A Ch'an̈ B'ab'el Libro Yic Yab'ixal Eb' Rey 3:15 - Chuj San Sebastian Bible

¹⁵ Ax yic 'ix 'el swayn̈ Salomón, 'ix yiln cot sb'a to swaych x'ochi. Ax yic 'ix japx 'a Jerusalén, 'ix c'och 'a yojltac scaxail strato Jehová, 'ix ya'n xajmb'al to tz'a smasnil, yet' xajmb'al yic junc'ojlal. Xlajw cha, 'ix ya'n 'och jun niwquil wa'el, xyawtn cot smasnil eb' 'aych yopiso wac yet'oc.

Chuj San Mateo Bible

¹⁵ Axo yic ix el svayan̈ vin̈aj rey Salomón chi', ix nachajel yuj vin̈ to van svayichan vin̈. Axo yic ix jax vin̈ d'a Jerusalén, ix b'at vin̈ b'aj ayec' scaxail strato Jehová, ata' ix schec vin̈ n̈usjoctz'a silab' stz'a smasanil yed' silab' yic junc'olal yed' Dios. Ix lajvi chi', ix yavtan vin̈ masanil eb' ayoch yopisio yed'oc yic sva eb' yed' vin̈.

A Ch'an̈ B'ab'el Libro Yic Yab'ixal Eb' Rey 3:15 ပူးပေါင်းရင်းမြစ်များ

Gn 28:16

A yic 'ix 'el swayn̈ Jacob, snan 'ixtic: Wal yel 'ayc' Jehová 'a jun lugar tic, an xo, caw wal man̈ wojcoc, xchi.

Gn 31:54

Sb'on Jacob jun xajmb'al 'a sjolm jun tzaln cha, xyawtn cot eb' yican wac yet'oc. Xwa eb' smasnil, ax 'a sjolm jun tzaln chi x'ec' 'ac'wl yuj eb'.

Gn 40:20

Schab'jil yaln José swaych ewin chawn̈ cha, snan win rey sq'uin̈ yuj yab'lil, xyawtn cot win smasnil ewin niwc yajl 'aych yajlil yet'oc. Sat wal eb' niwc yajl cha, x'at ya'nc win 'ijxoc 'elt eb' chawn̈ chi 'a preso.

Gn 41:7

A uque sjolm trigo tacn̈ cha, a xc'uxn 'ejm 'ixm uque caw 'ay sat cha. A yic x'elx swayn̈ win rey, 'ix nachj 'el yuj winac to swaych jun cha.

A Ch'an̈ B'ab'el Libro Yic Yab'ixal Eb' Rey 3:16

A 'a yic jun tiempoal cha, 'ix c'och chawn̈ eb' 'ix 'ajmul 'ix 'a yojltac win rey.

A Ch'an̈ B'ab'el Libro Yic Yab'ixal Eb' Rey 8:63

A Salomón 'ix yac' 22 mil no wacax, yet' 120 mil no calnelu yic tz'och no xajmb'al-l yuj yic junc'ojlal. 'Ixta xyutj win yet' smasnil eb' israel ya'n can 'och yopiso jun yatut Jehová cha.

A Ch'an̈ B'ab'el Libro Yic Yab'ixal Eb' Rey 8:65

A 'a jun tiempoal cha, uque c'u sna Salomón q'uin̈ yet' smasnil eb' israel 'a yojltac Jehová Dios. Caw wal niwn x'aj eb' 'anma syamn sb'a, xcotn̈j eb' 'a smon̈jonal chon̈b' Hamat, masnto 'a sti a b'eymal a yic smon̈jonal Egipto. A yic xlajw uque c'u q'uin̈ cha, 'ix schan 'el eb' yich uque xo c'u q'uin̈, yuj cha, chan̈lajn̈e c'u xyac' jun q'uin̈ chi yuj eb'.

1 Cr 16:3

Xlajw cha, xya'n win junjn pan yet' junjn xiln̈ chib'ej, yet' pax junjn pachn̈ tacn̈ uva 'a smasnil eb' winac yet' 'a eb' 'ix 'ix.

Ester 1:3

A yic stz'acw yoxl ab'il yoch win Asuero chi reyal, 'ix ya'n 'och win jun niwn wa'el, yet' jun niwquil q'uin̈ yet' smasnil ewin niwc yajal, ewin 'ay yopiso yet' winac, eb' syajlil eb' soldado 'aj Persia, yet' eb' 'aj Media; eb' gobernador, yet' pax eb' yajl yaj 'a junjn niwc chon̈b' cha.

Jeremías 31:26

A yic xlajw wiln jun tzo'n̈ tic, 'ix 'el in wayan̈, in 'ec' q'uel-loc, caw wach' 'aj in way xwab'i.

Dn 5:1

A Belsasar win sreyl Babilonia, 'ix sna win jun niwquil q'uin̈ yet' jun niwn wa'el. 'Ix yawtn cot win jun mil eb' niwc yajl 'aych yopiso 'a yol snacion̈ cha. Syamn 'och win yuc' 'an̈ yet' eb'.

Nm 12:6

'ix yaln 'a eb' 'ixtic: 'Ab'c tas 'oj wal 'ayex: A yic tzwa'n cot junc in checb' 'a e cal, an tzin ch'ox in b'a 'a 'a, tzin paxtin pax 'a 'icha waychil 'a 'a.

Mr 6:21

Palta ax yic x'och jun q'uin̈ yic yab'lil win Herodes cha, ata xnachj 'el yuj 'ix Herodías tas tzyutj 'ix ya'n milxoc Juan Bautista. Yujto a win Herodes cha, xya'ch win jun niwn wa'el. 'Ix yac' wa win eb' yit yajlil, yet' eb' syajlil eb' soldado, yet' eb' niwc winc 'a yol yic Galilea cha.