A Ch'an̈ B'ab'el Libro Yic Yab'ixal Eb' Rey 4:29 - Chuj San Sebastian Bible

²⁹ Man̈x jantcoc sjelnal Salomón 'ix yac' Dios. Til wal tas tznachj 'el yu'uj, man̈xtzac b'ischji.

Chuj San Mateo Bible

²⁹ Man̈xo jantacoc sjelanil vin̈aj Salomón chi' ix ac'ji yuj Dios. Man̈xo alchajb'enoc jantac sjelanil vin̈ chi'.

A Ch'an̈ B'ab'el Libro Yic Yab'ixal Eb' Rey 4:29 ပူးပေါင်းရင်းမြစ်များ

Gn 41:49

'Icha yarenail sti a mar, 'ixta yilx 'och 'ixm trigo smolcn chan̈ José, til wal x'aj 'ixim. Yuj cha, xyactn yechtani, man̈xtzac stac' sb'isni jantc 'ixim.

A Ch'an̈ B'ab'el Libro Yic Yab'ixal Eb' Rey 3:12

yuj cha, 'oj wac' tas chi xa c'an cha. 'Oj wac' a jelnal, mant 'a mach lajn snab'en 'ix 'ec' 'icha ach tic, may pax junc xo tot 'oj 'och 'a yic 'oj lajwc stiempoal eco'.

A Ch'an̈ B'ab'el Libro Yic Yab'ixal Eb' Rey 3:28

'Ix yab'n smasnil chon̈b' Israel, yuj tas 'ix yutj win rey sb'onyaj jun owl cha, yuj cha, caw wal niwn yel'ch win rey 'a sat eb', yujto 'ix 'ajx sjelnal yuj Dios, yic tzb'onyaj junc mach.

A Ch'an̈ B'ab'el Libro Yic Yab'ixal Eb' Rey 4:20

A eb' 'aj Judá yet' eb' israel, man̈x jantcoc sb'isl eb', lajn eb' 'icha yarenail sti a mar. Til wal tas tzc'uxxi yet' tas tz'u'xi, caw wal 'ay tzaljc'ojlal ta'.

Salmos 119:32

'Oj wac' 'ip in b'eylb'an jun tzo'n̈ a checnb'il tic, yujto tzac' wal in tzaljc'ojlal.

Salmos 119:34

'Ac' in nab'en, sec wach' tzwutj in b'eylb'an jun cuynb'il tic; 'oj in yiclc 'a smasnil in c'ojol.

Pr 2:6

A Jehová a tz'a'n qui jelnal, a spaxti tz'a'n cojcoc 'el wach' nab'enal.

Ec 1:16

Yuj cha, xin nan 'ixtc yet' in nab'en: An tic, caw wal niwn wel'ch 'a sat eb' 'anma'; yel xo jeln in 'a yib'n̈ smasnil eb' 'e'nc reyl 'a Jerusalén tic; til wal tas wojtac. Yuj cha xin yamn 'och in b'eyc'ojlani tas wal sjelpal jelnal yet' man̈ nab'enal. Ata xnachj 'el wu'uj to a jun tzo'n̈ cha, lajn 'icha 'ic' to matz tac' syamxi, caw matz nachj 'el wu'uj, xin chi.

Ec 2:26

Toto tzalj Dios quet'ec, caw yel tzyac' qui jelnalec, qui nab'enec yet' qui tzaljc'ojlalec. Palta ax eb' maysch'olnil, a tz'a'n yac' eb' yip smunlji, yic tzmolb'tzan eb' sricoal, ax tz'aji, ax 'a eb' wach' chi 'aj tzcanxi. An̈jtona junx tic, caw wal nab'an̈ej, yujto lajn 'icha wal yic tzcob' qui pechnec qui b'a yet' 'ic' yic tzcob' ca'lnoc qui yamni.

Is 60:5

A yic 'oj eyilnc to 'ixta 'oj 'aj jun tzo'n̈ cha, caw 'oj jawc e tzaljc'ojlal. 'Oj niwtjoc chan̈ tzaljc'ojlal 'a e cal. 'Oj laj yi' cot eb' nacion̈ sricoal, ax wul ya'nc eb' 'ayex, ax eb' cajn 'a sla'nil sti a mar, 'oj yi' cot pax eb' yico'.

Jeremías 33:22

A eb' yin̈tl in checb' David, yet' jun tzo'n̈ eb' yin̈tl Leví 'aych ya'malc 'och sti eb' 'anma 'ayin, caw 'oj wac' niwtjoc sb'isl eb' 'icha wal c'anal 'ay 'a satcha'an̈, mto 'icha wal yarenail sti a mar, may junc mach tztac' sb'isni, xchi.

Dn 2:21

Ach ojtac jantc tiempo tzyac' junjn mach yajlil, ach tza'ch eb' 'a yopiso, tze'n pax 'el eb'. O'oj yuj cha, 'ay snab'en eb' 'ay snab'en, o'oj yuj cha, 'ay sjelnal eb' 'ay sjelnal.

Habacuc 1:9

C'uxn tzsatl eb' smasnil tas 'a 'aj tzlaj 'eq'ui. Caw tzniwtj chan̈ xiwc'ojlal yuj tas tzb'o eb'. Yel xo niwn sb'isl eb' 'anma tzyij 'at eb' 'icha presoal, lajn wal sb'isl eb' 'icha yarenail sti a mar.

Santiago 1:17

A 'a satcha'an̈, ata tzcot jantcn̈ej tas wach' tz'ajx 'ayn̈ec 'a nab'an̈ej. Yet' pax jantcn̈ej jun tzo'n̈ siylab' caw wach', a Dios tz'a'n cot 'ayn̈ec. A b'ojnac jun tzo'n̈ tz'ec' 'a satcha'an̈, tzya'n 'emt sacq'uinl 'a quib'n̈ec. Palta wach'xam tzjelmj yilx jun tzo'n̈ cha, tz'och wewen 'a 'a, ax Dios, man̈ 'ichcta tz'aji. May 'aj tzjel snab'en jun 'ejmoc.

Santiago 1:5

Toto 'ayn̈ 'ayt palta qui jelnal, qui c'anc 'a Dios. 'Oj yac'a', yujto yelc'ojlal tzyac' 'ayn̈ec qui masnil, toto tzqui c'anc 'a 'a. Matz cot yowl 'ayn̈ec.

Santiago 3:17

Palta ax jun jelnal tzcot 'a satcha'an̈, man̈ 'ichcta tz'aji. Toto 'aych jun jelnal tic 'ayn̈ec, may qui paltailec 'a sat Dios, junc'ojlal xoj tzcutjec qui b'a. 'Emmquilal tzcutjec qui b'a. Yiclum on̈cn̈ej 'a junc tas. Caw tz'o'ch qui c'ojlec 'a eb' quit 'anma'il, 'ela tzlaj cutquec qui b'a 'a eb'. Man̈ qui chab'c'ojloquec eb' quit 'anma'il, man̈ chab'satoc tzcutjec pax qui b'a 'a eb'.

Jueces 7:12

A eb' madianita cha, eb' amalecita yet' jun tzo'n̈ xo eb' cajn 'a stojlal 'aj tzq'uel c'u, 'ix puc eb' 'a lum pan̈n 'a'lic chi 'icha no c'ulub'. Til wal scameyo eb', man̈x b'ischjb'enoc e no 'icha yarenail sti a mar.