A Ch'an̈ B'ab'el Libro Yic Yab'ixal Eb' Rey 3:3 - Chuj San Sebastian Bible

³ Caw wal tzchamc'ojlej Salomón Jehová, tzyiclni ley alb'il can yuj David 'a 'a, atn smam. Locn pax tz'at yac' xajmb'al yet' incienso 'a jolmctac witz,

Chuj San Mateo Bible

³ Te ay val och Jehová d'a sc'ool vin̈aj Salomón, sc'anab'ajej val sc'ayb'ub'al Jehová vin̈, aton alb'ilcan yuj vin̈ smam vin̈. Vach'chom icha chi', palta an̈eja' ix yac' juntzan̈ silab' vin̈ yed' incienso d'a Jehová d'a juntzan̈ lugar chaan̈ chi'.

A Ch'an̈ B'ab'el Libro Yic Yab'ixal Eb' Rey 3:3 ပူးပေါင်းရင်းမြစ်များ

A Ch'an̈ B'ab'el Libro Yic Yab'ixal Eb' Rey 11:34

Palta mant 'oj wi'c yopiso Salomón tic ya' sb'a pitznto. 'Oj ya'n̈jto reyal, yuj in chamc'ojlal 'a in checb' David, atn jun in si'jnac 'eli, yujto syicljnac in checnb'il yet' in ley.

A Ch'an̈ B'ab'el Libro Yic Yab'ixal Eb' Rey 11:38

Toto 'oj a b'o smasnil tas 'oj wac' a b'o', wach' 'oj otc a b'a, toto 'oj a b'o tas tojl 'a in sat, ax a yiclni in ley yet' in checnb'il, 'icha ya'jnac in checb' David, toto 'ixta', 'aynn̈ej 'ec' et'oc. Caw 'oj wa'ch opiso 'a jun 'ejmn̈ej, 'icha wutjnac wa'n yopiso David cha, ax wa'n 'och chon̈b' Israel tic 'a yol a c'ab'.

A Ch'an̈ B'ab'el Libro Yic Yab'ixal Eb' Rey 11:4

A yic x'och Salomón 'ichm wincal, ax eb' 'ix yistl chi x'i'n 'at snab'en 'a jun tzo'n̈ xo comn dios, yuj cha, man̈xtoc xya'ch snab'en si'mb'il 'a Jehová sDiosal, 'icha ya'jnac David, atn smam.

A Ch'an̈ B'ab'el Libro Yic Yab'ixal Eb' Rey 11:6

Yuj wal cha, caw tu tas sb'o win 'a sat Jehová, yujto ma'ix syiclj sb'on tas xyala, 'icha ya'jnac smam cha.

A Ch'an̈ B'ab'el Libro Yic Yab'ixal Eb' Rey 14:23

'Ix sb'o pax eb' yet'l 'emmquilal 'a lum jolmctac witz, yet' 'a yich smasnil te te caw pim xi'il. Tzlin̈n chan̈ eb' q'uen q'uen yechloc, yet' te te sch'oxnb'il comn dios tzcuch Asera.

A Ch'an̈ B'ab'el Libro Yic Yab'ixal Eb' Rey 14:8

An 'ix wij 'ec' jun 'opiso tic 'a yin̈tl David, 'ix wa'n can 'ayach. Palta ach xo tic, man̈ lajnoc xotj a b'a 'icha in checb' David cha, syiclj in checnb'il yet' smasnil sc'ojol, cojn tas tojol a 'ix sb'o 'a in sat.

A Ch'an̈ B'ab'el Libro Yic Yab'ixal Eb' Rey 15:11

A win Asa cha, caw tojl xyutj win snab'en 'a sat Jehová, 'icha 'e'nc smam 'ichm David winac.

A Ch'an̈ B'ab'el Libro Yic Yab'ixal Eb' Rey 15:14

Wach'xam ma'ix yij 'el win smasnil jun tzo'n̈ macsej 'a 'aj tzyal sb'a eb' 'anma 'a jolmctac witz, palta caw tojl xyutj win Asa chi snab'en 'a sat Jehová.

A Ch'an̈ B'ab'el Libro Yic Yab'ixal Eb' Rey 15:3

A win Abiam tic, 'ix sb'eylb'ej sb'eyb'al smam cha, 'icha wal yutjnac smam chi sayn smuloc, 'ixta pax xyutj ya'n 'och smul cha. Caw man̈ tojloc snab'en 'a sat Jehová sDiosal, man̈ 'ichaoc yutjnac David snab'en, atn win smam 'ichm win cha.

