A Ch'an̈ B'ab'el Libro Yic Yab'ixal Eb' Rey 2:3 - Chuj San Sebastian Bible

³ Yiclj schecnb'il Jehová qui Diosal, tza b'on 'icha tznib'ej, yet' tas tzyal sley, schecnb'il, yet' pax scuynb'il tz'ib'b'il can 'a ch'an un̈ yic Moisés. To 'ixta', caw wach' 'oj 'el'choc smasnil tas 'oj a b'o', toxn̈ej 'aj tzach 'ati,

Chuj San Mateo Bible

³ C'anab'ajej schecnab'il Jehová co Diosal, icha tas snib'ej, tas syal scachnab'il, schecnab'il yed' sc'ayb'ub'al tz'ib'ab'ilcan yuj vin̈aj Moisés. Yuj chi' te vach'n̈ej ol aj yelc'och masanil tas ol a c'ulej yed' b'ajtac ol ach ec'oc.

A Ch'an̈ B'ab'el Libro Yic Yab'ixal Eb' Rey 2:3 ပူးပေါင်းရင်းမြစ်များ

A Ch'an̈ Schab'l Libro Samuel 8:14

Yajn̈j wal cha, xya'n 'och David chi eb' soldado stan̈malc chon̈b' Edom, yuj cha, smasnil eb' edomita cha, 'ix 'ochcn eb' 'a yaln̈ schecnb'il. Ax Jehová, a tz'a'n ya'n̈j ganar, yaln̈j 'ajtil tz'ati.

A Ch'an̈ Schab'l Libro Samuel 8:6

Yajn̈j wal cha, xya'n 'och David eb' soldado yet' scamplamento 'a yol yic Damasco cha, 'ixta x'ajcn eb' sirio chi scan 'a yaln̈ schecnb'il David, syamn 'och eb' ya'n stojlb'al 'a 'a. Ax Jehová a tz'a'n yac' ganar David owal, yaln̈j 'ajtil tz'ati.

A Ch'an̈ B'ab'el Libro Yic Yab'ixal Eb' Rey 3:3

Caw wal tzchamc'ojlej Salomón Jehová, tzyiclni ley alb'il can yuj David 'a 'a, atn smam. Locn pax tz'at yac' xajmb'al yet' incienso 'a jolmctac witz,

A Ch'an̈ Schab'il Libro Yic Yab'ixal Eb' Rey 18:7

Ax smasnil tas sb'o Ezequías cha, wach' 'ix 'el'chi yujto 'aych Jehová yet'oc. 'Ix meltzj 'och 'a sreyl chon̈b' Asiria, ma'ix schaj 'och sb'a yac' servil.

1 Cr 29:19

An̈jtona', tzac' wach' nab'enal 'a ni wunnal Salomón tic, sec wach' 'oj syiclc ni smasnil a checnb'il, a cuynb'il yet' pax a ley, ax sb'eylb'an ni smasnil, sec wach' 'oj stac' sb'on chan̈ ni jun n̈a man̈x jantcoc swach'l yilx 'ix in yamb'tzej can syamc'ab'il tic, xchi rey David 'a Dios.

Salmos 119:111

A jun tzo'n̈ a paxti 'ix al 'ayin, a chi tzwa'ch yipc in c'ojl 'a smasnil tiempo, yujto a 'a eb' 'aj tzwij in tzaljc'ojlal.

Salmos 119:138

Smasnil tas alb'il can o'oj, caw tojl eb', smoj wal tzwa'ch eb' yipc in c'ojol.

Salmos 119:2

Wach' yic eb' tzyiclni tas tzala, yujto 'a smasnil sc'ojl eb', tzchan eb' yab'i',

Salmos 19:7

A sley Jehová may wal jac spaltail, yujto caw tz'a'tb'i qui nab'enec yu'uj. A schecnb'il caw yel, tzyac' sjelnal eb' may xon jac tas tztac' yu'uj.

Ec 12:13

'Ixtn tic tz'aj slajw can jun tzo'n̈ paxti tic. 'Ix alx can 'el smasnil. 'Ay cab' yel'ch Dios 'a qui satec, qui yiclquec smasnil schecnb'il, yujto a jun chi yowlal tzqui b'o'ec.

