A Ch'an̈ B'ab'el Libro Yic Yab'ixal Eb' Rey 3:26 - Chuj San Sebastian Bible

²⁶ Palta ax 'ix snun jun 'unn pitznto cha, caw 'ix 'och pitz'n cusc'ojlal 'a 'ix yuj jun yune cha, 'ix yaln 'ix 'a win rey chi 'ixtic: —¡Mamin rey! ¡'El cab' 'a a c'ojol, matz polx 'ejm snan̈l jun 'unn pitznto tic! ¡'Ajx cab' 'a 'ix tic! xchi 'ix. Palta 'ix yaln junx 'ix cha: —Matz can wet'oc, matz can pax yet' 'ix. ¡Polx cab' 'ejm snan̈al! xchi 'ix.

Chuj San Mateo Bible

²⁶ A ix ay yic jun nene' unin pitzan chi', ix och val pitz'naj cusc'olal d'a spixan ix, ix yalan ix d'a vin̈ rey chi': —Mamin rey, elocab' d'a a c'ol max chab'ajlaj snan̈al jun unin tic. Ac'jocab' d'a ix tic, xchi ix. Ix yalan junxo ix chi': —Max canlaj ved'oc, max canpaxlaj yed' ix tic. Chab'ajocab' snan̈al, xchi ix.

A Ch'an̈ B'ab'el Libro Yic Yab'ixal Eb' Rey 3:26 ပူးပေါင်းရင်းမြစ်များ

Gn 43:30

Xlajw yaln José jun tzo'n̈ cha, caw wal x'och pitz'n 'a spixn yiln 'och jun yu'tac cha, 'ijn wal x'oc' muc'uc. Yuj cha, yajn̈ej x'och 'a yol scuarto, axta x'oc' wal si'mb'il.

A Ch'an̈ B'ab'el Libro Yic Yab'ixal Eb' Rey 3:25

'ix yaln win rey chi 'ixtic: —Polc 'ejm snan̈l jun 'unn pitznto tic, tzlajw cha, tzeya'n c'axpoc yic junjn eb' 'ix, xchi winac.

A Ch'an̈ B'ab'el Libro Yic Yab'ixal Eb' Rey 3:27

Xlajw cha, 'ix yaln win rey chi 'ixtc 'a eb' winc cha: —Man̈ e mil cham jun 'unn pitznto tic, 'a'c 'a 'ix matz nib'n milxc cham cha, yujto caw yel yic 'ix, xchi win rey.

Salmos 39:3

'Icha wal to 'ix n̈ilchj chan̈ c'ac' 'a sn̈i in c'ojl xwab'i. A yic tzin nab'tan̈n cha, 'ix wach' niwtj jun c'ac' chi xwab'i. 'Ixta to b'i'an, caw 'ip in 'awj cha'an̈.

Is 49:15

Palta ¿tom tzsat sc'ojl junc nunb'il 'a junc yune chamc'ojlb'il yu'uj? Wach'xam pax tzsat sc'ojl 'ix jun, palta an tic ma'oj e 'at satc'ojlal wu'uj.

Jeremías 31:20

An Jehová in, an tzwala to a eb' 'aj Efraín tic, 'icha to wunnal yaj eb', caw xajn eb' wu'uj, yel xo chamc'ojlb'il eb' wu'uj. Wach'xam tzwac' cuenta eb', palta matz wactj in nani, caw ya tzwab' yuj eb', yujto caw niwn tz'o'ch in c'ojl 'a eb'.

Os 11:8

¿Tas wal 'oj wutc ex wactn can ex 'aj Efraín, atn ex yin̈tl can Israel? ¿Tom 'oj ex in satl 'icha wutjnac chon̈b' Admá, mto 'icha wutjnac chon̈b' Seboím? Caw ya tzwab' eyu'uj, caw tzcusch pax in c'ojl ex wiln 'ochi.

Ro 1:31

Man̈ nab'enal tzyutj sb'a eb'. Matz yiclj eb' strato 'a junc mach. May schamc'ojlal eb'. [Matz yac' eb' niwnc'ojlal 'a junc xo mach.] Matz 'o'ch sc'ojl eb' 'a junc yit 'anma'il.

A Scarta San Pablo D'a Eb' Aj Filipos 1:8

Tzyil Dios, to caw tzex in chamc'ojlej e masnil yet' schamc'ojlal Jesucristo.

A Scarta San Pablo D'a Eb' Aj Filipos 2:1

A Cristo tzon̈ jucb'tzanec. Tzya'n sniwnal qui c'ojlec, 'ay schamc'ojlal 'ayn̈ec. Junxn̈ej tzon̈ 'ajc yet' Yespíritu ticnec. A tz'a'n qui chamc'ojlalec, sec tz'o'ch qui c'ojlec 'a eb' quit 'anma'il.

2 Ti 3:3

May jac schamc'ojlal eb', may 'aj 'oj 'o'ch sc'ojl eb' 'a junc xo mach. Caw tu 'oj yal eb' 'a spatc yit 'anma'il. Ma'oj stac' ya'n cuenta eb' sniwnal. 'Icha junc noc' caw ow, 'ixta 'oj yutc sb'a eb'. 'Oj chichnc 'och eb' 'a jantcn̈ej tas wach'.

1 Jn 3:17

Q'uinloc 'ay tas 'ay 'ayn̈ec, ax tzquilnec junc quit creyenteal to caw 'ay tas sc'a'l tz'och yu'uj. Toto matz 'o'ch qui c'ojlec 'a 'a, may jac qui chamc'ojlalec 'a Dios tzyal cha.