A Ch'an̈ B'ab'el Libro Yic Yab'ixal Eb' Rey 2:6 - Chuj San Sebastian Bible

⁶ Yuj cha, caw jeln tzotj a b'a, ma'oj cham cab' Joab 'a 'ichn̈jta'.

Chuj San Mateo Bible

⁶ Yuj chi' n̈ican tzutej a b'a, mocab' chamlaj vin̈aj Joab chi' d'a ichn̈ejta'.

A Ch'an̈ B'ab'el Libro Yic Yab'ixal Eb' Rey 2:6 ပူးပေါင်းရင်းမြစ်များ

Gn 42:38

Palta 'ix yaln win Jacob 'ixtic: —Ma'oj 'at ni wunnal tic eyet'oc. 'Ilt win José chamnc winac, toq'ue 'ay pax tz'i'n junx ni tic 'a yol b'e, ax wal tz'och e mul, yic tzin cham an 'ichm in tic yuj cusc'ojlal, xchi winac.

Gn 9:5

An 'oj wac' syailal eb' 'anma tzmiln cham yit 'anma'il, ax no noc' tzmiln cham 'anma', 'oj wac' ma'xoc cham pax no'.

Gn 9:6

A mach tzmiln cham yit 'anma'il, 'anma 'oj milnc chamoc, yujto ax 'anmax tic, 'icha in tic, 'ixta ex wutj ex in b'oni.

A Ch'an̈ Schab'l Libro Samuel 3:39

Yuj cha, wach'xam a Dios in si'n 'och reyal, palta caw wal may wip tzwab'i, yuj stu nab'enal eb' yune 'ix Sarvia. A cab' Jehová 'oj 'a'nc spac 'a jun mach x'och smul tic, xchi David.

A Ch'an̈ B'ab'el Libro Yic Yab'ixal Eb' Rey 2:7

Palta ax eb' yunnal Barzilai 'aj Galaad, tza chamc'ojlej eb' in c'ana'. Tzawtjn̈ej eb' wac et'oc, yujto a eb' 'ix colwj 'ayin, yic in 'at 'elc 'a o'tac Absalón.

A Ch'an̈ B'ab'el Libro Yic Yab'ixal Eb' Rey 2:9

Man̈ ac' niwnc'ojlal 'a 'a. Ach tic caw 'ay a nab'en, tzcham wal a nani tas tzotej. Man̈ cab' ton̈joc tzcham 'a 'ichn̈jta', palta to yowlal tzmilx cham yuj tas tu sb'ojnac, xchi rey David.

A Ch'an̈ B'ab'el Libro Yic Yab'ixal Eb' Rey 3:12

yuj cha, 'oj wac' tas chi xa c'an cha. 'Oj wac' a jelnal, mant 'a mach lajn snab'en 'ix 'ec' 'icha ach tic, may pax junc xo tot 'oj 'och 'a yic 'oj lajwc stiempoal eco'.

A Ch'an̈ Schab'il Libro Yic Yab'ixal Eb' Rey 22:20

Yuj cha, 'oj a mucx 'a junc'ojlal 'a 'aj mucn eb' a mam echam, man̈x 'oj el smasnil yailal 'oj wa' cot 'a yib'n̈ jun lugar tic, xchi Dios, xchi 'ix Hulda cha. 'Ix meltzj eb' schecb' win rey cha, yic tzwul yalnoc eb' 'a winac tas chi xit' yab' eb'.

Salmos 37:37

Tzcham wal cochc q'ueln 'a eb' wach' snab'en, caw wach' 'oj 'el'choc eb', yujto a junc'ojlal tzsayc' eb'.

Pr 20:26

A junc rey caw 'ay snab'en, c'uxn tzpechl eb' maysch'olnil 'a stz'ey, tzcan eb' 'a yaln̈ yu'uj.

Pr 28:17

A mach tz'och smul smiln cham yit 'anma'il, man̈x cab' 'och wan 'a yet'ul, masnto tzc'och 'a 'aj 'ay sjul-l eb' chamnc 'anma'; may cab' mach tzyamn 'och wa'an.

Ec 8:11

Yujto man̈ toc yajn̈ej tz'ajx 'och yailal 'a yib'n̈ eb' maysch'olnil, yuj cha cojxn maysch'olnil chi tzna eb'.

Is 48:22

Ax eb' maysch'olnil tas tzb'o'o, may jac wach'l 'oj yil eb', xchi Dios.

Is 57:2

Junc'ojlal xoj tz'aj eb' 'aj tzc'ochi. A eb' tojl tzyutj sb'eyb'al 'a sat Dios 'a yolyib'n̈q'uinl tic, ax 'aj tzc'och eb' cha, to tz'ilj eb'.

Is 57:21

Ax eb' maysch'olnil tas tzb'o'o, toxn may jac wach'l 'oj yil eb', xchi Dios.

Is 65:20

Ata', may eb' 'unn 'oj comn cham muc'uc, to jaye wal c'u tz'eq'ui. May pax eb' 'ichm 'anma 'oj comn chamoc, to ma'oj tz'acwc yab'lil. A eb' 'oj cham 'a jun ciente ab'il sq'uinal, caw 'unn 'anma to eb', ax eb' ma'oj q'ue'choc yab'lil 'a jun ciente ax schami, a eb' cha, to a smul eb' 'ixta tz'utni.

Nm 35:33

Man̈ eyixtc 'el lum lum chi 'aj 'oj eyaj cajn chi yuj schic'l eb' 'anma tzmilx chamoc. Toto 'ay chic' tz'elcn 'a sat lu'um, may junc xo tas tztac' ya'n tupoc, cojxnto tzcham jun 'ay smul cha.