A Ch'an̈ B'ab'el Libro Yic Yab'ixal Eb' Rey 21:3 - Chuj San Sebastian Bible

³ 'Ix ta'w Nabot 'ixtc 'a win Acab: —Matz tac'a, yujto matz chaj sc'ojl Dios tzin chon̈l in macl lum 'ac'b'il 'ayn yuj eb' in mam wicham, xchi.

Chuj San Mateo Bible

³ Ix tac'vi vin̈aj Nabot chi' icha tic: —Max yal-laj, yujto max yal-laj sc'ol Dios to tzin chon̈el in macb'en ac'b'ilcan yuj in mam vicham, xchi vin̈.

A Ch'an̈ B'ab'el Libro Yic Yab'ixal Eb' Rey 21:3 ပူးပေါင်းရင်းမြစ်များ

Gn 44:17

Xyaln pax José 'ixtic: —Ma'ay, cojn win 'aj x'ilchj q'uet q'uen in vaso cha, cojn win tzcan in checb'oc. Ax xo tic, paxn̈ec 'a tzaljc'ojlal 'a e chon̈b' 'a 'aj 'aycn e mam, xchi.

Gn 44:7

Xta'w ewin 'ixtc 'a winac: —¿Tas yuj 'ixta tzotj paxtinc a b'a 'ayn̈ on̈ mamin? ¿An̈ a checb' on̈ tic on̈, caw may 'aj tzqui b'o jun tzal cha?

1 Cr 11:19

'Ix yaln 'ixtic: ¡A cab' Dios matz chan wuc' jun a a tic! ¡To ma'ay 'icha to a schic'l jun tzo'n̈ winc tic tzwu'j 'ejmi, Yujto 'ix ya'ch sb'a eb' 'a yol sc'ab' chamel, yic x'at yi'nc eb' a'! xchi. Yuj cha, ma'ix yal xon sc'ojl xyuq'uej. Atn jun tic 'ix sb'o eb' 'oxwn̈ caw jeln cha.

Job 27:5

Ya' sb'a pitzn in to, may b'a'n̈ 'oj wala' to yel tas tzeyala; ma'oj in chach 'a wib'an̈ to yuj in mul 'ixta tzin 'aji.

Ez 46:18

A jun yajl cha, matz tac' sto'n 'ec' slum junc xo mach. A tas yic win yaji, a chi tzya'x can win 'a yunnal sec wach' may junc eb' 'a eb' in chon̈b' to tzcan 'a may slu'um, xchi Dios.

Lv 25:23

A lum lum cha, matz tac' e chon̈n lum 'a jun 'ejmn̈ej, yujto wic lu'um, ax tic ton̈j 'e'lb'a eyec' 'a sat lum wu'uj.

Nm 36:7

sec a lum slum eb' 'ix tzchaj cha, matz tac' yec' lum yico'oc junc xo 'in̈tal. Yuj cha, smasnil eb' israel yowlal tzcol eb' smacl lum chi 'a yin̈tl cha.

Nm 36:9

Matz tac' yec' slum junc 'in̈tal yico'oc junc xo 'in̈tal. Junjn 'in̈tal eb' israel, mun tzcan eb' yet' smacl lum tzcha'aj, xchi Moisés.

Ro 3:31

Yel toni tzon̈ colchjec, yujn̈ej to tzca'c 'och 'a qui c'ojol. Palta ¿tom yuj chi tztac' calnec, to man̈x 'a yopiso ley yic Moisés? Ma'ay, caw matz tac' calnec 'ixta'. Ticni a jun ley cha, to tzqui wach' 'a'jec 'och yopiso.

Ro 3:4

Caw wal tz'el'chi. Wach'xam junjn mach tzyac' 'es, ax Dios caw yel tzyac' 'el'choc jantcn̈ej tas tzyala. A 'a Ch'an̈ U'un̈, ata tzyal 'ixtic: Mamin, a yic tzach b'eyc'ojlwi, tzcheclj 'eli to caw yel tojl ach, matz tac' yalx tu paxti 'aych yuj jun a b'eyc'ojlal cha, xchi.

