' winc tzcuch mago 'a stojlal 'aj tzq'uel c'u, 'ix jaw eb' 'a Jerusalén.

Mt 2:16

Ax win Herodes cha, 'ix yilni to man̈x 'ic 'ec' eb' mago chi 'a winac. Ton̈j 'ix yixtj can paxti eb' winac. Yuj cha, caw xcot yowal, 'ix ya'n win milxc cham jantcn̈ej eb' cotc winc 'unn 'ay 'a chon̈b' Belén, yet' eb' 'ay 'a sla'nil jun chon̈b' cha. 'Ix cham eb' 'ayx schab'l ab'il, yet' eb' mantzac 'el 'a schab'l ab'il. Yujto 'ixta stiempoal ye'cn eb' mago chi 'a winac.

A Tas Sc'ulejnac Eb' Schecab' Jesús Hechos 7:22

Ax Moisés cha, c'uxn 'ix 'ajx scuy jantcn̈ej sjelnal eb' 'aj Egipto. Yuj cha, caw wal jeln yalni. Jeln pax sb'on smasnil tas.

Jueces 6:33

A 'a yic jun tiempoal cha, syamn sb'a smasnil eb' madianita, eb' amalecita, yet' jun tzo'n̈ xo eb' cajn 'a stojlal 'aj tzq'uel c'u. Junxn̈ej xyutj sb'a eb'. 'Ix c'axw 'ec' eb' 'a a Jordán, axta sb'o eb' scamplamento 'a span̈nil Jezreel.