A Ch'an̈ B'ab'el Libro Yic Yab'ixal Eb' Rey 22:23 - Chuj San Sebastian Bible

²³ A ticnec b'i'an, a Jehová a 'ix 'a'n spermiso jun espíritu chi yoch 'a sti eb' a checb' tic yic tzya'n eb' 'es 'ayach. A Jehová 'ix alni to 'ixta tzach 'aj a lajw 'eli, xchi Micaías.

Chuj San Mateo Bible

²³ Yuj chi', a ticnaic a Jehová ix ac'anoch jun espíritu d'a eb' vin̈ a checab' tic yic an̈ej esal lolonel syal eb' vin̈ d'ayach. A Jehová ix alani to icha chi' tz'aj a chami, xchi vin̈ d'a vin̈ rey chi'.

A Ch'an̈ B'ab'el Libro Yic Yab'ixal Eb' Rey 22:23 ပူးပေါင်းရင်းမြစ်များ

A Ch'an̈ B'ab'el Libro Yic Yab'ixal Eb' Rey 20:42

'Ix yaln win 'ixtc 'a win rey cha: —'Ixtc wal xyutj Jehová yalni: ¿Tas yuj 'ix a'l win winc 'a libre to 'ayx 'och 'a yol sc'ab' chaml wu'uj? Ax ticnec, ach 'oj a cham sjelc winac, ax scham eb' a chon̈b' sjelc eb' yic win cha, xchi Jehová, xchi winac.

A Ch'an̈ B'ab'el Libro Yic Yab'ixal Eb' Rey 21:19

'At al 'a win 'ixtic: 'Ixtc wal xyutj Jehová yaln 'ayach: Yujto 'ix a mil win Nabot, 'ix a to'n 'ec' slum winac, yuj cha, a wal 'aj 'ix le'x schic'l win Nabot yuj e no tz'i', a pax ta 'oj slec' e no ec jun xo, xchi Dios, xchi Elías cha.

A Ch'an̈ B'ab'el Libro Yic Yab'ixal Eb' Rey 22:24

Xlajw cha, 'ix jaw Sedequías 'a stz'ey Micaías, atn win yunnal Quenaana, spawn 'och win sc'ab' 'a sti win Micaías cha, 'ix yaln win 'ixtic: —¿Tas 'ix 'aj yel Yespíritu Jehová 'aych 'ayin, yuj cha, ax 'aych wan spaxtini? xchi winac.

2 Cr 25:16

Palta a yic xyaln jun schecb' Dios jun tzo'n̈ cha, 'ix ta'w win rey, xyaln win 'a 'ixtic: —¿Tom xwal 'ayach, to ach tzac' in nab'enoc an rey in tic? 'Actj aln jun tzo'n̈ cha. ¿Mto tza nib'j tzach milx chamoc? xchi win 'a 'a. Ax jun schecb' Dios cha, man̈xtoc 'ix tew 'och 'a 'a, palta 'ix yaln can 'a win 'ixtic: —Wojc an tic, nab'ilx yuj Dios to 'oj ach yac' lajwoc, yujto xa b'o jun tic, ma'ix a yiclj tas 'ix wala, xchi 'a 'a.

Ex 10:20

Palta 'ix ya'n Jehová pitb'oc pax 'el snab'en win rey chi jun 'ejm xo, yuj cha, ma'ix 'ajx 'elt eb' israel chi yu'uj.

Ex 4:21

Xyaln pax Jehová 'ixtc 'a Moisés: —A yic 'oj a c'och 'a Egipto cha, nann̈ej cab' jun tzo'n̈ tic o'oj, yic 'oj a c'och 'a yojltac win rey, chajtlto 'oj a ch'ox yil win jun tzo'n̈ milagro to satjub'tac yilx xwac' a b'o'. Palta an 'oj wac' pitb'oc 'el snab'en win rey cha, yic ma'oj e chax 'elt yu'uj.

Is 3:11

'Oltac wal eb' 'anma tu snab'en, a maysch'olnil 'oj scha sb'a eb' yet'oc, a tas sb'ojnac eb', a chi 'oj 'ajxoc spacc 'a eb'.

Is 44:20

A jun tzo'n̈ 'anma 'ixta tzyutj sb'a cha, 'icha to a stan̈il c'ac' tzc'ux eb', juwnacx 'el snab'en eb', satnc eb'. A jun tzo'n̈ 'anma cha, ma'oj stac' scoln sb'a eb'. Matz nachj 'el yuj eb', toto a tas b'ob'il yuj eb' cha, may jac yel'chi.

Jeremías 18:11

A ticnec, al 'a eb' 'aj Judá yet' 'a eb' cajn 'a Jerusalén, chajtlto an Jehová in, wan in nani tas 'oj ex wutc ax tic, yuj tas 'oj wutc wa'n 'och yailal 'a eyib'an̈. Yuj cha, 'actjec can e tu b'eyb'al, b'oc e b'eyb'al, xchi Dios, xa chi 'a eb'.

Ez 14:9

Toto 'ay junc mach tzcob' sc'anb'j sb'a 'a junc tzyalch sb'a in checb'oc, toto tzyac' jun checb' chi spac junc paxti chi 'a yol yico', a jun cha, an tzwac' 'ixtxoc paxti'. 'Oj wic' chan̈ in c'ab' 'a 'a, ax wa'n 'och syailal, 'oj wi'l 'a scal eb' in chon̈ab'.

Nm 24:13

Wach'xam b'ut'jnac a despacho yet' q'uen oro mto q'uen plata, yic tza'n q'uen 'ayn smasnil, palta matz tac' in tenn tas tzyal Jehová, may tas tztac' in b'on 'a yol wico'. Yujto a tas tzyac' Jehová wala', atn chi yowlal tzwala.

Dt 2:30

Palta ax win rey Sihón cha, ma'ix yal sc'ojl win on̈ 'e'tec 'a sat slum cha, yujto a Jehová qui Diosalec, a x'a'n sna winac, to matz on̈ schajec 'e'ta, sec wach' tzcan win 'a yol qui c'ab'ec, 'icha ton wal wan yuj tic.

Jueces 9:23

Xlajw cha, ax Dios 'ix 'a'n 'ejm jun tu nab'enal 'a snan̈l win yet' eb' 'aj Siquem cha. 'Ix schacn sb'a eb' yet'oc, 'ix meltzj 'och eb' 'ajc'ojlal 'a 'a,