A Ch'an̈ B'ab'el Libro Yic Yab'ixal Eb' Rey 22:25 - Chuj San Sebastian Bible

²⁵ —'Oj el tas 'oj aj 'a jun c'u cha, atn 'a yic 'oj cob' a c'ub'nc 'el a b'a 'a yojl jun tzo'n̈ cuarto caw c'ultac yaj 'a yoltc n̈a, xchi Micaías 'a winac.

Chuj San Mateo Bible

²⁵ Ix tac'vi vin̈aj Micaías chi' icha tic: —Olxo ab'i ayic ol ach ec' a c'ub'ejel a b'a d'a yoltac pat, xchi vin̈.

A Ch'an̈ B'ab'el Libro Yic Yab'ixal Eb' Rey 22:25 ပူးပေါင်းရင်းမြစ်များ

A Ch'an̈ B'ab'el Libro Yic Yab'ixal Eb' Rey 20:30

Ax jun tzo'n̈ xo eb' soldado cha, 'ix 'at eb' 'eloc, axta xc'och eb' scol sb'a 'a chon̈b' Afec. Ax x'aji, 'ix cot lan̈njoc smuroal jun chon̈b' chi 'a yib'n̈ eb'. 'Ixta x'aj scham eb' uqueschawinc mil soldado xcob' yac' ganar s'at 'eloc. Ax win Ben-adad cha, x'at pax win 'eloc, tzol-li yec' win 'ec' sc'ub'c 'el sb'a 'a junjn n̈a.

A Ch'an̈ B'ab'el Libro Yic Yab'ixal Eb' Rey 22:26

Xlajw cha, xyaln win sreyl eb' israel chi 'ixtic: —Yamc win Micaías tic, tzeyi'n 'at win 'a yojltac win Amón, win gobernador 'a jun chon̈b' cha, yet' 'a win Joás, win wunnal an reyn tic.

A Ch'an̈ Schab'il Libro Yic Yab'ixal Eb' Rey 9:2

A yic 'oj a c'och ta', tza sayn 'ec' Jehú yunnal Josafat yixchicn Nimsi. Tzach 'och 'a 'aj 'ayq'ui, tze'n 'el 'a scal eb' yitb'eym 'ayc' yet' cha, tze'n 'at 'a junc xo cuarto.

Jeremías 23:15

Yuj cha, an Jehová in, tztac' wuj smasnil, an tzwal jun tzo'n̈ paxti tic 'a eb' tzyalch sb'a in checb'oc: A wal tas c'a, a chi 'oj wac' sc'ux eb'. Ax a a 'ayb't veneno 'a scal, a 'oj wac' yuc' eb'. Yujto yujn̈ej eb' tzyalch sb'a in checb'oc 'a Jerusalén, yuj cha, 'ix pucb't maysch'olnilal 'a smasnil jun nacion̈ tic, xchi Dios.

Jeremías 32:8

'Icha wal xyutj Jehová chi yaln 'ayin, 'ixta 'ix 'aji. 'Ix jaw win wican Hanamel chi 'ayin, yic 'ayn 'ec' 'a yamq'uil sti te preso 'a 'aj 'ayc' eb' tztan̈wni sdespacho win rey. 'Ix wul yalnc 'ayin chajtlto tzin man jun slum 'ay 'a Anatot 'a yol yic Benjamín. An 'ay waln wic in mann lu'um, yujto wican to in b'a yet' winac. Atta 'ix nachj 'el wu'uj, to spaxti Jehová jun cha.

Am 7:17

Yuj cha, atn jun tzo'n̈ tic tzyal Jehová 'ayach: Wal 'a sat eb' chon̈ab' ax yoch 'ix estzil 'ajmul 'ixal. Ax eb' onnal yet' eb' esil, 'oj tzu'xoc cham eb'. 'Oj pojxoc 'ec' lum a lu'um. Ach xo ach tic, a 'a slum eb' chuc chon̈b'al, ata 'oj a chami, ax eb' et israelal, caw najt 'oj 'ijxoc 'at eb' 'icha presoal, xchi Dios 'ayach.

Nm 31:8

'Ix smilcn eb' own̈ ewin sreyl eb' 'aj Madián cha, atn win rey Evi, Requem, Zur, Hur yet' Reba. 'Ix smiln can pax eb' Balaam win yunnal Beor.

A Schab'il Carta San Pedro 2:1

A eb' wit israelal 'a pecti', 'ay eb' cob' yaljnac 'och sb'a schecb'oc Dios, palta yes eb'. An̈jtona 'ay eb' 'oj pitzwc chan̈ 'a qui calec, ax ya'n eb' cuyxoc jun tzo'n̈ 'es. 'Oj yi'ch eb' jun tzo'n̈ chuc cuynb'ilal 'a qui calec, sec 'ayn̈ec 'oj qui juwc 'el yuj eb'. Caw may jac yel'ch Cajlilec 'a sat eb', wach'xam a xcham stojloc smul eb'. Yuj cha, mun tzyij cot eb' 'a yib'an̈. Yajn̈ej, ax satcn 'el eb' 'a jun 'ejmn̈ej.

Apoc 19:20

Ax jun noc' sb'i cha, 'ix b'ab'l yamchj muc'uc. 'Ix yamchj pax jun xcob' yalch sb'a schecb'oc Dios, atn jun ch'oxjnac jun tzo'n̈ milagro 'a yojltac jun noc' sb'i. Yuj jun tzo'n̈ milagro cha, yixtn paxti eb' chajnac 'och senyail jun noc' sb'i 'a 'a, eb' yaljnac sb'a 'a jun yechel. Ax jun noc' sb'i cha, yet' jun xyalch sb'a schecb'oc Dios, pitzn to eb', xjulx can 'at eb' 'a scal jun c'ac' caw tzn̈ilchj yet' azufre, 'icha pama'.