A Ch'an̈ B'ab'el Libro Yic Yab'ixal Eb' Rey 3:6 - Chuj San Sebastian Bible

⁶ 'Ix ta'w Salomón 'ixtic: Ach tic Mamin, caw 'ay a chamc'ojlal 'a a checb' David, atn in mam, yujto yiclumn̈ej 'ix yutj sb'a 'ayach. Caw tojl 'ix yutj sb'a 'aych 'a smasnil sc'ojol, yuj cha, 'ix 'el 'a a c'ojol to an 'unnab'iln tic, in 'em wocn 'a sdespacho, 'icha ton wan yuj ticnec.

Chuj San Mateo Bible

⁶ Ix tac'vi vin̈: Mamin, a xajanejnac val vin̈ a checab' aj David, aton vin̈ in mam, yujto ach sc'anab'ajejn̈ej vin̈, tojoln̈ej yutejnac sb'a vin̈ d'ayach. Yuj chi' ix el d'a a c'ool to a in yuninal in vin̈ tic tzin emcan c'ojan d'a sdespacho, icha ix aj yelc'och ticnaic.

A Ch'an̈ B'ab'el Libro Yic Yab'ixal Eb' Rey 3:6 ပူးပေါင်းရင်းမြစ်များ

Gn 24:40

'Ix ta'w win 'ayn 'ixtic: An tic, tzin yicljn̈ej tas tzyal Jehová. A 'oj checnc 'at yángel et'oc, sec wach' 'oj 'aj yel'ch jun a checnb'il cha, yic tze'n cot junc yistzil ni wunnal tic 'a scal eb' 'ix 'ix 'ayt wuj in b'a yet'oc.

A Ch'an̈ Schab'l Libro Samuel 22:21

A Jehová, 'ix yac' spac wico', yujto wach' in b'eyb'al.

A Ch'an̈ Schab'l Libro Samuel 22:25

Yuj cha, spactzan Jehová in tojlal, yujto wach' in b'eyb'al 'a yojltac.

A Ch'an̈ Schab'l Libro Samuel 7:5

'Ixic, 'at al 'a in checb' David, to an Jehová in, an tzwal 'a 'ixtic: Man̈oc ach 'oj a b'o chan̈ junc watut 'aj 'oj in can cajan.

A Ch'an̈ B'ab'el Libro Yic Yab'ixal Eb' Rey 1:48

'ix yaln 'ixtic: Alx cab' wach' paxti 'a Jehová qui Diosal an̈ chon̈b' israel on̈ tic, to a x'a'n 'ejm wocn jun win̈tl tic 'a in despacho, tic wal tzat wilcni, xchi David, xchi Jonatán.

A Ch'an̈ B'ab'el Libro Yic Yab'ixal Eb' Rey 15:5

yujto a win David cha, caw tojl snab'en win 'a sat Jehová. May 'aj xyij 'el win snab'en 'a tas xyal Jehová 'a 'a, cojn wal smul 'ix 'ochi, yic xya'n milxoc win Urías hitita.

A Ch'an̈ B'ab'el Libro Yic Yab'ixal Eb' Rey 2:4

sec wach' 'oj 'el'choc tas alb'il can yuj Jehová 'ayin, yic yaln 'ixtic: Toto tzyac' cuenta sb'a eb' en̈tl yet' sb'eyb'al, toto tojl 'oj yutc sb'a eb' 'a wojltac 'a smasnil sc'ojol, yet' 'a smasnil snab'en, to 'ixta', ma'oj yac' palta eb' en̈tl yoch reyl 'a chon̈b' Israel tic, xchi 'ayin.

A Ch'an̈ B'ab'el Libro Yic Yab'ixal Eb' Rey 3:14

Toto 'oj a b'o tas tzin nib'ej, ax a yiclni in ley yet' in checnb'il, 'icha 'ix yutj syiclni a mam cha, toto 'ixta', 'oj wac' najtxb'oc a q'uinal, xchi Dios.

A Ch'an̈ B'ab'el Libro Yic Yab'ixal Eb' Rey 9:4

Yuj cha, wach'n̈j cab' tzotj a b'a yet' smasnil a c'ojol, 'icha yujtnac sb'a David, atn a mam. Tzin a'n 'och yipc a c'ojol, tzach b'ey wal 'a stojlal, tza yiclni smasnil tas 'ix wac' a b'o', tza yiclni pax jun tzo'n̈ in ley yet' jun tzo'n̈ in checnb'il.

A Ch'an̈ Schab'il Libro Yic Yab'ixal Eb' Rey 20:3

Tzin tew 'aych Mamin Jehová, to tza na coti chajtlto wach' 'ix wutj ach wa'n servil, xin b'on tas tzchaj a c'ojol, xchi 'a slesal. 'Ix 'oc' wal si'mb'il.

2 Cr 1:8

'Ix yaln Salomón 'a Dios 'ixtic: Ach tic Mamin, yel xo xa chamc'ojlej David, atn in mam, an xo in a'cn 'och reyl sjeloc.

Salmos 116:7

A ticnec b'i'an, tzalj in c'ojl tzwab'i, yujto wach' snab'en Jehová 'ayin,

Salmos 119:17

'Ac' in q'uinl an a checb' in tic, sec wach' 'oj wutc in yiclni a paxti'.

Salmos 13:6

Mamin Jehová, yuj a wach'c'ojlal xac' 'ayin, ax in b'itn 'ayach.

Salmos 15:2

Atn eb' tic: Eb' yiclum 'ayach, eb' to wach' tas tzb'o'o, eb' tzaln tas yel yet' smasnil sc'ojol.

Nm 12:7

Palta ax yet' in checb' Moisés, man̈ 'ichcta tzwutej, yujto cojn wal jun in checb' tic caw yiclum tzyutj sb'a 'a scal eb' wico',

2 Co 9:11

Yuj cha, til wal swach'l 'oj e cha', sec 'oj stac' e wach' 'a'n nan̈loc xo. Cujec, 'ay eb' quit creyenteal 'oj yac' yuj diosal 'a Dios, yic 'oj schanc eb' eyofrenda cha.

2 Co 9:5

Yuj cha, xin nani, to yowlal tzin tew 'och 'a eb' cu'tac tic, sec 'oj b'ab'l c'och eb' 'ayex. 'Oj 'at colwjc eb' eyet' eyi'n chan̈ eyofrenda, 'icha yaj eya'n can e ti'. Toto 'ixta', lista 'oj eyutc eyofrenda cha, ax eya'n yuj swach'l e nab'en, sec ma'oj 'at ex cac' pural on̈.