Ro 3:6

Palta caw man̈ 'ichcta'. Q'uinloc man̈ tojloc Dios ticnec, toto 'ixta', ma'oj stac' sb'eyc'ojlan eb' 'anma 'a yolyib'n̈q'uinl tic.

Ro 6:15

A ticnec, 'ayn̈ec 'ec' 'a yol sc'ab' swach'c'ojlal Dios, man̈xoc 'a yol sc'ab' ley yic Moisés. Palta ¿tas tze na'a? ¿Tom yuj cha, tztac' an̈ja qui b'onec maysch'olnil? Ma'ay, caw wal man̈xtzac stac'a.

Ro 6:2

Ma'ay, caw wal matz tac'a. A 'a sat Dios chamnc on̈c xo, man̈x 'a yaln maysch'olnil yic 'ayn̈ec. Yuj cha, ¿tom an̈ja tzat stac' qui b'eylb'anec maysch'olnil?

Ro 7:13

Palta ¿tas tze na'a? ¿Tom a jun wach' chi x'i'n cot chaml 'a wib'an̈? Ma'ay, caw man̈o'oc. Atn jun tzo'n̈ maysch'olnil toxn 'aych 'ayin, a 'ix 'i'n cot 'a wib'an̈. 'Ixta x'aj scheclj 'eli, to yel maysch'olnil jun tzo'n̈ cha. A jun tzo'n̈ chi 'ix 'i'n cot chaml 'a wib'n̈ yuj jun wach' cha. 'Ixta tzyutj jun ley chi sch'oxn 'eli, to a jun tzo'n̈ maysch'olnil cha, caw tu'.

Ro 7:7

Palta ¿tas tze na'a? A ley yic Moisés, ¿tom maysch'olnil tze na'a? Caw ma'ay. Yujn̈ej jun ley cha, tznachj 'el cujec to maysch'olnil tas tzqui b'o'ec. Q'uinloc 'ay junc tas tzin nib'j 'och ticnec. Wojtac, to maysch'olnil wan in b'oni, yujto tzyal jun ley chi 'ixtic: Man̈ a nib'c 'och junc tas, xchi. Q'uinloc may tas tzyala, to 'ixta', man̈ wojcoc, toto maysch'olnil tas wan in nani.

1 Co 6:15

'In eyojc xoni, a qui niwnalec tic, 'icha to sniwnal Cristo yaji. Yuj cha, ¿tom tztac' qui'nec 'at sniwnal Cristo, tz'at ca'noc yitb'eymoc junc 'ix 'ajmul 'ix, sec junxn̈ej tz'aj yet' 'ix? May ton b'i'an.

Gl 6:14

Palta an xo tic, may junc tas 'aj tzin b'an̈ in b'a 'a spatic. Cojxn schamlil Cajlil Jesucristo 'a spenc culus a tzin b'an̈a. Yuj schamlil cha, man̈x 'a yaln yolyib'n̈q'uinl tic yic 'ayin, 'icha to chamnc xo 'a in sat. An xo tic, 'icha to chamnc in pax 'a yolyib'n̈q'uinl tic jun xo, yujto man̈x 'a waln wic 'a 'a.

Josué 24:16

Yuj cha, xta'w eb' chon̈b' chi 'ixtic: —May b'a'n̈ 'oj cactc can Jehová yic tzca'n servil jun tzo'n̈ comn dios chi 'on̈.

A Ch'an̈ B'ab'el Libro Samuel 12:23

Colwj cab'n̈ej Jehová wet'oc sec tzin leslwin̈ej eyu'uj yic matz 'och in mul 'a 'a. 'Oj ex in cuy 'a tas yel yet' 'a tas tojol.

A Ch'an̈ B'ab'el Libro Samuel 24:6

'ix yaln 'ixtc 'a eb' winc ajun yet' cha: —¡A cab' Jehová matz chan in b'o tas tu 'a win rey tic, yujto a 'a'jnac 'och win reyal! xchi.