A Ch'an̈ B'ab'el Libro Yic Yab'ixal Eb' Rey 22:19 - Chuj San Sebastian Bible

¹⁹ Yuj cha, 'ix yaln win Micaías chi 'ixtic: —'Ab' wal spaxti Jehová. 'Ix wila chotn 'ejm Jehová 'a sdespacho, ax eb' yángel 'a satcha'an̈ oyn 'och eb' 'a stz'ey.

Chuj San Mateo Bible

¹⁹ Yuj chi' ix yalanxi vin̈aj Micaías chi' icha tic: —Ab' val slolonel Jehová. Ix vila' to c'ojanem Jehová d'a yol sdespacho, axo eb' yángel d'a satchaan̈ oyanoch eb' d'a spatic yichan̈.

A Ch'an̈ B'ab'el Libro Yic Yab'ixal Eb' Rey 22:19 ပူးပေါင်းရင်းမြစ်များ

A Ch'an̈ B'ab'el Libro Yic Yab'ixal Eb' Rey 22:20

'Ix yaln Jehová 'ixtic: ¿Mach wal junc tz'at alnc 'a win Acab, sec tz'at win yac' owl 'a chon̈b' Ramot 'a yol yic Galaad, sec ata 'oj cham win ta'? xchi. Ax eb' 'ayc' 'a stz'ey cha, chucch tzyutj eb' laj yal-lan 'a 'a.

Job 1:6

'Ay jun c'ual, xc'och eb' ángel sch'ox sb'a 'a yojltac Jehová, an̈jtona xc'och pax win 'ajc'ojl 'a scal eb', atn win Satanás.

Job 2:1

A yic xc'och sc'ul sch'oxn pax sb'a eb' ángel 'a yojltac Jehová, an̈jtona', xc'och pax win 'ajc'ojol 'a scal eb'.

Salmos 81:9

May cab' e diosal tzeyij cot 'a junc xo chuc chon̈b'al, man̈ eyac' 'ejm e b'a 'a jun tzo'n̈ dios man̈ 'ojcab'ilc cha.

Ex 24:10

Ata xyil eb' israel chi sDiosal. Caw tzictzni yilx 'aj te'n 'ejm yoc, lajn yilx 'icha q'uen zafiro, caw yaxt'ujnac yilx 'icha satcha'an̈.

Ex 24:9

'Ix 'atx Moisés yet' Aarón 'a jolm witz Sinaí, yet' Nadab, Abiú yet' pax 70 eb' yichm wincal chon̈b' Israel.

Is 1:10

Ex 'aj Jerusalén lajn ex yet' eb' eyajlil, 'icha wal eb' 'aj Sodoma yet' eb' 'aj Gomorra 'ixta 'ex. 'Ab'ec, a jun tzo'n̈ paxti tic, cuynb'il xyac' Jehová qui Diosalec.

Is 28:14

Ex yajl eyaj 'a Jerusalén, caw wal b'uchmtac ex, 'ab'c wal spaxti Jehová.

Jeremías 2:4

E masnil ex yin̈tl can Jacob, ex yunnal can Israel, macljec eyab' wal tas tzyal Jehová.

Jeremías 29:20

E masnil ex 'aj Jerusalén, ex 'ic'b'ilx 'at 'icha presoal 'a Babilonia, 'ab'c wal tas tzwala.

Jeremías 42:15

to 'ixta', 'ab'c wal ax 'ayx to can 'a Judá tic, to a Jehová tztac' yuj smasnil, atn qui Diosalec, a tzaln 'ixtic: Toto tze nib'j tzex c'och cajn 'a Egipto,

Ez 13:2

Ach 'anma', al jun tzo'n̈ in paxti tic 'a eb' tzcob' yalch sb'a in checb'oc 'a scal eb' israel. A eb' cha, mun tzcob' yal eb' junc tas 'a yol yico', al yab' eb' to an Jehová in, an tzwal 'ixtic:

Ez 16:35

Yuj cha, an Jehová Yajl in, an tzwal 'ixtc yuj 'ix 'ajmul 'ix cha:

Am 7:16

Yuj cha, tzcham wal a maclni spaxti Jehová tic. Atn jun tzo'n̈ tzal 'ayn yuj 'ixtic: Man̈ al-l jun tzo'n̈ spaxti Dios 'a eb' israel, atn eb' yin̈tl Isaac, xa chi.

Zacarías 1:10

Yuj cha, xyaln jun 'ayc' 'a scal jun tzo'n̈ te tzcuch arrayán chi 'ixtic: Atn eb' tic checb'il 'at yuj Jehová yic tz'at yilnc eb' smasnil yolyib'n̈q'uinal, xchi.

Nm 24:3

Yuj cha, 'ix yaln 'ixtic: Yaj in paxti an Balaam in tic, yunnal in Beor, c'ac' yol in sat.

Mt 18:10

Caw man̈ e patquilc can 'el eb' 'unn tic. An tzwal 'ayex, a eb' ángel tztan̈wni junjn eb', 'ayc'n̈ej eb' 'a yojltac qui Mam Dios 'a satcha'an̈.

Mt 25:31

An 'Ochnc in 'Anmal tic, 'oj in jaw yet' eb' wángel smasnil, caw niwn in poder, ax wem wocn 'a in despacho. Atta 'oj checljoc 'eli, to caw niwn wel'chi.

A Ch'an̈ Carta D'a Eb' Hebreo 1:14

Palta ax eb' ángel chi smasnil, espíritun̈ej eb', ya'mal servil Dios yaj eb'. Checb'il cot eb', yic tzwul colwjc eb' 'ayn̈ an̈ 'oj qui chac qui colnb'il 'a jun 'ejmn̈ej.

A Ch'an̈ Carta D'a Eb' Hebreo 1:7

Yuj cha, yaln pax Dios yab'xil eb' ángel cha, tas tz'aj eb' yuj Yunnal. Yaln yuj eb' 'ixtic: A eb' yángel, tzlaj ya'ch eb' 'ic'al, ax eb' tz'a'w servil 'a 'a, tzlaj ya'ch pax eb' snich c'aq'uil, xchi.

A Ch'an̈ Carta D'a Eb' Hebreo 12:22

Palta an̈ec xo tic, man̈oc ta tzon̈ c'ochi. Yujto a 'a jun tzaln Sión, yet' 'a jun chon̈b' yic Dios pitzan, ata tzon̈ c'ochi. A jun chon̈b' cha, atn jun Jerusalén 'ay 'a satcha'an̈. Man̈ jantcoc sb'isl eb' ángel

Apoc 5:11

Xlajwn̈ej cha, xwilni, til wal eb' ángel oyn 'och 'a jun despacho cha, yet' 'a eb' querubín, yet' 'a eb' 'ichm winc cha. 'Ix wab'n pax sjaj eb'. Man̈x jantcoc smil-l sb'isl eb', smiyon̈al xo sb'isl eb'.

A Ch'an̈ B'ab'el Libro Samuel 16:14

'Ix yij 'el Jehová Yespíritu 'a Saúl, ax jun espíritu caw man̈ wach'c 'ix ya'cn 'och 'a 'a, caw wal tz'ixtx yu'uj.