A Ch'an̈ B'ab'el Libro Yic Yab'ixal Eb' Rey 15:5

yujto a win David cha, caw tojl snab'en win 'a sat Jehová. May 'aj xyij 'el win snab'en 'a tas xyal Jehová 'a 'a, cojn wal smul 'ix 'ochi, yic xya'n milxoc win Urías hitita.

A Ch'an̈ B'ab'el Libro Yic Yab'ixal Eb' Rey 22:43

A win Josafat cha, wach' xyutj win sb'eyb'al 'icha yutjnac smam, atn win Asa. A 'a sat Jehová, tojl xyutj win sb'on smasnil tas. Cojn b'i'an to ma'ix yij 'el win jun tzo'n̈ yet'l smacsej eb' 'anma 'a jolmctac witz, atn 'aj tzyac' eb' xajmb'al yet' 'aj sn̈us eb' incienso.

A Ch'an̈ B'ab'el Libro Yic Yab'ixal Eb' Rey 22:44

'Ix 'och win 'a junc'ojlal yet' win sreyl chon̈b' Israel.

A Ch'an̈ B'ab'el Libro Yic Yab'ixal Eb' Rey 3:14

Toto 'oj a b'o tas tzin nib'ej, ax a yiclni in ley yet' in checnb'il, 'icha 'ix yutj syiclni a mam cha, toto 'ixta', 'oj wac' najtxb'oc a q'uinal, xchi Dios.

A Ch'an̈ B'ab'el Libro Yic Yab'ixal Eb' Rey 3:6

'Ix ta'w Salomón 'ixtic: Ach tic Mamin, caw 'ay a chamc'ojlal 'a a checb' David, atn in mam, yujto yiclumn̈ej 'ix yutj sb'a 'ayach. Caw tojl 'ix yutj sb'a 'aych 'a smasnil sc'ojol, yuj cha, 'ix 'el 'a a c'ojol to an 'unnab'iln tic, in 'em wocn 'a sdespacho, 'icha ton wan yuj ticnec.

A Ch'an̈ B'ab'el Libro Yic Yab'ixal Eb' Rey 8:25

Yuj wal cha Mamin Jehová, qui Diosal ach on̈, 'el'ch cab' pax tas a ta'wjnac 'a jun a checb' David, yic alni to 'ayn̈j eb' yin̈tl 'oj 'och 'a a despacho yic tzya'n yajlil 'a chon̈b' Israel, cojn toto yiclum 'oj yutc sb'a eb' 'ayach, 'icha wal yutjnac sb'a in mam.

A Ch'an̈ B'ab'el Libro Yic Yab'ixal Eb' Rey 8:61

Yuj cha, cojn cab' 'a Jehová qui Diosalec 'aj tzca'c 'och qui c'ojol, yiclum cab' tzcutjec qui b'a 'a sley yet' 'a schecnb'il, 'icha tzcutjec ticnec, xchi Salomón.

A Ch'an̈ B'ab'el Libro Yic Yab'ixal Eb' Rey 9:4

Yuj cha, wach'n̈j cab' tzotj a b'a yet' smasnil a c'ojol, 'icha yujtnac sb'a David, atn a mam. Tzin a'n 'och yipc a c'ojol, tzach b'ey wal 'a stojlal, tza yiclni smasnil tas 'ix wac' a b'o', tza yiclni pax jun tzo'n̈ in ley yet' jun tzo'n̈ in checnb'il.

A Ch'an̈ Schab'il Libro Yic Yab'ixal Eb' Rey 12:3

Palta b'i'an, ma'ix 'ijx 'el jun tzo'n̈ macsej 'a yet'l 'a jolmctac witz yu'uj, an̈ja to ya'n eb' 'anma xajmb'al, tzn̈usntz'a eb' incienso ta'.

A Ch'an̈ Schab'il Libro Yic Yab'ixal Eb' Rey 12:4

'Ay jun c'ual, 'ix yaln Joás 'a eb' ya'mal 'och sti eb' 'anma 'a Dios 'ixtic: —Tzeyac' syam sb'a q'uen tumin, q'uen ofrenda tzwul 'ajxoc can 'a yatut Jehová, 'icha q'uen to yowlal tzyac' junjn eb' 'anma', yet' jantcn̈ej q'uen ofrenda to tz'el 'a sc'ojl eb' 'anma ya'ni. Junjn ex 'oj eyac' q'uen tumn chi 'oj e cha yuj sb'omb'il yatut Dios 'a 'aj juwnac, xchi Joás 'a eb'.

