A Ch'an̈ B'ab'el Libro Yic Yab'ixal Eb' Rey 4:19 - Chuj San Sebastian Bible

¹⁹ Geber yunnal Uri, a 'ajcuenta yi'n cot jun tzo'n̈ chi 'a yol yic Gad, atn 'a schon̈b' can Sehón sreyl can eb' amorreo, yet' Og sreyl can Basán. Cojn win chi yajl yaj 'a jun macn̈ lum lum cha.

Chuj San Mateo Bible

¹⁹ A vin̈aj Geber yuninal vin̈aj Uri, a vin̈ tz'ic'ancot tastac tz'ab'laj chi' d'a yol yic Galaad, aton b'aj ec'nac schon̈ab' vin̈aj Sehón sreyal eb' amorreo yed' vin̈aj Og sreyal Basán. An̈ej vin̈aj Geber chi' yajal yaj d'a jun macan̈ lum luum chi'.

A Ch'an̈ B'ab'el Libro Yic Yab'ixal Eb' Rey 4:19 ပူးပေါင်းရင်းမြစ်များ

Dt 2:26

'Ix yaln pax Moisés 'ixtic: A yic 'ayn̈ec 'ec' 'a lum cusltac lum Cademot, ata xin chec cot jaywn̈ eb' in checb' 'a win Sihón, atn win sreyl chon̈b' Hesbón, sec tzin 'och 'a junc'ojlal yet'oc. 'Ix waln cot 'a 'ixtic:

Dt 3:8

'Ixta wal 'ix 'aj lum slum eb' amorreo scan 'a yol qui c'ab'c 'a jun tiempoal cha, atn lum 'ay 'a sti a Jordán, 'a stojlal 'aj tzq'uel c'u. Tz'atn̈j 'a sti a Arnón masnto tzc'och 'a lum stzalnil Hermón.

Josué 12:1

'Ay chawn̈ eb' rey 'emnc yuj eb' israel 'a lum lum 'ay 'a stojlal 'aj tzq'uel c'u, 'a sc'axpil 'ec' a Jordán. A smasnil lum lum xyij can 'ec' eb' cha, tz'atn̈j lum 'a a a tzcuch Arnón, masnto 'a lum jolm witz Hermón, yet' smasnil lum span̈nil sti a Jordán, 'a stojlal 'aj tzq'uel c'u.

Josué 12:6

Atn eb' rey chi 'emnc yuj Moisés win schecb' Jehová, yet' pax yuj eb' soldado israel. Ax Moisés cha, a 'ix 'a'n can jun tzo'n̈ lum tic 'a eb' yin̈tl Rubén, 'a eb' yin̈tl Gad yet' 'a spacl eb' yin̈tl Manasés.