A Ch'an̈ B'ab'el Libro Yic Yab'ixal Eb' Rey 4:11 - Chuj San Sebastian Bible

¹¹ A yunnal Abinadab, a yistzil, atn 'ix Tafat yisl Salomón, a 'ajcuenta yi'n cot jun tzo'n̈ chi 'a smasnil yol smacb'en Dor.

Chuj San Mateo Bible

¹¹ A vin̈aj Ben-abinadab, a vin̈ tz'ic'ancot tastac tz'ab'laj chi' d'a masanil yol smacb'en Dor, a ix yetb'eyum vin̈, aton ix Tafat yisil vin̈aj Salomón chi'.

A Ch'an̈ B'ab'el Libro Yic Yab'ixal Eb' Rey 4:11 ပူးပေါင်းရင်းမြစ်များ

A Ch'an̈ B'ab'el Libro Yic Yab'ixal Eb' Rey 4:15

Ahimaas, atn win nupnnac yet' 'ix Basemat yisl Salomón, a 'ajcuenta yi'n cot jun tzo'n̈ chi 'a yol yic Neftalí.

Josué 11:1

A yic xyab'n win Jabín sreyl Hazor yuj smasnil jun tzo'n̈ tic, 'ix ya'n 'at win schecb' 'a win Jobab sreyl Madón, 'a win sreyl Simrón yet' 'a win sreyl Acsaf, yic tzyaln 'at sti', to junn̈j tzyutj sb'a eb'.

Josué 11:2

Xya' alxoc 'a smasnil eb' rey cajn 'a jolmctac witz 'ay 'a stojlal norte 'a span̈nil sti a Jordán, lum tzcan 'a stojlal sur 'a a pama tzcuch Cineret, atn lum pan̈n 'a'lic 'ay 'a Dor 'a stojlal 'aj tz'em c'u.

Josué 17:11

'Ix yij pax eb' yin̈tl Manasés chi jun tzo'n̈ xo chon̈ab', atn eb' lum xcan 'a yol yic Isacar yet' 'a yic Aser, junjn eb' chon̈b' chi yet' yaldeail 'ay 'a stz'ey: Atn Bet-seán, Ibleam, Dor, Endor, Taanac, Meguido, yet' pax 'oxe xo chon̈b' yamn yaji.

Jueces 1:27

Eb' 'anma ma'ix techj spechn 'el eb' yin̈tl Manasés: atn eb' 'aj Bet-seán, eb' 'aj Taanac, eb' 'aj Dor, eb' 'aj Ibleam, eb' 'aj Meguido, yet' eb' 'ay 'a yaldeail jun tzo'n̈ chon̈b' cha. A eb' cananeo 'a jun tzo'n̈ chon̈b' cha 'ix ste'wtzej sb'a eb' 'a owal, yuj cha 'ix can cajn eb' ta'.

A Ch'an̈ B'ab'el Libro Samuel 16:6

Ax yic xc'och Isaí yet' eb' yunnal 'a 'aj 'ayq'ui, 'ix yiln 'och Samuel win Eliab, snan 'ixtic: Wal yel a jun winc 'ayc' 'a yojltac Jehová tic, a sic'b'il 'och reyl yu'uj, xchi.

A Ch'an̈ B'ab'el Libro Samuel 16:8

Xlajw cha, xyaln Isaí 'a win yunnal tzcuch Abinadab, to tzc'och 'a yojltac Samuel. 'Ix yaln Samuel chi 'ixtic: —Man̈oc win tic si'ch Jehová, xchi:

A Ch'an̈ B'ab'el Libro Samuel 16:9

'Ix yaln Isaí 'a junx yunnal tzcuch Sama to tzc'och 'a yojltac Samuel, 'ix yaln pax Samuel chi 'ixtic: —Man̈oc pax win tic si'ch Jehová, xchi.