A Ch'an̈ B'ab'el Libro Yic Yab'ixal Eb' Rey 20:14 - Chuj San Sebastian Bible

¹⁴ —¿Mach yuj 'oj can eb' 'a yol in c'ab'? xchi Acab cha. —A Jehová 'ix alni, to a ewin quelmtac, atn eb' 'aych stan̈malc ewin 'aych yajlilal 'a junjn chon̈b' 'a yol a macb'en tic, a eb' 'oj 'a'nc ganar, xchi win schecb' Dios cha. 'Ix yaln Acab 'ixtic: —¿Mach 'oj b'ab'ljoc 'a owl cha? xchi. Ach toni, xchi win schecb' Dios cha.

Chuj San Mateo Bible

¹⁴ Ix tac'vi vin̈aj Acab chi', ¿mach yuj ol ac'jococh eb' d'a yol in c'ab' chi'? xchi vin̈. —A Jehová ix alani to a yuj eb' vin̈ quelemtac scolvaj yed' eb' yajal yaj d'a junjun chon̈ab' d'a yoltac a macb'en tic, a yuj eb' vin̈ ol ac' ganar, xchi vin̈ schecab' Dios chi'. —¿Palta mach ol b'ab'laj yamanoch oval chi'? xchi vin̈aj Acab chi'. —A extoni, xchi vin̈ checab' chi'.

A Ch'an̈ B'ab'el Libro Yic Yab'ixal Eb' Rey 20:14 ပူးပေါင်းရင်းမြစ်များ

A Ch'an̈ B'ab'el Libro Yic Yab'ixal Eb' Rey 18:44

Ax 'a yuc 'ejmal cha, xyaln win 'ixtic: —'Ay jab' 'asn tzwilb't 'a yib'n̈ a mar, lajn yilx 'at 'icha junc sc'ab' 'anma', xchi. —'Ixc muc'uc, 'at al 'a win Acab, to tzyac' lista win e no schej tzto'n scaruaje yic tz'at winac, sec man̈toc 'oj macxoc can cot win yuj n̈ab' cha, xchi.

A Ch'an̈ B'ab'el Libro Samuel 17:50

'Ixta yutjnac David ya'n ganar win filisteo. Cojn jun mejech', yet' jun q'uen q'uen 'ix sc'ana yic sjuln chamoc. Palta may yespada yet'i,

A Ch'an̈ B'ab'el Libro Yic Yab'ixal Eb' Rey 20:13

Ya' sb'a cha, 'ix c'och jun schecb' Dios 'a win Acab cha, xyaln 'ixtc 'a winac: —'Ix yal Jehová 'ixtic: Tzcham wal eln 'at jun b'uln̈ eb' 'anma cha, an 'oj wac' eb' 'a yol a c'ab' sec 'oj ojcoc 'eli, to an tic Jehová in, xchi Dios, xchi winac.

A Ch'an̈ B'ab'el Libro Yic Yab'ixal Eb' Rey 20:15

Yuj cha, 'ix ya'n b'isxoc ewin quelmtac 'aych stan̈malc ewin yajl 'a junjn chon̈ab'. A sb'isl eb' 'a smasnil 'ay 232. Xlajw cha, xya'n pax b'isxoc smasnil eb' soldado israel, 'ay uque mil eb' soldado cha.

A Ch'an̈ B'ab'el Libro Yic Yab'ixal Eb' Rey 20:17

Ax ewin quelmtac stan̈mal eb' yajl 'a junjn chon̈b' cha, a eb' xb'ab'lji. Ax yic 'ix 'at alxc 'a win Ben-adad yuj eb' 'ilwjum 'aycn 'och yu'uj, xyaln eb' 'a 'a, to 'ay eb' winc x'elt 'a yol chon̈b' Samaria.