A Ch'an̈ Schab'il Libro Yic Yab'ixal Eb' Rey 14:3

A smasnil tas x'el sb'on Amasías cha, tojl 'a sat Jehová, palta matz c'och 'icha wal yic David, atn smam yicham. Lajn xyutj sb'eyb'al 'icha yic smam, atn Joás.

A Ch'an̈ Schab'il Libro Yic Yab'ixal Eb' Rey 14:4

Ma'ix yij pax 'el jun tzo'n̈ macsej 'a yet'l 'a jolmctac witz, an̈ja to ya'n eb' 'anma xajmb'al, tzn̈usntz'a pax eb' incienso ta'.

A Ch'an̈ Schab'il Libro Yic Yab'ixal Eb' Rey 15:35

'Ix sb'on spuertail yatut Jehová, atn jun puerta 'ay 'a cha'an̈. Palta b'i'an, ma'ix yij 'el jun tzo'n̈ macsej 'a yet'l 'a jolmctac witz, an̈ja to ya'n eb' 'anma xajmb'al, tzn̈usntz'a eb' incienso ta'.

A Ch'an̈ Schab'il Libro Yic Yab'ixal Eb' Rey 15:4

Palta b'i'an, ma'ix yij 'el jun tzo'n̈ macsej 'ay yet'l 'a lum jolmctac witz, an̈ja to ya'n eb' 'anma xajmb'al, tzn̈usn tz'a eb' incienso ta'.

A Ch'an̈ Schab'il Libro Yic Yab'ixal Eb' Rey 18:22

Toto tzeyal 'ixtc 'ayin: An̈ tic on̈ a Jehová qui Diosal on̈, a tzca'ch yipc qui c'ojol, toto xe chi. 'In tox 'ix yac' win Ezequías chi satl jun tzo'n̈ macsej 'ay 'a jolmctac witz yet' smasnil yet'l xajmb'al yic e Diosal cha. Tox 'ix yal 'ayx 'ex 'aj Judá yet' ex 'aj Jerusalén, to an̈j 'a jun yet'l xajmb'al 'ay 'a Jerusalén, ata tzeyal e b'a.

A Ch'an̈ Schab'il Libro Yic Yab'ixal Eb' Rey 18:4

Atn tic 'ix sb'o'o: 'Ix yij 'el smasnil jun tzo'n̈ macsej 'ay 'a jolmctac witz, choc' 'ix yutj sma'n poj jun tzo'n̈ q'uen q'uen to niwn yel'ch yuj eb' 'anma', stzu'n 'at jun sch'oxnb'il comn dios tzcuch Asera. 'Ix sma'n pax poj jun yechl chan to nab'a bronce b'ob'il yuj Moisés, atn 'a jun chi 'aj 'ix yac' eb' israel tz'a incienso, Nehustán xyac' sb'ioc.

2 Cr 15:17

Wach'xam ma'ix yij 'el jun tzo'n̈ smacsej eb' 'anma 'a jolmctac witz 'a yol yic Israel, palta a Asa caw ste'wtzej sb'a syiclni Jehová.

Salmos 145:20

Mamin Jehová, tza col smasnil eb' 'ay schamc'ojlal 'ayach, palta ax eb' maysch'olnil snab'en, ach tza satl eb'.

Salmos 31:23

E masnil ex to yic ex xo Jehová wet'oc, qui chamc'ojloquec qui Diosal. A tztan̈wni eb' to wach' tzyutj sb'a. Palta ax 'a eb' tzyij chan̈ sb'a yet' stu nab'enal, caw tz'acn tzyutj ya'n spac 'a eb', atn syailal eb'.

Lv 17:5

'Ixta tzwutj walni, sec man̈xtzac e comn milj cham no noc' 'a spatc 'el camplamento, palta to tzeyij cot no 'a yamq'uil Mantiado cha, ax win ya'mal 'och sti eb' 'anma', a win tz'a'n 'och no xajmb'al-l yic junc'ojlal 'a wojltac.

Mt 22:37

Yuj cha, xyaln Jesús 'ixtc 'a winac: —Chamc'ojlejc Cajlil qui Diosalec yet' smasnil e c'ojol, yet' smasnil e pixan yet' pax smasnil e nab'en.

Jn 14:15

Toto tzin e chamc'ojlej, yicljec jun tzo'n̈ in checnb'il.

