A Ch'an̈ B'ab'el Libro Yic Yab'ixal Eb' Rey 4:26 - Chuj San Sebastian Bible

²⁶ An̈jtona', chan̈e mil scabayeriza Salomón 'aj 'aych e no schej, a e no tzto'n te caruaje yic owal, 'ay pax lajchwe mil soldado tzq'ue 'a yib'n̈ chej.

Chuj San Mateo Bible

²⁶ A vin̈aj Salomón chi', ay pax juntzan̈ pat b'aj ayoch 40 mil noc' chej stoc'an carruaje yic oval yuj vin̈. Ay pax 12 mil eb' soldado sq'ue d'a yib'an̈ noc' chej chi'.

A Ch'an̈ B'ab'el Libro Yic Yab'ixal Eb' Rey 4:26 ပူးပေါင်းရင်းမြစ်များ

A Ch'an̈ Schab'l Libro Samuel 8:4

Ax x'aji, 'ix yamchj can 1,700 eb' soldado yuj David 'a scal owl cha, atn eb' 'et'jnac te caruaje yic owal, ax junc'l mil eb' tzb'ey 'a yoc xyamchj can paxi. Stzu'n pax n̈i'chjoc sch'an̈l yoc smasnil no chej to'jnac jun tzo'n̈ caruaje cha, cojxn no tzto'n junc ciente caruaje chi xcani.

A Ch'an̈ B'ab'el Libro Yic Yab'ixal Eb' Rey 4:27

Ax eb' gobernador tz'i'n cot tas tzc'ux win rey Salomón, yet' smasnil eb' 'aych 'a smexa winac, junjn eb' gobernador tzyij cot yic 'a junjn 'uj, 'ixta tzyutj eb', sec wach' may tas tzyac' palta.

2 Cr 1:14

'Ix ya'n Salomón syam sb'a 1,400 caruaje yic owal, yet' lajchwe mil no chej. 'Ayc' jun tzo'n̈ chi 'a jun tzo'n̈ chon̈b' to yic xon yaji, 'ay pax jun tzo'n̈ chi 'ayc' yet' win 'a Jerusalén.

2 Cr 9:25

An̈jtona', a Salomón 'ay chan̈e mil scabayeriza 'aj tz'aj e no schej, yet' caruaje. 'Ay pax lajchwe mil no chej tzto'ni. 'Ay caruaje chi tzc'an eb' tztan̈wni win rey 'a Jerusalén, 'ay pax jun tzo'n̈ tzc'an eb' tztan̈wni chon̈ab'.

Salmos 20:7

'Ay jun tzo'n̈ eb', a scaruaje eb' yet' schej eb' yic owal a tzya'ch eb' yipc sc'ojol. A eb' cha, tz'el yip yoc eb', tztelw can 'ejm eb'. Palta an̈ec xo pax tic, a Jehová qui Diosalec, a tzca'c 'och yipc qui c'ojol, yuj cha, te'tec' cajec, lin̈n on̈c cha'an̈, xchi win rey cha.

Dt 17:16

Palta a junc e reyl cha, man̈ niwnoc cab' no chej tzyamb'tzej, may cab' eb' winc tzchecb't 'a Egipto yic tz'at yi'nc cot eb' nan̈locx no chej cha. A Jehová yaljnac can 'ixtic: May cab' b'a'n̈ 'oj e meltzj 'a jun b'e tic, xchi.