A Ch'an̈ B'ab'el Libro Yic Yab'ixal Eb' Rey 3:9 - Chuj San Sebastian Bible

⁹ Yuj cha, tzin c'an 'ayach, to tzac' in jelnal, sec wach' 'oj stac' in b'onyaj jun chon̈b' tic, sec 'oj nachjoc 'el wu'uj, 'aj 'ay wach'il yet' tu'al. ¿Tas wal 'oj wutc wa'n cuenta jun a niwquil chon̈b' tic, toto ma'oj ac' in jelnal? xchi Salomón.

Chuj San Mateo Bible

⁹ Yuj chi' tzin c'an d'ayach to tzac' in jelanil yic vach' ol yal in cuchb'ani yed' snachajel vuuj b'aj ay tas vach' yed' tas chuc. ¿Tas val ol aj in ch'olb'itan jun a chon̈ab' te nivan tic, tato man̈ ol ac' in jelanil? xchi vin̈.

A Ch'an̈ B'ab'el Libro Yic Yab'ixal Eb' Rey 3:9 ပူးပေါင်းရင်းမြစ်များ

A Ch'an̈ Schab'l Libro Samuel 14:17

An a checb' in tic mamin rey, 'oj in tan̈woc tas spac 'oj ac' 'ayin sec 'oj wic' sniwnal in c'ojol, yujto ach tic mamin rey, ojc wal tzotj a b'eyc'ojlwi 'a tas wach' yet' 'a tas tu', lajn ach wal 'icha junc yángel Dios. A cab' Jehová qui Diosalec, a tz'och et'oc, xchi 'ix 'a win rey David.

A Ch'an̈ B'ab'el Libro Yic Yab'ixal Eb' Rey 10:24

Smasnil 'anma 'a yolyib'n̈q'uinl tic, caw tznib'j eb' yila', yet' yic tzyab'n eb' jantc wal sjelnal x'ajx yuj Dios.

A Ch'an̈ B'ab'el Libro Yic Yab'ixal Eb' Rey 3:10

Caw schaj sc'ojl Jehová tas sc'an win rey cha,

A Ch'an̈ B'ab'el Libro Yic Yab'ixal Eb' Rey 3:28

'Ix yab'n smasnil chon̈b' Israel, yuj tas 'ix yutj win rey sb'onyaj jun owl cha, yuj cha, caw wal niwn yel'ch win rey 'a sat eb', yujto 'ix 'ajx sjelnal yuj Dios, yic tzb'onyaj junc mach.

1 Cr 22:12

A cab' Jehová 'oj 'a'nc a jelnal, sec wach' a yic 'oj a'nc reyl 'a yib'n̈ chon̈b' Israel, 'oj a yiclc sley Jehová qui Diosal.

1 Cr 29:19

An̈jtona', tzac' wach' nab'enal 'a ni wunnal Salomón tic, sec wach' 'oj syiclc ni smasnil a checnb'il, a cuynb'il yet' pax a ley, ax sb'eylb'an ni smasnil, sec wach' 'oj stac' sb'on chan̈ ni jun n̈a man̈x jantcoc swach'l yilx 'ix in yamb'tzej can syamc'ab'il tic, xchi rey David 'a Dios.

2 Cr 1:10

Yuj cha, a ticnec 'ac' in jelnal, 'ac' nachjoc 'el wu'uj sec wach' 'oj stac' in jucb'tzan jun chon̈b' tic. May junc mach tztac' ya'n yajlil 'a yib'n̈ jun a niwquil chon̈b' tic 'a yol yico', xchi.

Salmos 119:144

A jun tzo'n̈ a paxti alb'il can oj tic, caw tojl eb'. 'Ac' jawc in nab'en, sec 'ay in tzatzil.

Salmos 119:34

'Ac' in nab'en, sec wach' tzwutj in b'eylb'an jun cuynb'il tic; 'oj in yiclc 'a smasnil in c'ojol.

Salmos 119:73

Mamin Jehová, ach ton wal b'ojnaquin, yuj cha, 'ac' nachjoc 'el wu'uj, tas wal tzwutj in cuyn a checnb'il.

Pr 14:8

A sjelnal eb' jelan, a tz'a'n yojcoc 'el eb' tas tzb'o'o, ax sman̈ nab'enal eb' tu snab'en, a tz'ixtn 'el eb'.

Pr 16:16

Yel xo wach' a jelnal tzqui sayc 'ec' 'a yib'n̈ to tzqui sayc 'ec' q'uen oro. Yel xo pax wach' to a wach' nab'enal tzqui sayc 'eq'ui, 'a yib'n̈ to tzqui sayc 'ec' q'uen plata.

Pr 20:12

A Jehová a xb'on qui chicnec yic tzcab'nec, sb'on pax yol qui satec yic tzquilni.

Ec 7:11

Toto 'ay qui jelnalec, yel xo wach' quiquec 'a yib'n̈ to tz'ajx junc tas qui macloc 'a yolyib'n̈q'uinl tic.

Ec 7:19

A junc mach jelan, tz'ajx ste'nal yuj sjelnal cha, 'ec'b'al yip 'a yib'n̈ lajn̈wan̈oc eb' soldado jeln 'a junc chon̈ab'.

