A Ch'an̈ B'ab'el Libro Yic Yab'ixal Eb' Rey 4:13 - Chuj San Sebastian Bible

¹³ A yunnal Geber, a 'ajcuenta yi'n cot jun tzo'n̈ chi 'a Ramot 'a yol yic Galaad yet' smasnil yaldea'il Galaad, to yic eb' yin̈tl Jaír yunnal Manasés. A pax 'ajcuenta 'a Argob, 'a yol yic Basán. Ata 'ay 60 niwc chon̈b' 'aych smuroal, broncen̈ej 'aych yijloc spuertail.

Chuj San Mateo Bible

¹³ A vin̈aj Ben-geber, a vin̈ tz'ic'ancot tastac tz'ab'laj chi' d'a Ramot d'a yol yic Galaad yed' d'a masanil chon̈ab' d'a yol yic Galaad chi', aton juntzan̈ schon̈ab' eb' yin̈tilalcan Jair yuninal Manasés yed' pax d'a yol smacb'en Argob d'a yol yic Basán. Ata' ay 60 nivac chon̈ab' ayoch smuroal, ayoch q'uen bronce tz'ec' c'atan syamnub'aloc spuertail.

A Ch'an̈ B'ab'el Libro Yic Yab'ixal Eb' Rey 4:13 ပူးပေါင်းရင်းမြစ်များ

A Ch'an̈ B'ab'el Libro Yic Yab'ixal Eb' Rey 22:3

Wal 'a yojltac win Josafat, 'ix yaln win sreyl Israel chi 'ixtc 'a eb' 'aych yopiso yet'oc: —Ax tic, caw eyojc si'mb'il, to a lum chon̈b' Ramot 'a yol yic Galaad quiquec lu'um, palta ¿tas yuj matz quijec 'ec' lum 'a win sreyl Siria cha? xchi winac.

A Ch'an̈ Schab'il Libro Yic Yab'ixal Eb' Rey 9:1

A Eliseo win schecb' Dios, 'ix yawtj cot win jun win quelm 'a scal eb' schecb' Dios, 'ix yaln 'a 'ixtic: —'Ac' lista a b'a, ax a 'ati. 'Ij 'at jun aceite tic yet' yet'ul. Tzlajw cha, tzach 'at 'a chon̈b' Ramot 'a yol yic Galaad.

A Ch'an̈ Schab'il Libro Yic Yab'ixal Eb' Rey 9:14

A win Jehú yunnal Josafat yixchicn Nimsi, caw tu 'ix sna 'a spatquil win rey Joram. A win rey cha, xit'c yet' eb' yit israelal yic tzcolx 'el chon̈b' Ramot 'a yol yic Galaad 'a yol sc'ab' win Hazael sreyl chon̈b' Siria yalni.

1 Cr 2:23

Palta ax eb' 'aj Gesur yet' eb' 'aj Aram, a eb' x'i'n can 'ec' scamplamento Jair, yet' pax chon̈b' Quenat, yet' smasnil yaldeail, a 'a smasnil 'ay 60 chon̈ab', yin̈tln̈ej Maquir eb', atn smam Galaad.

Salmos 22:12

Tox 'ix 'och oynjoc eb' 'ajc'ojl 'ayin, 'icha wal no wacx caw ow 'a yol yic lum Basán, 'ixta 'eb'.

Salmos 68:15

Man̈x jantcoc schan̈il yajb't stel lum switzl Basán, man̈x jantcoc swach'l yilx swon̈quixtacl sjolm eb' lu'um.

Nm 32:41

A win Jair yin̈tl can pax Manasés, 'ix yac' ganar yi'n 'ec' jun tzo'n̈ aldea yic eb' amorreo cha; 'ix ya'n sb'ic Havot-jair.

Dt 3:10

C'uxn xquijec 'ec' jun tzo'n̈ chon̈b' 'aj tzyac' win Og yajlil, atn smasnil lum chon̈b' 'ay 'a lum pan̈n cha, smasnil lum Galaad yet' lum Basán, masnto tzc'och 'a chon̈b' Salca yet' 'a chon̈b' Edrei, xchi Moisés.

Dt 3:4

An̈jtona', 'ix quijec 'ec' smasnil eb' chon̈b' 'ay 'a yol slugar win cha, man̈x 'a junc xcan cujec. 'Ay 60 eb' lum chon̈b' chi 'a smasnil, tzyal 'el'chi, smasnil lum chon̈b' 'ay 'a yol yic Argob, 'a 'aj tzyac' win Og yajlil 'a lum Basán.

Dt 3:8

'Ixta wal 'ix 'aj lum slum eb' amorreo scan 'a yol qui c'ab'c 'a jun tiempoal cha, atn lum 'ay 'a sti a Jordán, 'a stojlal 'aj tzq'uel c'u. Tz'atn̈j 'a sti a Arnón masnto tzc'och 'a lum stzalnil Hermón.

Dt 4:43

A jun tzo'n̈ chon̈b' cha, atn eb' tic: chon̈b' Beser, 'a span̈nil lum cusltac lum 'a 'aj xcan eb' yin̈tl Rubén; chon̈b' Ramot, 'a yol yic Galaad, 'a lum 'aj xcan eb' yin̈tl Gad; yet' pax chon̈b' Golán, 'a yol yic Basán, 'a lum 'aj xcan spacl eb' yin̈tl Manasés.

Josué 20:8

Ax 'a junx sc'axpil 'ec' a Jordán, 'a stojlal 'aj tzq'uel c'u 'a Jericó, ata si'l eb' 'oxe xo chon̈b' tic: Béser 'ay 'a lum span̈nil yic cusltac lu'um, 'a yol yic eb' yin̈tl Rubén. Ramot 'a yic Galaad, 'a yol smacb'en eb' yin̈tl Gad. Golán 'a yol yic Basán, 'a yol smacb'en eb' yin̈tl Manasés.