A Ch'an̈ B'ab'el Libro Yic Yab'ixal Eb' Rey 2:5 - Chuj San Sebastian Bible

⁵ 'In ojc xo ach tic, tas in yutj Joab, win yune 'ix Sarvia, 'ix smil cham win chawn̈ eb' sgeneralil eb' soldado quit israelal: atn Abner yunnal Ner, yet' Amasa yunnal Jeter. A wal yic may owal, 'ix milx cham eb' yu'uj, 'icha to a 'a owl 'ix cham eb', 'icha to 'ix b'on̈x sincha yet' xan̈b' yuj schic'l eb'.

Chuj San Mateo Bible

⁵ Ojtacxo tas ix in yutej vin̈aj Joab yune' ix Sarvia, ix smilcham chavan̈ eb' vin̈ yajalil eb' soldado quetisraelal vin̈: Aton vin̈aj Abner yuninal vin̈aj Ner yed' vin̈aj Amasa yuninal vin̈aj Jeter. Man̈oclaj d'a scal oval ix miljicham eb' vin̈ yuj vin̈, palta ichato d'a oval chi' ix cham eb' vin̈. Ichato ix b'on̈chajb'at stzec'ul vin̈ yed' xan̈ab' yuj schiq'uil eb' vin̈.

A Ch'an̈ B'ab'el Libro Yic Yab'ixal Eb' Rey 2:5 ပူးပေါင်းရင်းမြစ်များ

A Ch'an̈ Schab'l Libro Samuel 17:25

A win Amasa, 'ix ya'ch Absalón syajlilc eb' soldado chi sjelc Joab. A win Amasa cha, yunnal jun win tzcuch Itra, yic eb' yin̈tl can Ismael. Xyi'n sb'a win yet' 'ix Abigail yisl win Nahas, 'ix snul'j 'ix Sarvia, snun win Joab.

A Ch'an̈ Schab'l Libro Samuel 18:12

Ax win soldado cha, xta'w win 'ixtic: —Wach'xam tzac' junc mil q'uen 'ayin, palta matz wa'ch in c'ab' in miln win yunnal win rey, yujto xcab' on̈ tas xyutj win rey chi yaln 'ayach, 'a win Abisai yet' 'a win Itai, chajtlto tze col win Absalón, sec may mach tzmiln winac.

A Ch'an̈ Schab'l Libro Samuel 18:14

'Ix ta'w win Joab 'a win 'ixtic: —Nab'an̈ej tzwij 'ec' in tiempo et'oc, xchi winac. 'Ix yi'n Joab chi 'oxe q'uen cotc lanza, 'ix 'at stecnc 'och 'a spixn Absalón, yujto pitznto win 'a sc'ab' te mach' cha.

A Ch'an̈ Schab'l Libro Samuel 18:5

'Ix yaln win rey chi 'ixtc 'a Joab, 'a Abisai yet' 'a win Itai: Yuj e chamc'ojlal 'ayin tzwaln 'ayex, to tzeya'ilj win quelm Absalón, xchi. Ax smasnil eb' soldado cha, c'uxn xyab' eb' tas xyal win rey chi 'a eb' syajlil eb' yuj win Absalón cha.

A Ch'an̈ Schab'l Libro Samuel 2:13

Ax pax Joab win yune 'ix Sarvia, x'el yet' eb' soldado David 'a chon̈b' Hebrón, axta schaj sb'a yet' Abner 'a 'aj tzyam sb'a a a yic Gabaón. A chamacn̈ eb' soldado cha, 'ix 'och wan eb' 'aj tzyam sb'a a a cha, junjn macn̈ eb' 'a junjn sc'axpil 'ec' a'.

A Ch'an̈ Schab'l Libro Samuel 2:18

Ata 'ayc' 'oxwn̈ ewin yune 'ix Sarvia: atn ewin tic, win Joab, win Abisai yet' win Asael. A win Asael tic, caw jeln sb'ey win 'icha no c'ultquil chej.

A Ch'an̈ Schab'l Libro Samuel 20:10

Ax Amasa cha, toxn ma'ix snal jac yuj q'uen espada yet' win Joab cha. Yajn̈ej 'ix stecn 'och win Joab q'uen espada chi 'a sc'ojl winac. Smasnil yol sc'ojl winac 'ix 'ejm lan̈njoc 'a sat lu'um. Junn̈j xyac' win Joab chi 'a winac, 'ix chami. Xlajw cha, 'ix 'at win Joab yet' win yu'tac Abisai 'a spatquil Seba.

A Ch'an̈ Schab'l Libro Samuel 3:27

A yic xjapx Abner 'a Hebrón, ax Joab 'ix 'i'n 'och wa'an. Xyi'n 'ec' 'a stz'ey sti spuertail chon̈ab', yic tzpaxtin cob' a c'ultacl yet' ta sch'ocoj. Axta stecch Joab q'uen yespada 'a sc'ojl Abner cha, 'ix chami, yic tzya'n can pax Joab spac win Asael, atn win yu'tac.

A Ch'an̈ Schab'l Libro Samuel 3:39

Yuj cha, wach'xam a Dios in si'n 'och reyal, palta caw wal may wip tzwab'i, yuj stu nab'enal eb' yune 'ix Sarvia. A cab' Jehová 'oj 'a'nc spac 'a jun mach x'och smul tic, xchi David.

A Ch'an̈ B'ab'el Libro Yic Yab'ixal Eb' Rey 1:7

Sb'o Adonías chi jun strato yet' Joab, yune 'ix Sarvia, yet' pax Abiatar ya'mal 'och sti eb' 'anma 'a Dios, 'ix ya'n 'och sb'a eb' yet'oc.

A Ch'an̈ B'ab'el Libro Yic Yab'ixal Eb' Rey 2:32

'Och cab' smulc yuj Jehová, yujto man̈ yojcoc in mam, atn David, yic 'ix smiln cham win Joab chi win Abner yunnal Ner, sgeneralil eb' soldado israel, yet' pax Amasa yunnal Jeter, sgeneralil eb' soldado Judá. A eb' chawn̈ cha, caw wach' eb', yiclum eb'.

Jeremías 2:34

Caw chi'ctac e pichl yuj schic'l eb' meb'a may jac smul. Xe mil cham eb', wach'xam man̈ wanoc yoch eb' 'elc'l 'ayex.

Jeremías 6:15

¿Tom 'ix q'uixw eb' sb'on jun tzo'n̈ maysch'olnil cha? Wal yel, caw ma'ix q'uixw xon wal eb' jab'oc, ¡toxn man̈ yojcoc eb' sq'uixwi! Yuj cha, an Jehová in, an tzwala to a wal yic 'oj wa'nc 'och yailal 'a yib'n̈ eb', 'oj satcn 'el eb', xchi Dios.

Mt 3:4

A Juan cha, a xil no cameyo 'aych spichloc, ax sjalul tz'u'um. A jun tzo'n̈ noc' 'icha b'ojch'in a tzchi'a; ax no calte'al yal chab' tzyuq'uej.

Dt 27:24

Catb'tzaxc cab' eb' tzmiln junc yit 'anmal 'a c'ultaquil, xchi eb' levita. 'Ixta cab' tz'aji, 'oj xchic eb' chon̈ab'.