A Ch'an̈ B'ab'el Libro Yic Yab'ixal Eb' Rey 20:34 - Chuj San Sebastian Bible

³⁴ Xlajw cha, xyaln Ben-adad chi 'ixtic: —A jun tzo'n̈ chon̈b' yijnac 'ec' in mam 'a yol sc'ab' a mam, ticnec tzwa'x can meltzjoc eb' 'ayach, tztac' pax s'at eb' a chon̈wjum 'a Damasco, 'icha ya'jnac in mam 'a Samaria, xchi. —An xo pax tic, tzach wa'l 'a libre yuj jun trato tic, xchi Acab. 'Ixta xyutj eb' sb'on jun strato cha, xlajw cha, 'ix pax Ben-adad.

Chuj San Mateo Bible

³⁴ Ix lajvi chi' ix yalan vin̈aj Ben-adad chi' icha tic: —A ticnaic a juntzan̈ chon̈ab' yic'nac ec' vin̈ in mam d'a vin̈ a mam, svac'xican d'ayach. Syal sb'at eb' a chon̈vajum d'a Damasco icha sc'ulejnac eb' schon̈vajum vin̈ in mam chi' d'a Samaria, xchi vin̈. —Tato icha chi', ol ach vaq'uel d'a libre, xchi vin̈aj Acab chi'. Icha chi' ix aj sb'oan jun strato eb' chi'. Ix lajvi chi' ix pax vin̈aj Ben-adad chi'.

A Ch'an̈ B'ab'el Libro Yic Yab'ixal Eb' Rey 20:34 ပူးပေါင်းရင်းမြစ်များ

A Ch'an̈ B'ab'el Libro Yic Yab'ixal Eb' Rey 15:20

'Ix schan sc'ojl win Ben-adad tas 'ix yalb't win rey Asa, yuj cha, schecn 'at win eb' capitan̈ yet' eb' soldado yic tz'at ya'nc eb' owl 'a eb' lum chon̈b' 'a yol yic Israel. 'Ixta x'aj yajx ganar chon̈b' Ijón, Dan, Abel-bet-maaca, yet' smasnil chon̈b' 'a yol yic Cineret yet' 'a smasnil yol smacb'en eb' yic Neftalí.

A Ch'an̈ B'ab'el Libro Yic Yab'ixal Eb' Rey 20:33

A jun tzo'n̈ paxti cha, caw wach' xyab' ewinac, yuj cha, xyaln eb' 'ixtc muc'uc: —A o'tac Ben-adad mamin rey, pitzan, xchi eb' 'a 'a. —'At 'ijec cot win muc'uc, xchi 'a eb'. Yuj cha, 'ix jaw Ben-adad 'a yojltac Acab, 'ix yi'n q'ue 'a yol scaruaje.

A Ch'an̈ B'ab'el Libro Yic Yab'ixal Eb' Rey 20:42

'Ix yaln win 'ixtc 'a win rey cha: —'Ixtc wal xyutj Jehová yalni: ¿Tas yuj 'ix a'l win winc 'a libre to 'ayx 'och 'a yol sc'ab' chaml wu'uj? Ax ticnec, ach 'oj a cham sjelc winac, ax scham eb' a chon̈b' sjelc eb' yic win cha, xchi Jehová, xchi winac.

A Ch'an̈ B'ab'el Libro Yic Yab'ixal Eb' Rey 22:31

Palta ax win sreyl Siria cha, 'ix yal win 'ixtc 'a ewin 32 scapitan̈il eb' soldado winac, atn ewin xyij scaruaje yic owal: Man̈ e comn 'a'c owl yet' eb' comn soldado cha, cojn win rey yic chon̈b' Israel tzeyac' owl chi yet'oc, xchi win 'a eb'.

2 Cr 16:4

'Ix schaj sc'ojl Ben-hadad tas 'ix yalb't rey Asa, yuj cha, schecn cot eb' capitan̈ yet' eb' soldado, yic tzya'n eb' owl yet' jun tzo'n̈ chon̈b' 'a yol yic Israel. 'Ixta x'aj yajx ganar chon̈b' Iión, Dan, Abel-maim, yet' smasnil chon̈b' 'a yol yic Neftalí, atn 'a 'aj tzmolx smasnil tas tzc'uxxi.

2 Cr 18:30

Palta tox 'ix yal sreyl Siria 'a eb' capitan̈ 'a jun tzo'n̈ caruaje yic owal, to matz yac' eb' owl yet' junc xo mach, to cojn yet' sreyl Israel tzyac' eb' owal.

Is 26:10

Wach'xam tz'o'ch a c'ojl 'a eb' maysch'olnil sb'eyb'al, palta matz yiclj eb' sb'on tojlal. Wach'xam a 'a scal eb' wach' snab'en cajn 'ec' eb', palta an̈ja sb'on eb' maysch'olnil cha. Toc 'ay el'ch yet' opiso chi 'a sat eb'.

Is 8:12

Man̈ a mol alc yet' eb', yic tzc'ann eb' scolwal junc xo mach. Man̈ a xib'tc a b'a yuj tas 'aj tzxiw eb'.

Dt 7:2

A yic 'oj ya'nc 'och Jehová jun tzo'n̈ nacion̈ chi 'a yol e c'ab', c'uxn tze satl eb' smasnil. May junc trato tze b'o yet' eb', man̈ 'o'ch pax e c'ojl 'a eb'.

A Ch'an̈ B'ab'el Libro Samuel 11:1

Xlajw cha, 'ix cot Nahas win sreyl Amón yet' eb' soldado yic tzya'n owl 'a chon̈b' Jabes 'a yol yic Galaad. Palta xyaln smasnil eb' syajlil eb' cajn 'a Jabes chi 'ixtc 'a Nahas: —B'o junc a trato quet' on̈, tzlajw cha, tzon̈ 'och a checb'oc on̈, xchi eb'.

A Ch'an̈ B'ab'el Libro Samuel 15:8

'Ix syamn cot eb' win Agag sreyl Amalec xyi'n can 'at eb'; ax smasnil eb' 'anma cajn 'a jun chon̈b' cha, 'ix tzu'x can cham eb'.

A Ch'an̈ B'ab'el Libro Samuel 15:9

Palta ax Saúl yet' eb' soldado ajun yet'oc, 'ix yac' eb' niwnc'ojlal 'a Agag, ma'ix smil cham eb'. Ma'ix satl eb' no calnelu, no wacax, yet' jun tzo'n̈ xo no noc' to caw wal b'aq'uech, no quelmtac calnelu, yet' pax smasnil tas wach'. Ax smasnil jun tzo'n̈ tas may wal yel'chi, 'ix satl eb' smasnil.