Jn 14:21

A eb' 'aych snab'en 'a jun tzo'n̈ in checnb'il, tzyiclni paxi, atn eb' chi 'ay schamc'ojlal 'ayin. A eb' 'ay schamc'ojlal 'ayin, ax in Mam 'oj chamc'ojlanc eb'. An̈jtona 'in, 'oj in chamc'ojloc pax eb'. Ax in ch'oxn in b'a 'a eb' 'a 'esal, schi Jesús 'a eb'.

Ro 8:28

Cojquec, jantcn̈ej jun tzo'n̈ tas tzjaw 'ayn̈ec, a Dios a tz'a'n coti, sec caw wach' quiquec an̈ 'ay qui chamc'ojlalec 'a 'a, an̈ec 'awtb'iln̈ xo yu'uj, sec tzon̈ 'ochc 'icha snajnac.

1 Co 8:3

Palta a eb' tzchamc'ojlan Dios, 'ojcab'il xon eb' yu'uj.

Dt 10:12

Ax ticnec ex wit chon̈ab', ¿tas wal junc tznib'j Dios 'ayn̈ec? A tas tznib'j 'ayn̈ec, to 'ay cab' yel'ch 'a qui satec, tza'n on̈c 'ochn̈ej cab' yu'uj. Tzqui chamc'ojlejec, tzcalnec qui b'a 'a 'a, yet' wal smasnil qui c'ojlec yet' smasnil qui nab'enec,

Dt 10:13

tzqui yiclniec smasnil schecnb'il yet' sley, sec wach' 'oj quel'chec.

Dt 11:13

Toto 'oj eyiclc smasnil jun tzo'n̈ checnb'il wan waln can 'ayx 'a jun c'u tic, tze chamc'ojlan Jehová qui Diosalec 'a smasnil e c'ojol, yet' smasnil e nab'en tzeya'n servil,

Dt 30:16

Yuj cha, tzwalcn 'ayx ticnec to tze chamc'ojlej Jehová qui Diosalec, tzex 'och tza'n yu'uj, tzeyiclni schecnb'il, yet' scuynb'il. Toto 'ixta', wach' 'oj eyaj e b'ey 'a swach'il. Caw 'oj niwtjoc e b'isul, ax ya'n Jehová syaxilal 'a eyib'n̈ 'a sat lum lum 'oj eyico'oc cha.

Dt 30:20

Chamc'ojlejc Jehová qui Diosalec, yiclumn̈ej tzeyutj e b'a 'a 'a, tzex 'och tza'n yu'uj. Toto 'ixta', yujn̈ej Jehová 'oj e cha e q'uinal, najtl 'oj eyec' cajn 'a sat lum lum 'ix yac' Jehová sti ya'n 'a eb' qui mam quichmec, atn Abraham, Isaac yet' Jacob, xchi Moisés.

Dt 30:6

'Oj ya'ch Jehová qui Diosalec yechl strato 'a e nab'en yet' 'a snab'en eb' eyin̈til, sec 'oj e chamc'ojloc Jehová yet' smasnil e c'ojol yet' smasnil e nab'en. Toto 'ixta', 'oj najtxb'oc e q'uinal.

Dt 6:5

Chamc'ojlejc Jehová qui Diosalec yet' smasnil e c'ojol, yet' smasnil e nab'en yet' smasnil eyip.

Santiago 1:12

Toto tzca'c techjoc, yic tzon̈ 'ajxec prowal, caw wach' quiquec. Yujto a yic tox xlajw cajxec prowal, 'oj qui chac spac, atn qui q'uinlec 'a jun 'ejmn̈ej. Ya'jnac can Dios sti', chajtlto 'oj yac' jun tic 'a jantcn̈ej eb' 'ay schamc'ojlal 'a 'a.

Santiago 2:5

Ex wu'tac, ex wanab', chamc'ojlb'ilx wu'uj. 'A'c 'och e chicn 'a junx tic. A eb' meb'a 'a yolyib'n̈q'uinl tic, atn eb' tzsi'x 'elt yuj Dios, sec wach' tzya'ch eb' sc'ojl 'a 'a. Yuj cha, 'icha to rico tz'aj eb' 'a sat, yujto a 'oj 'i'nc 'at eb' 'a yol sc'ab'. A ya'jnac sti', chajtlto 'ixta 'oj yutc eb' 'ay schamc'ojlal 'a 'a.

A Ch'an̈ B'ab'el Libro Samuel 9:12

—N', atn 'a tic cajn winac, yaj win 'a eyojltac 'at cha. C'olc eyip toq'ue 'ayt 'ec' winac. At wal sjaw 'a yol chon̈b' tic, yujto 'ay xajmb'al eb' 'anma tic 'oj yac' 'a lum tzaln yic 'emmquilal.