A Ch'an̈ B'ab'el Libro Yic Yab'ixal Eb' Rey 22:5 - Chuj San Sebastian Bible

⁵ palta tzin tew 'ayach, to yowlal tza c'anb'j 'a Jehová tas xchi yuj jun tic, xchi winac.

Chuj San Mateo Bible

⁵ Palta ayic manto och oval chi', ol co c'anb'ej d'a Jehová, xchi vin̈.

A Ch'an̈ B'ab'el Libro Yic Yab'ixal Eb' Rey 22:5 ပူးပေါင်းရင်းမြစ်များ

A Ch'an̈ B'ab'el Libro Yic Yab'ixal Eb' Rey 22:4

'Ix yaln win 'a win Josafat 'ixtic: —¿Matz yal am a c'ojl tzach colwj wet'oc, yic tzwa'n owl 'a chon̈b' Ramot, 'a yol yic Galaad? xchi. 'Ix ta'w win Josafat chi 'ixtc 'a winac: —An tic, yet' smasnil eb' in soldado, smasnil pax no in chej yic owal, 'ayc'n̈ej et'oc,

A Ch'an̈ B'ab'el Libro Yic Yab'ixal Eb' Rey 22:6

Xlajw cha, 'ix ya'n win sreyl eb' israel chi syam sb'a eb' tzyalch sb'a schecb'oc Dios. Jab'xoj man̈ chan̈e'oc ciente eb', 'ix yaln win 'a eb' 'ixtic: —¿Tzam stac' 'at wa'nc owl 'a chon̈b' Ramot, 'a yol yic Galaad mto ma'ay? xchi win 'a eb'. —Mamin rey, 'ixc 'a owl cha, yujto a Jehová, a 'oj 'a'nc jun chon̈b' chi 'a yol a c'ab', xchi eb' 'a 'a.

A Ch'an̈ Schab'il Libro Yic Yab'ixal Eb' Rey 1:3

Xlajw cha, 'ix yaln jun yángel Jehová 'ixtc 'a Elías 'aj Tisbe: 'Ixc muc'uc, 'at 'ilt eb' schecb' win sreyl chon̈b' Samaria, tzaln 'a eb' 'ixtic: ¿Tom may Dios 'a qui chon̈b' Israel, yuj cha, at 'a Baal-zebub sdiosal Ecrón ata tz'at e c'anb'c e b'a? xa chi 'a eb'.

A Ch'an̈ Schab'il Libro Yic Yab'ixal Eb' Rey 3:11

'Ix yaln Josafat 'ixtic: —¿May am junc schecb' Jehová 'ayc' 'a tic, yic tzc'anb'n 'a Jehová cujec? xchi. 'Ix ta'w jun 'a eb' soldado sreyl chon̈b' Israel, 'ix yaln 'ixtic: —'Ayc' Eliseo 'a tic, win yunnal Safat, atn win 'ochnc schecb'oc Elías 'a yic yaln̈taxi, xchi.

1 Cr 10:13

'Ixta 'ix 'aj scham Saúl yuj smaysch'olnilal. 'Ix 'och smul yujto ma'ix syiclj schecnb'il Jehová. An̈jtona', a pax 'a jun 'ix 'ix tzc'umn spixn eb' chamnc 'anma', ata xit' sc'anb'c snab'en, man̈oc 'a Jehová sc'anb'ej. Yuj cha, 'ix smiln chamoc, ax 'a David yunnal Isaí, ata 'ix 'ajx can jun yopiso Saúl cha.

Ez 14:3

Ach 'anma', a wal jun tzo'n̈ winc xjaw 'aych tic, caw wal 'aych snab'en eb' 'a jun tzo'n̈ yechl comn dios, a maysch'olnil 'aj 'ix ya'ch eb' snab'en, a eb' cha, nab'a xoj tzwul sc'anb'c sb'a eb' 'ayin.

Nm 27:21

A 'a Eleazar ata 'oj yala'. Ax Eleazar a 'oj c'anb'noc 'ayn yu'uj, an xo Jehová in, an 'oj wac' yal q'uen Urim tas 'oj yutc sb'a. Ax Josué a 'oj alnoc, tas yowlal 'oj sb'o eb' 'anma cha, xchi Dios.

Josué 9:14

'Ix schan 'ec' eb' yajl yaj 'a eb' israel chi tas tzc'ux eb' winc cha, xyab'lni eb' muc'uc, yic tzch'oxn 'el eb' to tzb'o eb' jun trato cha, palta ma'ix sc'anb'j eb' 'a Jehová toto wach' chi tzb'o eb'.

Jueces 1:1

A yic tox xcham Josué, 'ix sc'anb'n eb' israel 'a Jehová 'ixtic: ¿Mach junc 'in̈tal 'a qui cal tic on̈, tz'at sb'ab'l 'a'c owl yet' eb' cananeo? xchi eb'.

Jueces 20:18

'Ix 'at eb' israel 'a scajnub' Dios, 'ix sc'anb'n eb' 'a Dios yic tzyojcan 'el eb', mach junc 'in̈tal eb' yowlal tzb'ab'l 'a'j owl yet' eb' yin̈tl Benjamín. 'Ix yaln Jehová 'ixtic, to a eb' yic Judá tzb'ab'l 'och 'a owal.

Jueces 20:29

Yuj cha, sc'ub'n 'el sb'a jaywn̈ eb' soldado israel 'a spatquil 'el chon̈b' Gabaa cha,

A Ch'an̈ B'ab'el Libro Samuel 14:18

'Ix yaln Saúl 'a win Ahías 'ixtic: —'Ij cot te scaxail strato Dios, xchi. A 'a yic jun tiempoal cha, to ata 'ayc' te caxa chi yet' eb' israel.

A Ch'an̈ B'ab'el Libro Samuel 23:2

'ix 'at sc'anb'noc yab' 'a Jehová, 'ix yaln 'ixtic: —¿Tzam 'ac' in permiso tz'at wac' owl yet' jun tzo'n̈ filisteo cha? xchi. —Ixquec, 'a'c owl yet' eb' filisteo cha, tze coln can 'el jun chon̈b' Keila cha, xchi Dios.

A Ch'an̈ B'ab'el Libro Samuel 23:4

Yuj cha, sc'anb'n pax David jun 'ejm xo 'a Jehová. 'Ix ta'w pax 'a 'ixtic: —'Ixquec 'a chon̈b' Keila, an 'oj wa'ch eb' filisteo 'a yol e cab', xchi.

A Ch'an̈ B'ab'el Libro Samuel 30:8

'Ix sc'anb'n David 'a Jehová 'ixtic: —¿Smoj am in 'at 'a spatquil nan̈l eb' 'elc'm cha? ¿'Oj yamchjoc am eb' wu'uj? xchi David cha. —'Ixc 'a spatquil eb', 'oj yamchjc eb' o'oj, ax 'e'n can 'ec' smasnil eb' x'ijx 'at cha, xchi Jehová 'a David.