Lv 8:35

Yuj cha, uque c'u, uque 'ac'wl tzex can 'a yamq'uil Mantiado tic. Tzeyiclni smasnil jun tzo'n̈ schecnb'il Jehová, sec wach' ma'oj e chami, yujto 'ixta xyutj yaln 'ayin, xchi Moisés 'a eb'.

Malaquías 4:4

Nac cot in checnb'il wa'jnac can 'a in checb' Moisés yic 'ayc' 'a sjolm lum witz Sinaí. A jun tzo'n̈ ley yet' jun tzo'n̈ checnb'il cha, smoj wal to tzeyiclj e masnil ax israel ex tic.

Dt 29:8

Xqui'nec can 'ec' slum eb', xca'n lum yico'oc eb' yin̈tl Rubén, eb' yin̈tl Gad, yet' spacl eb' yin̈tl Manasés.

Dt 29:9

Yuj cha, caw tzeyiclj jun strato tic, tze b'eylb'ani, sec wach' 'oj 'aj 'el'ch smasnil tas 'oj e b'o'.

Dt 4:1

'Ix yaln pax Moisés 'ixtc 'a eb' yit israelal cha: A ticnec ex wit chon̈ab', chajec eyab' jun tzo'n̈ ley yet' jun tzo'n̈ checnb'il tzwac' 'ayx tic, sec 'oj e b'eylb'oc, ax eyiclni yic 'oj e c'och cajn 'a sat lum lum 'oj yac' Jehová 'ayex, atn qui Diosalec yet' eb' qui mam quichmec.

Dt 4:5

'Ix wac' e cuy jun tzo'n̈ ley yet' checnb'il 'ix yac' Jehová wal 'ayex, sec 'oj e b'eylb'oc 'a sat lum lum 'oj e cha eyico'oc.

Dt 4:8

¿Tom 'ay junc xo nacion̈ to 'ay sley mto 'ay schecnb'il tojl yalx 'icha jun wan waln can 'ayx tic?

Dt 5:1

'Ix ya'n Moisés syam sb'a eb' yit chon̈b' smasnil. 'Ix yaln 'a eb' 'ixtic: Ex wit chon̈ab', 'ab'tec wal jun tzo'n̈ checnb'il yet' jun tzo'n̈ cuynb'il tzwalcn eyab'i'. Yowlal to 'oj e cuyu', ax e b'eylb'ani.

Josué 22:5

Cojn jun tas tzwal 'ayex, to tzeyicljn̈ej jun tzo'n̈ checnb'il, yet' jun tzo'n̈ ley xya'cn Moisés 'ayn̈ec, atn win schecb' Jehová. Tzyal 'el'chi, to caw tze chamc'ojlej Jehová qui Diosalec, b'eylb'ejc sb'eyb'al, tzeyiclni pax schecnb'il 'a smasnil e c'ojol, yet' wal 'a smasnil e nab'en, xchi 'a eb'.

Josué 23:6

'A'c wal eyip eyiclni smasnil tas tzyal ch'an̈ un̈ 'aj tz'ib'b'il can ley yic Moisés, 'icha wal cab' yaj stz'ib'x cani, 'ixta tzeyutj eyiclni.

A Ch'an̈ B'ab'el Libro Samuel 18:14

Yujto caw 'aychn̈ej Jehová yet' David, tzya'n̈j ganar 'a smasnil tas tzb'o'o.

A Ch'an̈ B'ab'el Libro Samuel 18:30

Ax eb' syajlil eb' filisteo, caw tz'eltn̈ej eb' yac' owl yet' eb' israel, palta 'a junjn 'ejem tzyac' ganar David owl yet' eb' soldado ajun yet'oc. Caw jeln 'a yib'n̈ jun tzo'n̈ xo eb' scapitan̈ win Saúl cha, yuj cha caw b'inab'il.

A Ch'an̈ B'ab'el Libro Samuel 18:5

Caw wach'n̈j x'aj 'el'ch smasnil tas 'ix 'ajx sb'o David yuj Saúl, yuj cha, xya'n 'och win syajlilc jun macn̈ eb' soldado caw 'a'm owal. Caw wal stzalj eb' 'anma yet' David cha, an̈jtona pax eb' yit yajlil win Saúl cha, caw stzalj eb' yet'oc.