Jeremías 1:6

¡'Oltacn Mamin Jehová, ach Wajlil! ¡Caw wal quelm in to 'unin, mantzac nachj wu'uj, tas tzwutj paxtinc in b'a! xin chi 'a 'a.

Jeremías 45:5

Caw man̈ smojc a c'ann tas tzach 'aj a q'ue'ch ricoal. Man̈ a c'ana', yujto 'oj wa' cot yailal 'a yib'n̈ smasnil 'anma'. Palta an Jehová in, an tzwala, to yaln̈j 'ajtil 'oj eq'ui, ma'oj ach in cha milxoc chamoc, xchi Dios, xin chi 'a Baruc.

Dn 2:21

Ach ojtac jantc tiempo tzyac' junjn mach yajlil, ach tza'ch eb' 'a yopiso, tze'n pax 'el eb'. O'oj yuj cha, 'ay snab'en eb' 'ay snab'en, o'oj yuj cha, 'ay sjelnal eb' 'ay sjelnal.

Mt 3:11

An tic, wal yel tzex wac' bautisar 'a a a', sec chequel to xe na e b'a. Palta 'ay wal junx tza'n to sjaw wu'uj, a 'oj eya'n bautisar yet' Yespíritu Dios mto pax c'ac'. A jun 'oj jawc cha, yel xo wal niwn yel'ch 'a wib'an̈. Yuj cha, man̈ in mojc wa'n servil, wach'xam ton̈j tzwij 'el xan̈b' 'a yoc.

Mt 3:14

A 'a b'ab'el, ma'ix yal sc'ojl Juan chi xyac' bautisar, 'ix yaln 'a Jesús 'ixtic: —An tic, yowlal an tzin 'ajx bautisar o'oj. Yuj cha, man̈ smojc a 'ayn tzwul ac' bautisar a b'a, xchi 'a 'a.

Jn 5:30

An tic, may junc tas tztac' in b'on in ch'ocoj. 'Icha tzyal in Mam 'ayin, 'ixta tzwutj in b'eyc'ojlani. Caw wach'n̈j tzwutj in b'eyc'ojlani, yujto matz in b'o 'icha tzin nib'j an tic, palta an̈j 'icha tznib'j jun checjnacn coti, atn in Mam.

2 Co 2:16

A yic tzcalnec 'a eb' wan satq'ui, lajn yab'xil 'icha sjab' junc tas tzon̈ cham yu'uj, yujto 'oj cham eb' 'a jun 'ejmn̈ej yu'uj. Ax yic tzcalnec 'a eb' wan scolchji, lajn yab'xil 'icha junc caw su'q'ui sjab' 'a sat eb', yujto wan schan eb' sq'uinl 'a jun 'ejmn̈ej yu'uj. Yuj cha, may wal junc mach 'oj techjoc yaln 'el jun 'ab'x tic 'a yol yico'.

2 Co 3:5

Man̈toc tzqui na 'on̈, to mun tztac' cuj qui ch'ocj on̈. Palta yujn̈ej to 'aych Dios quet' on̈, tztac' junc tas cuj on̈.

Ef 5:17

Man̈ eya'ch e b'a man̈ nab'enal, cuyc e b'a sec tznachj 'el eyu'uj, tas wal tznib'j Dios tzqui b'o'ec.

A Scarta San Pablo D'a Eb' Aj Filipos 1:10

Toto 'ixta', 'oj e wach' 'ojcoc 'eli, 'aja jun tzo'n̈ tastc wach' 'a sat Dios. 'Ixta to b'i'an, ax swach' tojlb'i e nab'en. Ax yic 'oj jawc Cristo, may jac e paltail 'a sat.

A Ch'an̈ Carta D'a Eb' Hebreo 5:14

Ax jun tzo'n̈ cuynb'il ya snachji, lajn 'icha tas tzc'ux eb' 'anma te'n xo. Yuj cha, a eb' tzcuyn jun tzo'n̈ cha, atn eb' te'n xo snab'en. C'aync xo eb' snan 'eli 'aj 'ay jun tzo'n̈ tas wach', 'aj 'ay pax jun tzo'n̈ tas maych'olnil.

Santiago 1:5

Toto 'ayn̈ 'ayt palta qui jelnal, qui c'anc 'a Dios. 'Oj yac'a', yujto yelc'ojlal tzyac' 'ayn̈ec qui masnil, toto tzqui c'anc 'a 'a. Matz cot yowl 'ayn̈ec.

Santiago 3:17

Palta ax jun jelnal tzcot 'a satcha'an̈, man̈ 'ichcta tz'aji. Toto 'aych jun jelnal tic 'ayn̈ec, may qui paltailec 'a sat Dios, junc'ojlal xoj tzcutjec qui b'a. 'Emmquilal tzcutjec qui b'a. Yiclum on̈cn̈ej 'a junc tas. Caw tz'o'ch qui c'ojlec 'a eb' quit 'anma'il, 'ela tzlaj cutquec qui b'a 'a eb'. Man̈ qui chab'c'ojloquec eb' quit 'anma'il, man̈ chab'satoc tzcutjec pax qui b'a 'a eb'.