A Ch'an̈ B'ab'el Libro Yic Yab'ixal Eb' Rey 22:17 - Chuj San Sebastian Bible

¹⁷ Xlajw cha, xyaln win Micaías chi 'ixtic: 'Ix wila, a smasnil eb' soldado to quit chon̈ab', sactzicnac s'atcn eb' 'a lum jolmctac witz, 'icha no calnelu may yilmal. 'Ix yaln Jehová 'ixtic: A eb' soldado tic may yilmal eb'; junjn eb' pax cab' eb' 'a junc'ojlal 'a yatut, xchi Dios 'ayin, xchi Micaías.

Chuj San Mateo Bible

¹⁷ Ix yalan vin̈aj Micaías chi' icha tic: Ix vila', masanil eb' soldado quetisraelal sacleminac sb'atcan eb' d'a jolomtac vitz icha noc' calnel malaj stan̈vumal. Ix yalan Jehová icha tic: A juntzan̈ eb' soldado tic, malaj yilumal eb', meltzajocab' junjun eb' d'a spat d'a junc'olal, xchi, xchi vin̈.

A Ch'an̈ B'ab'el Libro Yic Yab'ixal Eb' Rey 22:17 ပူးပေါင်းရင်းမြစ်များ

A Ch'an̈ B'ab'el Libro Yic Yab'ixal Eb' Rey 22:16

—Til wal 'ejm xwal 'ayach, to a tas yel a chi tzal 'ayn 'a sb'i Jehová, xchi win rey cha.

Is 13:14

Ax eb' chuc chon̈b'al cajn 'a Babilonia cha, lajn 'oj yutc sb'a eb' 'icha no c'ultquil chej tzpechxi, mto 'icha no calnelu man̈x 'a yilmal, tzpuccn 'at no'. 'Ixta 'oj yutc sb'a eb'. Junjn mach 'oj paxcn 'a schon̈ab', mto 'a slum 'aj 'ay.

Jeremías 28:8

A jun tzo'n̈ schecb' Dios 'e'nc 'a pecti', 'a yic mantzac on̈ 'alj et'oc, yaljnac 'el eb' chajtlto 'oj jawc owal, yailal, yet' yab'il 'a yib'n̈ jun tzo'n̈ niwc nacion̈ to caw cob' 'ay yip.

Jeremías 50:17

'Ix yaln pax Jehová 'ixtic: 'Icha no calnelu satnc can 'ati, pechb'il no yuj no león, 'ixta yaj eb' israel. B'ab'el 'emnc eb' yuj win sreyl Asiria. Xlajw cha, ax Nabucodonosor sreyl Babilonia, a 'ix wach' satn 'el eb'.

Jeremías 50:6

A wal eb' in chon̈b' tic, lajn wal eb' 'icha e no calnelu satnc can 'ati, yujto man̈ wach'c tz'aj stan̈wx yuj yilmal, yuj cha, tzsatcn 'at e no 'a eb' lum jolmctac witz. Axn̈ejta tz'ec' e no 'a eb' lu'um, jun xo tzsat sc'ojl e no 'a scolal.

Ez 1:4

Xlajw cha, xwiln scot jun niwquil 'ic' yet' jun niwquil 'asn 'a stojlal norte. A 'a scal cha, ata 'aych pax jun c'ac' caw tzn̈iln̈ni sc'aq'uil, jub'lji yec' sletz'lomal. Ax 'a scal jun c'ac' cha, ata 'aych jun tas caw tzictzni, lajn wal stzictznil yilx 'icha q'uen bronce.

Nahúm 3:18

Ach sreyl Asiria, a wal eb' stan̈mal a chon̈ab', waync xo eb'. A eb' 'aych yajlil et'oc, to tz'ilj eb'. A eb' a soldado, caw sactzicnac s'at eb' 'a lum jolmctac witz, man̈x 'a mach tzmolb'tzan eb'.

Zacarías 10:2

Man̈ 'ixta'oc spac tz'ajx 'a eb' tzc'anb'n yab' junc tas 'a jun tzo'n̈ yechel, yet' 'a eb' 'ajchum. A tas tzyal eb' cha, 'esn̈j smasnil, may jac yel'chi. A tas tzyal eb' tzwaych'ni, ton̈j tz'ixtx paxti junc mach chi yuj eb'. A spaxti eb' tz'a'n sniwnal sc'ojl cob' junc mach, may jac swach'il. Yuj cha, ton̈j tzsatc' eb' chon̈b' chi 'icha no calnelu tzsatq'ui, tzyab'n syail yujto may yilmal.

Zacarías 13:7

A Jehová tztac' yuj smasnil, a tzaln 'ixtic: 'Ijx cab' q'ue wan q'uen espada yuj smilx cham jun mach 'icha yilmal in calnelu yaji, to junn̈j yaj wet'oc. 'Oj milx chamoc, ax sactzic can eb' 'icha 'in calnelu yaj cha. Ax eb' 'icha to may yip 'oj canoc, 'oj woch 'ac'ojlal 'a eb'.

Nm 24:3

Yuj cha, 'ix yaln 'ixtic: Yaj in paxti an Balaam in tic, yunnal in Beor, c'ac' yol in sat.

Nm 24:4

Tzwab' tas tzyal Dios, 'icha waychil tzwutj wiln Dios tztac' yuj smasnil. Man̈xtzac in na tas tzin 'aji, palta wach' wiln yet' in sat.

Nm 27:17

sec a 'oj jucb'tzanc eb' 'anma tic, yic 'oj 'atx eb' 'a 'aj 'oj b'eyoc, sec wach' ma'oj satc' eb' 'icha no calnelu may yilmal, xchi.

Mt 9:36

A yic x'och q'ueln 'a eb' 'anma cha, 'ix 'o'ch sc'ojl 'a eb', yujto lajn eb' 'icha jun tzo'n̈ calnelu may yilmal, caw 'aych eb' 'a syailal, caw cusc'ojlal yaj eb'.

Mr 6:34

Ax yic x'elt Jesús 'a yojl te barco cha, 'ix yilni til wal 'anma 'ayx 'ec' ta'. 'Ix 'o'ch sc'ojl 'a eb', yujto lajn eb' 'icha jun tzo'n̈ calnelu may yilmal, yuj cha, 'ix syamn 'och scuywj 'a eb'.

A Ch'an̈ B'ab'el Libro Samuel 9:9

(A 'a pecti', toto 'ay junc eb' quit chon̈b' tznib'j sc'anb'c junc tas 'a Dios, 'ixtc tzyutj eb' yalni: Cotn̈ec, 'at quilc win tztac' yiln junc tas, xchi eb'. Ax ticnec schecb' Dios sb'i eb'. A 'a pecti cha, win Tztac' yiln junc tas, 'ixta sb'i jun chi yuj eb'.)